Ekisodha 2:16 - Bhibhiliya Nya Guage

¹⁶ Muphasi nya mhamba wa Medhiyani a diri ni livbandre na vavili vanyamahegyane, va ngata rega mati va tadza sighowolo gasi gu sedza tshambi wa babe wawe.

Ekisodha 2:16 Iomraidhean Croise

Genesi 14:18

A nuye Melikisedheki, mufumeli wa Salema, a nga bani nari muphasi nya mhamba ya Nungungulu nya gukhugege ngudzu, a dita nuye na pharide gibaba ni vbinyu,

Genesi 24:11

A di khidzimisa dzingameriya gasi gu dzi hefemudza vbavbandze nya lidhoropa, vbafuvbi ni nambo. A diri silambo, guhwani nya lidambo, gikhati vanyamahegyane va dugago va ya rega mati.

Genesi 24:13

Wona gukhuwe nyi emide vbafuvbi nya nambo yoyu dzimbiri dza dhoropani momu dzi tago guta rega mati.

Genesi 29:2

A di khusa maho a wona nambo. Vbafuvbi ni nambo wowo gu di mbambamede mitshambi miraru nya dzinvuta, kholu namboni momo gu di sedzwa umo mati mitshambi; gu diri ni giwindri nya gikhongolo gi nga bani gi sega likana nya nambo.

Genesi 41:45

Faro a di riya Josefe lina nya gupwani khu Zafinati-Paneya a gu mu ninga Asenati, nyamahegyane wa Potifera, muphasi nya mhamba wa Oni, gu khala mwangadzi waye. Josefa a di khuga a dzuwulugela litigo latshavbo la Egipito, a li wona.

Ekisodha 18:1

Jetro, muphasi nya mhamba wa Medhiyani, sade wa Mosi, a dipwa silo satshavbo esi Nungungulu a giridego ga Mosi ni ga vathu vaye va na Israyeli; edzi Pfhumu Nungungulu a dusidego khidzo Israyeli khu tigoni ga Egipito.

Ekisodha 18:12

Khavbo avbo, Jetro, sade wa Mosi, a di ningela miphaso nya guvbiswe ni dzimhamba ga Nungungulu. Aroni ni madhota yatshavbo ya Israyeli ya dita hodza gumogo ni sade wa Mosi mbeli ga Nungungulu.

Ekisodha 3:1

Mosi a di gu havisa dzinvuta dza sade waye Jetro, muphasi nya mhamba wa Medhiyani. Tshigu mwedo a di ghula dzinvuta a guya hwindzo ngudzu, mugiwulani kala a vboha gigomoni ga Horebhi; gigomo gya Nungungulu.

1 Samuweli 9:11

Na va gu gwela gu landrisela libhiyo nya lidhoropa, va di manana ni vanyamahegyane va nga bani va gwela guya rega mati, va va wudzisa, khavo: “Ina omu womo mwama nya liwoni, gani?”