Ekisodha 2:11 - Bhibhiliya Nya Guage

¹¹ Ga matshigu yale, Mosi nari khongolo, a di hongola ga vandriyaye, aya wona khu maho yaye gulemela nya mithumo yawe. A di wona moyo nya Mugipiti na gu bayisa moyo nya Muhebheru, a gu ndriyaye.

Ekisodha 2:11 Iomraidhean Croise

Ekisodha 1:11

Va di rumela dzighadhi gasi gu khevisela sanana sa Israyeli va si lemedza khu mithumo nya gulemele. Khu guralo, va na Israyeli va di vbahela Faro, madhoropa ya Pitomi ni Ramisesi, umo mufumeli wa Egipito a nga bani na gu vegedzela umo dzithomba nya dzimbewu dza mahangeni.

Ekisodha 3:7

Pfhumu Nungungulu a di engedza, khuye: “Khu lisine nyi wonide gutshaniseka ga vathu vangu va tshaniswago tigoni ga Egipito, gambe dzihuwa dzawe dzi vbohide dzindzeveni gwangu khu kotani nya vatshanisi vawe. Nyi ngu wuti wuvi wawe.

Ekisodha 5:14

Vathangeli nya sanana sa na Israyeli, avo va rwegidwego thumo nya gughadhe vbakari gwawe, khu dzindruna dza Faro, va di kwamudwa va hengudwa pwani: “Khu ginani mu si enedzigo tengo nya sitini nya litshigu la vbanova ni muhuno kha nga gale?”

Ekisodha 5:4

Aholu mufumeli wa Egipito a di va embela, khuye: “Uwe Mosi ni uwe Aroni, khu ginani mu hungatelago vathu, mu va kutsedzela gu diga mithumo yawe? Bwelelani mu ya mithumoni gwanu.”

Ekisodha 5:5

Faro a di engedza gambe a ganela, khuye: “Olu tengo nya vathu vovo wu engedzedego gu dandra tigoni, khu ginani mu vbwetago gu va hungatela mithumoni gwawe.”

Ekisodha 5:9

Va engedzeleni gu va lemedza vathu vovo khu mithumo, vafela gumba yingisela mitsheketo nya malipha.”

Ekisodha 6:6

Khu guralo, embela sanana sa Israyeli, khuwe: Eni kheni Pfhumu Nungungulu, nyi na mi dusani vbavbatshi nya rwalo nya gulemele wa Egipito, nyi na mi tshulani wugumbini gwawe, nyi na thawuludza libogo langu nya tshivba nyi mi dzegisa ni gu mi phodzela.

Ekisodha 6:7

Nyi na mi dzegani mu khala vathu vangu, Eni nyi na khala Nungungulu wanu, mu na dzitini nya gukhenu eni kheni Pfhumu Nungungulu wanu, nyi mi dusago vbavbatshi nya mirwalo ya Vagipiti.

Isaya 58:6

Guhala gu nyi tsakisago, khogu: “Khu gu mu tshula makhetshe nya gigaha, mu tshula dzingodzi nya kanga nya wugumbi, mu tshule avo va tshaniswago ni gu fanyeledzela mikanga yatshavbo.

Matewu 11:28

Deluni gwangu, enu mwatshavbo mu garadego ni gu lemedwa; eni nyi na mi hefemudza.

Luka 4:18

“Liphuvbo la Pfhumu li nyi tshigede, kholu li nyi phasede gasi guya hevbudza sisiwana Mahungu nya Yadi; li nyi rumede guya tivisa dzikhumbi gutshulega gwawe, guya tivisa sikhumu guwoniswa gwawe, ni ga vasaniseki gutshulega gwawe;