Ekisodha 20:4 - Bhibhiliya Nya Guage

⁴ U nga tshuki u dzi girela githombe nya guvatwe, mwendro gifananiso nya esi si guromo vbatshani, ndzadzini, mwendro nya esi si guromo vbavbatshi, mafuni, mwendro nya esi si guromo guetani nya mati, vbavbatshi nya mafu.

Ekisodha 20:4 Iomraidhean Croise

1 Dzipfhumu 12:28

Hwane nya gu bani a dzi wudziside, mufumeli a di gira simombyana sivili nya ndralama; a embela vathu, khuye: “Enu mu ngu garala khu gu gwela Jerusalema, kha mu va woni ava vanungungulu vanu, enu va na Israyeli, va nga mi dusani khu tigoni ga Egipito.”

2 Dzipfhumu 17:12

Va di khozela sifananiso, iso va nga embedwago khu Pfhumu Nungungulu, gukhuye: “Mu nga giri silo nya nga esi.”

2 Dzikoronika 33:7

A di emisa gambe gifananiso gya nungungulu nya malipha a nga gi gira uye, Nyumbani ga Nungungulu, omu Nungungulu a nga bani a ganede ga Dhavhidhe ni ga mwanaye Solomoni, khuye: “Nyumbani momu, Jerusalema, nyi gu hathidego vbakari ga mahundzu yatshavbo ya na Israyeli, nyi na vega umo lina langu kala gupindruga.

Dzindzimo 78:58

Va di mu gorosa khu gu gira siluvelo nya wuhedheni, va mu girisa wufu khu kotani nya gukhozele vanungungulu nya malipha.

Dzindzimo 97:7

Va na thedwe dzitshoni avo va khozelago sifananiso nya guvatwe, avo va dzi khusedzago khu gu khozela sifananiso, va na khidzime mbeli gwaye vanungungulu vatshavbo.

Ekisodha 20:23

Khu guralo, mu nga girini vanungungulu nya parata mwendro nya ndralama, mu va vega vbafuvbi gwangu. Mu nga girini isoso.

Ekisodha 32:1

Aholu, avbo vathu va nga wonago gukhavo Mosi a ngu hwela gu tshiga khu mugigomoni, va diya randrela Aroni va mu embela, khavo: “Hi wumbele vanungungulu va na gu hi thangelago mbeli, kholu Mosi a gu uye a hi dusidego tigoni ga Egipito, kha hi dziti gukhethu ginani gi mu manego.”

Ekisodha 32:23

Va di nyi embela, khavo: Hi wumbele nungungulu a na gu hi thangelago mbeli, kholu Mosi a gu uye a nga hi gira hi duga tigoni ga Egipito kha hi dziti gukhethu ginani gi mu manego.”

Ekisodha 32:4

Uye a di dzi hakha khu mandzani gwawe a dzi nyiviligisa umo nya giwumbelo a gira githombe nya mombe nya gikete. Khavbo avbo, avo va di kulungela va ganela, khavo: “Enu sanana sa Israyeli kha mu mu woni oyu nungungulu wanu a mi dusidego tigoni ga Egipito a mi resani avba.”

Ekisodha 32:8

Kha va hwela gu penga va diga ndzila nya milayo nyi va ningidego. Va dzi wumbede githombe nya mombe nya gikete, va gi khozela, va gi ninga miphaso nya dzimhamba, va ganela, khavo: “Uwe Israyeli, oyu khu nungungulu wago a gu dusidego tigoni ga Egipito.”

Ekisodha 34:17

U nga dzi gireli vanungungulu nya gupfhudwe khu sikete.

Isaya 42:17

Va na lundrwa, va bwelela hwane na va tade khu dzitshoni, avo va tumbago sifananiso nya guvatwe, khavo: Enu khenu vanungungulu vathu.

Isaya 42:8

Eni kheni Pfhumu Nungungulu: Eli khilo lina langu nyi ranwago khilo! Wudhumo wangu kha nyi na ningela mumbe muthu, ambari gu ningela wuzundzo wangu ga sifananiso nya guvatwe.

Isaya 45:16

Vatshavbo va vatago sifananiso, va na khala dzitshoni va hambanega mapimo.

Ezekiyeli 20:7

Khavbo avbo, nyi di va embela kheni, moyo ni moyo a na dige gukhedzisela silo nya guvivbe, gambe mu nga dzi nyenyezisi khu sifananiso sa Egipito. Eni kheni Pfhumu Nungungulu wanu.

