Ekisodha 17:1 - Bhibhiliya Nya Guage

¹ Khu hwane, tshangano watshavbo nya sanana sa na Israyeli wu di khuga khu giwulani gya Sine va gimbila khu mipfhuka va nga bani va pimedwe, kha nga idzo Pfhumu Nungungulu a nga rumago khidzo. Va di ya zumba Refidhimi; aholu gu diri mwalo vbale mati nya gusele vathu.

Ekisodha 17:1 Iomraidhean Croise

Ekisodha 15:22

Khu hwane Mosi a di thangela va na Israyeli, va khuga khu phwani nya Gufuvile, va bela giwulani gya Suri. Va vbedzide matshigu mararu na va gu gimbila mugiwulani nyamba mana mati.

Ekisodha 16:1

Na va khugide khu Elimi, tshangano watshavbo nya sanana sa Israyeli, khu litshigu nya likhumi na livbandre nya ngima nya wuvili hwane nya gu na va khugide khu Egipito, va di vboha giwulani gya Sini, gi khalago vbakari nya ndzila yi khugago khu Elimi yi hongola Sinayi.

Ekisodha 17:8

Khavbo avbo, Vaamaleki va dita Refidhimi va ta khutha va na Israyeli, va gu va dwanisa.

Ekisodha 19:2

Na va khugide khu Refidhimi, va di vboha giwulani gya Sinayi, va gu zumba avbovbo, Israyeli a di zumba mbeli nya gigomo.

Mitengo 20:2

Vbale gu diri mwalo mati nya gusele, khu guralo, vathu vatshavbo va di tombana va wugela Mosi ni Aroni.

Mitengo 9:17

Gikhati lipfhi li khugago vbatshani nya Wulanga nya Guage, va na Israyeli va di khuga va gimbila; avbo lipfhi li nga bani li gu ema, avo va di zumba va ghwimba mitshatsha yawe.

Mitengo 9:23

Khu guruma ga Pfhumu Nungungulu avo va di ghwimba mitshatsha yawe, khu guleletela ga Pfhumu Nungungulu avo va di khuga va gimbila, va di landrisa fanelo yawe ga Pfhumu Nungungulu, kha nga edzi Pfhumu Nungungulu a nga leletelago khidzo Mosi.