Ekisodha 23:1 - Bhibhiliya Nya Guage

¹ U nga swayi mahungu ma gu mwalo lisine. Mahunguni, u nga patani ni muthu nya guvivbedwe khu monyo, u gira wufakazi nya malipha.

Ekisodha 23:1 Iomraidhean Croise

Genesi 39:17

A di ta engedza gambe gu ganela kharato, khuye: “Khumbi yeyi nya Muhebheru u yi residego avba yi di hidzimela gwangu yi vbweta gu nyi pfinya.

2 Samuweli 16:3

Mufumeli a di mu wudzisa, khuye: “Gasi womo hayi mwamana wa mune wago?” Zibha a di hakha mufumeli, khuye: “Tshade Jerusalema, kholu a di khuye: Muhuno va na Israyeli, va gu vbweta gu nyi bweledzela mufumo wa babe wangu.”

2 Samuweli 19:27

Gudiga nya isoso, uye a lembide githumi gyago ga mufumeli ni mune wangu; aholu uwe mufumeli ni mune wangu u womo kha nga ngilozi ya Nungungulu; khu guralo, gira esi u si wonago nari sadi mahoni gwago.

Dzindzimo 101:5

Oyu a lembago ni gu singedza muthu kwawe mugusihalani, uyoyo nyi na mu mbembisa; gima kha nyi na timisela va nya matshandza ni va nya gu dzi khusedza.

Dzindzimo 120:3

Uwe lidimi nya mukanganyisi, u na wuyedwa khu ginani, tshatshazelo muni u na wu manago?

Dzindzimo 15:3

Wule a si lumbedzigo kwawe khu lidimi laye, a si girigo guvivba ga muthu kwawe, a si bhuseligo phungu muakelane waye;

Dzindzimo 27:12

u nga nyi ningeli ga valala vangu, va gira kheni guhaladza gwawe, kholu va nyi wugede va nyi singedza malipha, va tade khu wughevenga.

Dzindzimo 35:11

Dzi ngu khuga dzifakazi nya malipha, dzi nyi singedza khu silo nyi si sitigo.

Ekisodha 20:16

U nga singedzi malipha muthu kwanu.

Ekisodha 23:7

Thava gusingedza malipha mumbe muthu. U nga songi muthu a gu mwalo nandru, ni oyu a lulamidego, kholu Eni gima kha nyi na nga tshula muthu a gu na ni nandru nyi mu gira muthu nya gululame.

Mavingu 10:18

Uye a sihago livengo a na ni likana nya wudambane, ni wule a lembago vakwawe, gipumbu.

Mavingu 12:17

Uye a ganelago lisine i fakazi nya yadi, aholu fakazi nya malipha, mukanganyisi.

Mavingu 14:5

Fakazi nya gutumbege yi mwalo malipha, aholu fakazi nyamba tumbega ya gu resa malipha.

Mavingu 17:4

Muthu nya guvivbedwe khu monyo, a gu yingisa magana nya guvivbe, ni muthu nya malipha a gu yingisela magana nya milembo.

Mavingu 19:28

Fakazi nya malipha ya gu ghoha malamulelo nya yadi, ni maganani ga vathu nya guvivbedwe khu myonyo gwa gu duga silo nya gunyenyeze basi.

Mavingu 19:5

Fakazi nya malipha gima kha yi na hamuga tsayiso, ni wule a ganelago malipha kha na vbuluga.

Mavingu 19:9

Fakazi nya malipha yi na mana tsayiso, ni uye a ganelago malipha kha na vbuluga.

Mavingu 21:28

Fakazi nya malipha yi na mbembiswa, aholu muthu a yingisago gwadi, magana yaye khya lisine.

Mavingu 24:28

U nga khali fakazi nya malipha u lumbedza muakelane wago vbavbandze nya nandru, ambari gu mu kanganyisa khu magana yago.

