Ekisodha 21:2 - Bhibhiliya Nya Guage

² Wa gu renga khumbi nya Muhebheru, yi na gu thumela livbandre na moyo myaga, aholu khu mwaga nya livbandre na wuvili, yi na tshulega basi nyamba livba gilo.

Ekisodha 21:2 Iomraidhean Croise

Genesi 27:28

Nungungulu a na gu ninge thondrwane ya ndzadzini ni gunona nya mafu, gu na manege talo nya tirigu ni vbinyu!

Genesi 27:36

Esawu a di ganela, khuye: “Khu olu gikhati nya wuvili na gu nyi kanganyisa, khu guralo va nga mu thangisa lina nya gupwani khu Jakobe. Guhegula a nyi wandrede wukoma wangu, olu a nyi dzegede gikategiso gi nga bani gi gu nyi lumba.” A di engedza gambe a ganela, khuye: “Baba, ina kamwe khwa nyi vegela neni gikategiso gimwegyo, gani?”

2 Dzipfhumu 4:1

Nyamayi moyo, wa vbakari ga vagadzi va vapizane va vaprofeti, a di lila ga Elizewu a mu embela, khuye: “Githumi gyago, mwama wangu, fude; uwe u ngu dziti gwadi gukhuwe githumi gyago gi di gu thava Pfhumu Nungungulu, olu vbohide uye a nga bani nari ni mangava naye guta dzega sanana sangu sa sivili gasi guya si gira dzikhumbi.”

Nehemiya 5:8

Nyi va embela, kheni: “Ethu hi tshudziside khu tshivba yathu yatshavbo vandriyathu nya Vajudha va nga bani va rengisidwe ga va nya mayigo; gasi enu mu ngu rengisa vandriyanu gasi va rengwe khethu, gani?”

Ekisodha 12:44

Aholu khumbi yatshavbo yi rengidwego khu dzitsapawu, yi ngu dzi kodza gu yi hodza mwa gu bani mu yi haniside wugwera.

Ekisodha 21:3

Ya gu bani yi dzude avbo gwago na yiri yonga, yi na duga gambe yonga. Aholu, ya gu bani yi dzude ni mwangadzi, yi na duga ni mwangadzi waye.

Ekisodha 21:7

Mwama a gu rengisa gyanana gyaye nya gyagadzyana a gi gira khumbi, igyo kha gi na nga duga kha nga idzo dzi dugago khidzo dzikhumbi nya vama.

Ekisodha 22:3

Aholu ya gu songwa na gugide, novba waye wu fanede gu livbwa. Mbafa yi fanede gu livba; ya gu hamuga nya gulivbe khigyo, yi na rengiswe, gasi gu livba wuvafa waye.

Levhi 25:54

A gumba tshudziswa, khu magirelo yaya, a na tshulega khu Mwaga nya Gunengele, uye gumogo ni sanana saye.

Matewu 18:25

Kha nga ulo a nga bani ari mwalo dzitsapawu nya gulivbe khidzo, pfhumu yile yi di ruma khiyo a rengiswe uye ni mwangadzi waye, ni sanana, ni thomba yaye yatshavbo, gasi gu mana iso nya gulivbe khiso mangava.

1 Vakorinto 6:20

kholu a mi rengide khu tengo nya wungi. Khu kharalo, rungudzani Nungungulu milini gwanu ni hefemuloni gwanu.

Dhewuteronome 15:1

“Guvbelani nya mwaga ni mwaga nya livbandre na mivili, u na tsetselela mangava.

Dhewuteronome 15:18

Wa gu mu tshula, u nga vbisegi khu gu mu wona na gu hongola; kholu uye a gu thumede livbandre na moyo myaga, a gu bhindzulede tanga nya gipandre nya esi u nga hadza gu livba githumi nya gu gi thole; khu guralo, Pfhumu Nungungulu wago, a na gu kategisa ga satshavbo u na girago.

Dhewuteronome 31:10

Mosi a di va leletela, khuye: Guvbelani nya livbandre na mivili myaga, a gu mwaga nya dzegiso, avbo nya Buzo nya Mitshatsha,