Ezekiyeli 8:10

Eni nyi di bela, nyi wona sivangwa satshavbo nya gukhwirire khu lididi, ni sirengo nya gunyenyeze, ni sifananiso nya vanungungulu sa va na Israyeli, na si lovetedwe dzindzarini khu maphuvbo yatshavbo.

Ezekiyeli 8:3

Uye a di thawuludza gilo nya gufanane ni libogo a nyi mola khu ndzudzu. Liphuvbo li di nyi vega vbakari ni vbakari nya mafu ni ndzadzini, khu siwoniso sa Nungungulu, ilo li di nyi yisa Jerusalema, vbanyangwatunu nya mwanya wa Wuronga nya laba la ndrani, avbo gu nga bani gu vegidwe gifananiso gya nungungulu nya malipha, gi nga girisago wufu Nungungulu.

Levhi 19:4

Mu nga khozelini vanungungulu nya malipha, gambe mu nga dzi gireleni vanungungulu nya gupfhudwe khu sikete. Eni kheni Pfhumu Nungungulu wanu.

Levhi 26:1

“Mu nga dzi gireleni vanungungulu nya malipha, ambari gu emisani sifananiso nya guvatwe ni sihuru, tigoni gwanu mu nga dzi gireleni siwindri mu si mburisela gasi mu si khozela; kholu Eni kheni Pfhumu Nungungulu wanu.

Mitengo 12:8

Uye nya gu ganela naye likana khu likana, khovbe ni khovbe, nasiri khu sipimaniso; kholu uye a ngu wona mufananiso wa Pfhumu Nungungulu. Olu, khu ginani mu ngamba thava gu lemba githumi gyangu Mosi, na?”

Mithumo 17:29

Ha gu bani hiri melego wa Nungungulu hi nga hingigedzi nya gukhethu Nungungulu a ngu fanana ni ndralama, ni silivha, ni giwindri gi vatwago ni gupfhudwa khu dzikhenge ni gu kodza nya muthu.

Varoma 1:23

Va digide gu rungudza Nungungulu nya gupindruge, va gu khozela sifananiso nya vathu vafago, kala va gu khozela ni sifananiso nya sinyoni, nya dzinyoga ni simbe sirengo si khwirirago khu lididi.

Dhewuteronome 16:22

U nga tsitsi lidingo nya gifananiso, kholu khiso a si nyenyego Pfhumu Nungungulu wago.

Dhewuteronome 27:15

Libango ga muthu a dzi girelago gifananiso nya guvatwe mwendro nya gupfhudwe, kholu manyala ga Pfhumu Nungungulu, gilo nya gugirwe khu thumo nya wumeseri, a gi vega gusihalani gasi gu gi khzela. Vathu vatshavbo va na hakha, khavo: “Amen!”

Dhewuteronome 5:8

U nga dzi gireli gifananiso nya guvatwe, ambari nya gufanane ni gimwegyo nya esi si guromo vbatshani ndzadzini, ambari vbavbatshi mafuni mwendro matini vbavbatshi nya mafu;

Gutuledwa 16:2

Yi di khuga ngilozi nya guhegule yiya vbaladza gikombe gyaye tigoni. Va di tedwa khu silondra nya guvbise nya guthise ngudzu, vathu vale va nga bani va vegidwe gifungo nya girengo, ni vale va nga khozelago gifananiso gyaye.

Gutuledwa 9:20

Ambari ga sigaradzo satshavbo sesi, vale va nga vbulugago, kha va dzi kodza gu vbindrugedza mavbanyelo, va nyenya sithombe nya guwumbwe khu mandza yawe, kha va diga gu khozela sikwembu ni sithombe nya guwumbwe khu ndralama, khu parata, mwendro khu sugu ni misimbo. Va rana vanungungulu sithombe nyamba wona, nyamba pwa, nyamba gimbila.

Valamuli 17:3

Khu guralo, Mika a di bweledza singerengere sile nya likhumi na limwedo mazana (1.100) ga mayi waye; aholu mayi waye a di mu embela, khuye: “Khu mandzani gwangu, nyi ngu ningela gyuma gegi ga Pfhumu Nungungulu khu gipandre gya mwamana wangu, gasi gu gira gifananiso nya guvatwe, olu, nyi ngu gi bweledza gambe iyo gwago.”