Mavingu 25:18

Muthu a fakazago malipha, a wugela muakelane waye, a gu fanana ni litshari, gighomba ni giholoma nya gulodzwe si songago.

Mavingu 25:23

Phuvbo nya ronga gu resa ndzadzi, kharato, muthu nya milembo guthuvigisa siwombo.

Mavingu 6:19

fakazi nya gukanganyise yi phalalegisago malipha ni uye a wusago mayunga vbakari ga vandriyaye.

Jeremiya 20:10

Kholu nyi dipwa gidzemo na gi gu lemba, khigyo: “Khu maphuvbo yatshavbo hi randredwe khu sighevenga! Mu thuledzeni! Hongoleni hi mu thuledze!” “Avo va nga bani vari dzipari dzangu, va gu khedzisela guthega gwangu, va ganela, khavo: Ha gu mu tshunganisa hi na mu mana, hi kodza gu dzi phodzela.”

Levhi 19:11

Mu nga bi, mu nga liphi, mu nga pfhadzi muthu kwanu;

Levhi 19:16

U nga gimbili u ganelela guvivba khu vathu va na gyanu, mwendro gusambanya malipha u songisa muthu kwanu. Eni kheni Pfhumu Nungungulu.

Matewu 19:18

Lidzaha li di mu wudzisa, khilo: “Yevbini?” Jesu a di li hakha, khuye: “U nga songi muthu, u nga bhayi; u nga bi; u nga khali fakazi nya malipha;

Luka 19:8

Zakewu a di khuga a ema a embela Pfhumu, khuye: “Pfhumu, nyi na kabanisela sisiwana gipandre nya thomba yangu, nya gu bani nyi kanganyiside muthuyo, nyi na mu livba nyondro dzina.”

Luka 3:14

Masotshwa nayo ma diya wudzisa, khayo: “Ahati ethu, ginani hi fanedego gu gira?” A di ma hakha, khuye: “Mu nga phangi muthu, mu nga mu singedzi malipha, mu nga dwaneli gimbe gilo, vbavbandze nya iso mu hakhiswago khu mufumo.”

Johane 7:51

“Ina nayo wathu wu ngu dzumedzisa gu mola muthu nyamba hegula khu gu mu wudzisa, gasi guti gighoho gyaye, gani?”

Varoma 3:8

Khu ginani hi si ganeligo khethu: “Hongoleni hi gira guvivba gasi guta nya sadi.” Kha nga va hi singedzago khavo khiso hi hevbudzago. Vathu vovo va na tsayiswa khu edzi gu vbwetegago khidzo.

Vaefeso 4:25

Khu kharato, nyenyani malipha; muthu ni muthu a na ganele lisine ga muthu kwawe, kholu ethu hatshavbo hi sivbango nya givili gimwegyo.

Dhewuteronome 5:20

U nga giri wufakazi nya malipha u lumbedza muthu kwanu.

2 Thimoti 3:3

Va na bani vari vathu nyambana lihaladzo ni wuhengeli. Va na singedzana khu gyawe. Va na bani vari vathu nyamba khodwa ni gumba dzi phara, va nya guhambana ni wuthu, va nyamba vbweta esi nya sadi,

1 Pedro 3:16

Aholu, girani esi khu monyo nya gurule ni githawo, kha nga vathu va tengidego mapimoni gwawe, gasi mwa gu vadwa, vale va ganelago guvivba khu mavbanyelo yanu nya yadi nya wukristo, va na khala dzitshoni.

Gutuledwa 12:10

Khu hwane nya iso nyi dipwa lito nya gute khu ndzadzini li huwelela khu tshivba ni tshivba, khilo: “Gi vbohile gikhati nya guvbanyiswe, nya tshivba ni Wufumu wa Nungungulu wathu ni Mufumo wa Kristo waye. Kholu va mu pade muthuledzi wa vandriyathu, uye a nga bani a gu va poyila wutshigu ni mihani mbeli ga Nungungulu wathu.