Ekisodha 23:2 - Bhibhiliya Nya Guage

² U nga dzi bedzi guvivbani khu gu landra talo nya vathu, gambe vbamahungutunu u nga emi ni va nya gutala u diga lisine.

Ekisodha 23:2 Iomraidhean Croise

Genesi 19:4

Na va si gu hongoli va ya lala, nyumba yi di randredwa khu vama va dhoropani, vathu va Sodhoma, gukhugela madzaha kala sikhosane, vathu vatshavbo nyamba tshala ni moyo.

Genesi 6:12

Nungungulu a gu khedza mafuni a di wona guvivba basi, kholu vathu vatshavbo va di gimbila khu dzindzila nya gunyenyeze.

Genesi 7:1

Pfhumu Nungungulu a di embela Nowa, khuye: “Bela taroni uwe ni ngamo yago yatshavbo, kholu khuwe basi muthu nya lisine nya gululame nyi gu manidego vbakari nya vathu vatshavbo va matshiguni yaya.

1 Dzipfhumu 19:10

Uye a di hakha, khuye: “Nya guvbisega khu gu khathalela ngudzu Pfhumu Nungungulu nya Tshivba Yatshavbo, kholu sanana sa Israyeli, si digide gidzumeledzwano gyago, si khungumude siluvelo sago, va songetede vaprofeti vago khu litshari; kheni nyenga basi nyi vbulugidego, aholu eni neni va ngu nyi piga, va vbweta gu nyi songa.”

Joba 31:34

nyi thedwa hwanga khu ligwaha nya gidzemo, nyi thava gu hembuludwa ni gu tsorodzedwa khu valongo, gukala nyi sega likana nyi si tiyi ni gu duga khu nyumbani.

Dzindzimo 72:2

Gasi a lamula vathu vago khu lisine, ni gu sayisa sisiwana sago khu gululama.

Mavingu 1:15

Mwanangu, u nga tshuki u longoloka ni vathu nya nga avovo, ndreya ga ndzila va gimbilago khiyo.

Mavingu 18:5

Guvhikela muthu a ghohidego, khu gufela gu rwega nandru muthu nya gululame gu vivbide.

Mavingu 4:14

U nga gimbili khu sindzilana sa va nya guvivbedwa khu monyo, ambari gu longoloka ni sighohi.

Jeremiya 37:15

Manganagana ma di tala khu giviti khu Jeremiya, va di mu veta, va mu khothela pasoni, nyumbani ga mulovi Jonatane, va nga bani va yi vbindrugedzide yi khala lipaso.

Jeremiya 37:21

Khavbo avbo, mufumeli Zedhekiya a di leletela gukhuye, Jeremiya a khothedwa hubheni nya dzighadhi, gasi khu litshigu ni litshigu a ningwe gibaba nya guningwe khavo va vawulago, kala dhoropani gwatshavbo gu vbela sibaba. Khu kharati, Jeremiya a di khala hubheni nya dzighadhi.

Jeremiya 38:9

“Ama mufumeli, ni mune wangu, vama vava kha va gira silo nya sadi khiso va nga girelago muprofeti Jeremiya. Avo va di mu rinya namboni; khu lisine uye a nafa khu ndzala wulangani a guromo, kholu dhoropani gumwalo gambe sibaba.”

Ezekiyeli 9:9

Uye a di nyi hakha, khuye: “Guvivba ga va na Israyeli ni ga va na Judha, gukhongolo ngudzu; litigo li tade khu novba wu vbaladzidwego, ni lidhoropa li tade khu wudambane. Avo va gu ganela, khavo: Pfhumu Nungungulu dugide tigoni momu; kha hi woni.

Levhi 19:15

Vbamahungutunu u nga hambanisi nayo, u lamula khu ndzila nyamba lulama. U nga khedzi khu khovbe, u kalavela gisiwana mwendro gu emela oyu nya gumanele. U na lamula muakelane wago khu nayo ni lisine.

Agewu 1:4

“Ina khigyo egi gikhati nya gu enu mu khalani dzinyumbani nya gumburisedwe khu mapulango, aholu nyumba yeyi yi simama gu khala marumbi, gani?”

Marko 15:15

Khu guralo, Pilato khu gu vbweta gu tsakisa gidzemo, a di va tshulela Bharabhasi, na rumide gu kwamula Jesu, a di va ninga gasi vaya mu khokhothela vbagihambanotunu.

Luka 23:51

Kha nga nengela khiso si nga hungwago ni gu girwa khu vakwawe. Adiri givelegwa gya Arimateya, lidhoropa nya Vajudha, a di gu lindrela Mufumo wa Nungungulu.

Mithumo 24:27

Hwane nya myaga mivili, Felisi a di tshikedzwa khu Porisiyo Festo. Felisi, khu gu vbweta gu tsakisa Vajudha a di diga Pawulo pasoni.

Mithumo 25:9

Khavbo avbo, Festo khu gufela gu tsakisa Vajudha, a di wudzisa Pawulo, khuye: “U ngu dzina gu hongola Jerusalema uya lamuledwa iyo khu eni mahungu yaya, gani?”

Varoma 1:32

Avo va ngu dziti, gukhuga ni guema gukhavo, nayo wa Nungungulu wa gu ruma gukhuwo vatshavbo ava va vbanyago kharalo, va ngu fanedwa khu gufa. Aholu, kha va hegeli basi gu gira silo sesi, va gu pata ni guzundza vale va vbanyago navo kharato.

Dhewuteronome 1:17

Mu nga lamuli khu gihathela, yingisani uye nya dugwana kha nga uye nya khongolo; mu nga thavi khovbe ya muthu, kholu gulamula khwa Nungungulu; aholu mahungu ma na gu mu garadzelago ma reseni eno gwangu, eni nyi nata ma yingisa.

Dhewuteronome 16:19

U nga hambanisi wulamuli, u nga hatheli vathu, ambari gu rengeledwa; kholu wurengeleli wu ngu sega maho ya va nya guti, gambe wu ngu ndreyisa mahungu ya va nya gululama.

Dhewuteronome 24:17

U nga hambanisi dzifanelo dza muluveli ni khulungu; gambe u nga hakhi guambala ga noni kha nga gilo nya guphariswe khu mangava.

Josuwa 24:15

Aholu mwa gu si wona siri sadi gu khozela Pfhumu Nungungulu, hathani muhuno khu mani mu yelago gu mu thumela: Vanungungulu va nga khozedwa khu vababe vanu na vari khisikheyi nya tsongo wa Ewufrate, mwendro vanungungulu va Vaamori mu vbanyago tigoni gwawe. Gasi eni ni ndranga yangu hi na khozela Pfhumu Nungungulu.

1 Samuweli 15:24

Khavbo avbo, Sawule a di embela Samuweli, khuye: “Nyi ghohide kholu nyi nga ndragago nayo wa Pfhumu Nungungulu, ni magana yago; Kholu nyi di thava masotshwa nyi yingisa magana yawe.

1 Samuweli 15:9

Aholu, Sawule gumogo ni masotshwa yaye, va di diga Agagi nyamba mu songa, gumogo gambe ni mitshambi yaye nya dzinvuta ni dzimombe nya migadzi, sifuyo nya guene, sinvutana ni satshavbo si nga bani si romo nya sadi, ni gimwegyo nya iso kha va nga vbweta gu si mbembisa. Va di pfhungumula basi iso nyamba khalega ni gumba na lisima.