Ekisodha 20:3 - Bhibhiliya Nya Guage

³ U nga manegi nuri ni vambe vanungungulu mbeli gwangu.

Ekisodha 20:3 Iomraidhean Croise

1 Dzipfhumu 11:4

Kholu gikhati Solomoni a nga gumbago, vanyamayi vava, va di ndreyisa monyo waye, a gu landrela vambe vanungungulu, monyo waye gambe kha wa nga tumbega ga Pfhumu Nungungulu waye, kha nga idzo a nga tumbegago khidzo babe waye Dhavhidhe.

Dzindzimo 29:2

Rungudzani wudhumo nya lina la Pfhumu Nungungulu, khozelani Pfhumu Nungungulu makhuvini gwaye nya guage.

Dzindzimo 73:25

Khu mani mumbe nyi gu naye eni ndzadzini, vbavbandze gwago? Mafuni momu, nya gu gola gu khala nago basi.

Dzindzimo 81:10

Eni kheni Pfhumu Nungungulu wago, nyi nga gu dusago khu tigoni ga Egipito; tulani gwadi magana, nyi na mi hodzisa.

Dzindzimo 81:9

Mu nga khozeli vanungungulu nyamba vati, mu nga khozeli gimbe gilo vbavbandze ga Eni basi.

Ekisodha 15:11

Khu mani a fananago nago, Uwe Pfhumu Nungungulu vbakari ga vanungungulu vatshavbo? Khu mani nya gungangamele gu fanana ni Uwe, a fanedego gu thawa ni gu rungudzwa? U giride siliwugiso.

Ekisodha 20:23

Khu guralo, mu nga girini vanungungulu nya parata mwendro nya ndralama, mu va vega vbafuvbi gwangu. Mu nga girini isoso.

Ekisodha 22:19

Muthu watshavbo a lalago ni gifuyo a na songwe.

Ekisodha 23:24

U nga khidzimi u khozela vanungungulu wawe, u nga pimedzeli gu gira kha nga idzo va girago avo. Aholu uwe u na va songa vatshavbo, u pandrelela sifananiso sawe satshavbo.

Ekisodha 32:8

Kha va hwela gu penga va diga ndzila nya milayo nyi va ningidego. Va dzi wumbede githombe nya mombe nya gikete, va gi khozela, va gi ninga miphaso nya dzimhamba, va ganela, khavo: “Uwe Israyeli, oyu khu nungungulu wago a gu dusidego tigoni ga Egipito.”

Ekisodha 34:14

U nga khozeli mumbe nungungulu, kholu Pfhumu Nungungulu, lina laye khuye Nyawufu; Nungungulu nya wufu.

Isaya 26:4

Tumbani Pfhumu Nungungulu khavbo gu si vbeligo; kholu Pfhumu Nungungulu, khuye giwindri nya gusihale avbo, kala gupindruga.

Isaya 42:8

Eni kheni Pfhumu Nungungulu: Eli khilo lina langu nyi ranwago khilo! Wudhumo wangu kha nyi na ningela mumbe muthu, ambari gu ningela wuzundzo wangu ga sifananiso nya guvatwe.

Isaya 43:10

“Enu mu dzifakazi dzangu, a ngu ganela Pfhumu Nungungulu,” nyi gu hathide gasi u khala githumi gyangu; gasi u dziti, u khodwa ni gu pima gukhenu eni kheni kamwe, khu hwane gwangu mwalo mumbe Nungungulu a na manegago, khu mbeli gwangu, kha na manega mumbe.

Isaya 44:8

Mu nga thavi, gambe mu nga vbeli tshivba; ina gukhugela gale kha nya mi embela mahungu yaya, kha nya mi tivisa, gani? Enu mu dzifakazi dzangu, womo mumbe Nungungulu vbavbandze ga Eni, gani? Gi mwalo gimbe Giwindri nyi gitigo.”

Isaya 46:9

Alakanyani silo si vbindridego gukhugela gale ngudzu! Wonani nya gukhenu Eni kheni Nungungulu, mwalo mumbe Nungungulu a fananago ni eni;

Jeremiya 25:6

Mu nga landriseli vambe vanungungulu mu va thumela ni gu va khozela, ambari gu nyi wuselani likhulo khu sifananiso mu girago khu mandza yanu, gasi nyi si mi gireli dzimhango.

