Ekisodha 21:1 - Bhibhiliya Nya Guage

¹ Esi khu sileletelo u na si vegago vbakari gwawe:

Ekisodha 21:1 Iomraidhean Croise

1 Dzipfhumu 6:12

“Mayelano khu nyumba yeyi u yi vbahago, wa gu landrisa sileletelo sangu, u gimbila khu milayo yangu ni gu sayisa sirumo sangu, u gimbila khiso, nyi na tadzisa gwago magana nyi tumbisidego babe wago Dhavhidhe.”

2 Dzikoronika 19:10

Gani khu mevbini mahungu mu no resedwago avbo gwanu khu vandriyanu va vbahidego madhoropani gwawe, a gu bani nari mahungu nya gusonge, mwendro ma gimbilelanago ni Nayo, sirumo, gululama mwendro sileletelo, gu vbwetega gu va khongotela gasi va si ghohi ga Pfhumu Nungungulu, gasi vbakari gwanu ni ga vandriyanu mu si thegedwi khu libango nya likhongolo, girani kharato, gasi mu si mani nandru.

Nehemiya 10:29

Vambe vathu va diri vaphasi nya mhamba, va na Levhi, vawoneleli nya dzinyangwa, vaembeleli, vasayisi va Nyumbani ga Nungungulu ni vatshavbo vale va nga bani va dugela mayigwana ya vbafuvbi, vata namarela vbamilayotunu ya Nungungulu, ni gu vagadzi vawe ni sanana sawe nya sikhwathana nesi nya vanyamahegyane ni vatshavbo avo va nga bani na vari ni tanga nya guti ni gu pima.

Dzindzimo 147:19

A ngu sawutela mahungu yaye ga Jakobe, ni sileletelo ni milayo yaye ga na Israyeli.

Ekisodha 19:7

Mosi a dita ramba madhota nya libandla a gu va embeledzela magana yaya yatshavbo, kha nga idzo Pfhumu Nungungulu a nga mu rumago khidzo.

Ezekiyeli 20:11

Nyi va ningide sileletelo sangu, nyi va gira vati milayo yangu, khu guralo, uye a na yi landrisago, a na vbanya khiyo.

Ezekiyeli 20:25

Khu kotani nya isoso, nyi va ningide sileletelo nyamba sadi, ni milayo yi gumba va ninga guvbanya;

Levhi 18:26

Gasi enu, mu na landrisa milayo ni sileletelo sangu, mu nga giri ni gimwegyo basi nya silo soso nya gunyenyeze, mwatshavbo, gani givelegwa gya tigoni, gani khwa guta luvela vbakari gwanu;

Levhi 18:5

Mu na landrisa sileletelo ni milayo yangu, kholu oyu a yi landrisago a na vbanya khiyo. Eni kheni Pfhumu Nungungulu wanu.

Levhi 19:37

Mu na sayisa sileletelo sangu satshavbo, mu landrisani milayo yangu yatshavbo. Eni kheni Pfhumu Nungungulu.”

Levhi 20:22

Khu guralo, mu na vegisani milayo yangu yatshavbo, ni sileletelo sangu satshavbo, mu si landrisa, gasi litigo nyi mu yisago muya vbaha umo li si mi gosi.

Mitengo 35:24

avbovbo tshangano wu na lamula vbakari ga musongi ni muphodzeli khu nayo yoyu:

Mitengo 36:13

Eyi khiyo milayo ni sileletelo esi Pfhumu Nungungulu a si vegidego ga va na Israyeli, khu ga Mosi, mikovani ga Mowabhi, vbafuvbi ni tsongo wa Joridhani, wu khedzanidego ni Jeriko.

Matewu 28:20

Va hevbudzeni gu landrisa satshavbo iso nyi nga mi hevbudzani. Gasi eni nyi na bani nyiri nanu gikhati gyatshavbo, kala guhegisani nya litigo.”

Dhewuteronome 15:12

Wa gu rengisedwa moyo nya vandriyago nya Muhebheru, nya mwama mwendro nya nyamayi a na gu thumela livbandre na moyo myaga, khu oyu nya livbandre na mivili u na mu tshula a hongola.

Dhewuteronome 4:14

Khu gikhati gya gimwegyo, Pfhumu Nungungulu a mi rumide, gukhuye mu hevbudza milayo ni sileletelo, gasi mu ya si landrisa ga litigo eli mu yago umo gasi guya li fuma.

Dhewuteronome 4:45

Khuwo owu wufakazi, ni milayo, ni sileletelo esi Mosi a nga embela sanana sa Israyeli, gikhati va dugidego khu Egipito,

Dhewuteronome 4:5

Wonani nya gukhenu nyi hevbudzide milayo ni sileletelo kha nga edzi nyi rumidwego khidzo khu Pfhumu Nungungulu wangu, gasi mu girani kharato vbakari nya litigo mu na li dzegago li khala thomba yanu.

Dhewuteronome 4:8

Ni gu gambe, khu levbini litigo nya likhongolo li gu na ni milayo ni sileletelo nya gululame kha nga nayo yoyu watshavbo nyi mu ningago muhuno?

Dhewuteronome 5:1

Mosi a di ramba va na Israyeli vatshavbo a ta va embela, khuye: “Yingisa, uwe Israyeli, milayo ni sileletelo muhuno nyi ganelago dzindzeveni gwanu, gasi mu si hevbula, mu si vegedza ni gu si landrisa.

Dhewuteronome 5:31

Aholu uwe tshala avba ni eni, gasi Eni nyi na gu ninga sirumo satshavbo sileletelo ni milayo esi uwe u na gu va hevbudzago gasi va ya si landrisa ga litigo nyi na gu va ningago vaya li fumela.

Dhewuteronome 6:1

Esi khu sirumo ni milayo ni sileletelo esi Pfhumu Nungungulu wago, a nyi rumidego gu mi hevbudza, gasi muya si landrisa ga litigo mu na li dzegago gasi li khala thomba yanu.

Dhewuteronome 6:20

Khu matshigu ma nga gutago, gyanana gyago gya gu gu wudzisa, khigyo: Sa gu tshamusela ginani wufakazi, sileletelo ni milayo, esi Pfhumu Nungungulu wathu, a hi leletedego?

1 Vatesalonika 4:1

Vandruye, mu hakhide ga ethu sileletelo nya ndzila mu yelago gu yi landrani gasi gu tsakisani Nungungulu. Hi ngu mi lombani ngudzu khu lina la Pfhumu mu pharise gu gimbila khu ndzila yoyo, nga edzi mutago mu na gu gira, gasi mu andra ngudzu.