Jeremiya 35:15

Gukhugela gale nyi mi rumedeni sithumi sangu, vaprofeti, gasi si mi embela, khiso: Vbindrugedzani mu ndreya ndzilani nya guvivbe, mu gira mithumo ya yadi mu si landreli vambe vanungungulu gasi mu va khozela; khu kharato mu na simama gu khala ga litigo nyi mi ningidego enu ni vababe vanu; aholu enu mu di sega dzindzeve dzanu mu si dzumeli gu nyi yingisa.

Jeremiya 7:9

Mu nguba, mu songa vathu, mu gira wubhayi ni gu sambanya malipha, mu vbisela libani Bhahali, ni gu khozela vambe vanungungulu mu si vatigo.

Dhaniyeli 3:18

Ambari a gumba hi vbulugisa, dziti gwadi uwe mufumeli, gukhuwe ethu gima kha hi na nga khozela vanungungulu vago, ambari gu khozela gifananiso nya ndralama u gi emisidego.”

Hoseya 13:4

Ambari ulo, eni kheni Pfhumu Nungungulu wago, gukhugela tigoni ga Egipito. Khu guralo, khu na ngati mumbe nungungulu, vbavbandze gwangu, kholu mwalo mumbe mutshudzisi, vbavbandze gwangu.

Matewu 4:10

Khavbo avbo, Jesu a di mu hakha, khuye: “Suka, Sathane, kholu gu lovidwe, gupwani: U na khozela Pfhumu Nungungulu wago; khuye basi u na gu mu thumelago.”

1 Vakorinto 8:4

Gasi khu mahungu nya guhodze dzinyama nya guphasedwe sithombe nya vanungungulu nya malipha, hi ngu dziti gukhethu sithombe nya vanungungulu nya malipha khandri vanungungulu tigoni. Kholu mwalo mumbe Nungungulu vbavbandze ga Nungungulu wamoyo basi.

1 Vakorinto 8:6

Gasi ethu ha guti gukhethu womo Nungungulu moyo basi, a gu Babe ni muvangi nya silo satshavbo; ethu ha gu vbanyela uye. Gambe yomo Pfhumu Mweyo basi, Jesu Kristo. Silo satshavbo si vangidwe khu tshivba yaye, ni ethu hi womo khu kotani gwaye.

Vaefeso 5:5

Dzitini gwadi gukhenu muthu nya wubhayi, nya liphuphulu ni ligungo, ni va nya gukhozela vanungungulu nya malipha, gima kha va na hodza thomba mufumoni wa Kristo ni wa Nungungulu.

Dhewuteronome 5:7

Khu na manega ni vambe vanungungulu mbeli gwangu.

Dhewuteronome 6:14

U nga landreleli vambe vanungungulu avo va guromo vbakari nya mayigo ma gu randredego;

Dhewuteronome 6:5

U na haladza Pfhumu Nungungulu wago, khu monyo wago watshavbo, ni hefemulo wago watshavbo, ni tshivba yago yatshavbo.

Vafilipi 3:19

Mahegiso yawe khu gumbemba, kholu Nungungulu wawe khu girumbu. Va gu dzi zundza khu esi va nga yela gu thedwa khiso ndzitshoni, mapimo yawe ma gu alakanya basi sa mafuni momu.

Vakolosi 2:18

Mu nga dzumeli gusengwa khu vathu va pfhadzedzelago gu landrisa ni gukhozela dzingilozi dza Nungungulu; vathu nya nga avo va gu ganela khu silo nya gu gima va si gu si woni, va gu dzi gira matshandza va dzi gugumugisa khu mapimo yawe nyamba phasa gilo.

Gutuledwa 19:10

Eni nyi di thega migondroni gwaye gasi gu yi khozela. Aholu, iyo yi di nyi embela, khiyo: “Ahihi! Wona gwadi! Eni nyi githumi kha nga uwe ni vandriyago vatshavbo va girago wufakazi wa Jesu. Nungungulu khuye basi a fanelago gu khozedwa.” Khu lisine, wufakazi wa Nungungulu khu liphuvbo nya wuprofeti.

Gutuledwa 22:9

Aholu, ngilozi yi di nyi himbedzela, khiyo: “Ahihi, u nga giri isoso, eni nyi githumi kha nga uwe ni vandriyago, ni vaprofeti, ni vatshavbo vale va vegisago magana nya libhuku leli. Khozela Nungungulu.”

Valamuli 6:10

Uye a mi embede gambe, khuye: Eni kheni Pfhumu Nungungulu wanu; mu nga khozeli vanungungulu va Vaamori; mu khalago tigoni gwawe. Aholu kha mwa nyi yingisani.”