Ekisodha 16:3 - Bhibhiliya Nya Guage

³ Sanana sa Israyeli si di ganela, khiso: “Adiri tshukwana nari pwani hi di fede mandzani ga Pfhumu Nungungulu tigoni ga Egipito, iyo hi nga bani hi tshelega mabhota nya nyama, hi khala hi hodza wusa hi khura. Aholu enu mu hi dusideni mu hi resa giwulani momu, mu di fela gu ta songa khu ndzala rengo watshavbo wowu nya vathu!”

Ekisodha 16:3 Iomraidhean Croise

2 Samuweli 18:33

Khavbo avbo, mufumeli, a di vbisega ngudzu monyoni gwaye, a gwela aya nyumbani ga vbatshani nya nyangwa na gu lila; a di gimbila na gukhuye: “Mwanangu Abhisalamo, mwanangu, mwanangu Abhisalamo! Gu diri tshukwana na nyi fude eni wulangani gwago, mwanangu Abhisalamo, mwanangu!”

Joba 3:1

Hwane nya satshavbo sesi, Joba a di tula likana laye, a vala litshigu a velegidwego khilo.

Joba 3:10

kholu kha dza sega mahembe ya mayi nyi si velegwi, gasi nyita wona tshanisa nyi yi wonago!

Joba 3:20

Khu ginani gi velegidwego nigyo gisiwana tigoni, ni gu vbanya vale va garadzegago hefemuloni.

Dzindzimo 107:5

Va di saniswa khu ndzala ni lidora, mihefemulo yawe yi di rereka yi vbela tshivba.

Dzindzimo 78:19

Va di mu wugela va ganela, khavo: “Ina Nungungulu a na dzi kodza gu hi ninga guhodza giwulani momu, gani?

Dzindzimo 78:25

khu kharato, vatshavbo va di hodza guhodza nya dzingilozi; a va resela guhodza nya gungi.

Ekisodha 14:11

Va di embela Mosi, khavo: “Ina gu diri mwalo marowo tigoni ga Egipito gu kala u hi dusa gasi hi ta fela giwulani momu, gani? Khu ginani u hi giredego esi nya gu hi duse tigoni ga Egipito?

Ekisodha 17:3

Avbovbo, vathu va dipwa lidora nya mati, va bhongela Mosi, khavo: “Khu ginani u hi dusidego khu tigoni Egipito, u di fela gu ta hi songa khu lidora, ethu gumogo ni sanana sathu ni sifuyo sathu, gani?”

Ekisodha 2:23

Hwane nya myaga nya gutale, a difa mufumeli wa Egipito, vathu va na Israyeli, va di tshaniseka wugumbini. Va di lila, dzihuwa nya gutshaniseke gwawe, dzi di gwela kala ga Nungungulu.

Ekisodha 5:21

va gu va embela, khavo: “Pfhumu Nungungulu a na mi khedzise a gu mi lamula. Mu hi giride vathu nya gunyenyeze mahoni ga Faro ni sithumi saye, mu vegideni litshari mandzani gwawe vafela gu hi songa.”

Jeremiya 2:6

Nyamba wudzisa, gukhavo: “Womo hayi Pfhumu Nungungulu a hi dusidego khu tigoni ga Egipito, uye a nga hi gimbidzisago giwulani, litigo nya gihala, nya gutale khu mavbala ni gidema nya guthise ni dzimhango; litigo nyamba gimbidwa ni gu khadwa khu muthu?”

Jeremiya 42:14

ni gu ganelani, khenu: Ahihi, ethu hi naya Egipito, iyo hi na gumba ya wona dzinyimbi, ambari gupwa pundru nya dzinyimbi, ni gu saniseka khu dzindzala,

Jeremiya 44:17

Aholu, ethu hi na gira satshavbo iso hi hungidego gu gira, si gu esi: Gu vbisela libani Pfhumugadzi ya Ndzadzini, hi ningela gwaye miphaselo nya wadwa kha nga idzo hi nga bani hi gu gira ni vababe vathu, vafumeli ni manganagana yathu, madhoropani ya Judha ni dzindzilani dza Jerusalema; khu matshigu yoyo, ethu hi di gu mana guhodza nya gungi, hi di gimbila na hi tsakide nyamba garadzwa khu gilo.

Gililo 4:9

Avo va nga songwago khu matshari va kategide guvbindra avo va ngafa khu ndzala; kholu va gu saniseka khu gu hamuga guhodza gwa mahangeni. Yod

Mitengo 11:15

A gu bani nari kharato, nyi ngu gu lomba u nyi songe, gasi nya gu bani na nyi manide wuhigo mahoni gwago, nyi nga woni tshanisa yeyi.”

Mitengo 11:20

aholu mu na yi hodza ngima rumba, kala mu kodwa khiyo yi duga khu dzithonvuni, kholu enu mu yeyiside Pfhumu Nungungulu, Uye a guromo vbakari gwanu, gambe mu lide mbeli gwaye na mu gukhenu: Khu ginani hi dugidego khu tigoni ga Egipito?”

Mitengo 14:2

Va na Israyeli vatshavbo gumogo ni tshangano watshavbo va di ngurangura va wugela Mosi ni Aroni, va ganela khu gyawe, khavo: “I tshukwana na hi fede tigoni ga Egipito mwendro giwulani momu!

Mitengo 14:3

Khu ginani Pfhumu Nungungulu a hi residego tigoni momu gasi hi fela guta songwa khu matshari, vagadzi vathu ni sanana sathu va na modwa va tshaniswa; khandri di gwadi hi bwelela tigoni ga Egipito, gani?”

Mitengo 16:13

Ina sidugwana olu, u hi dusidego khu ga litigo li gogago mahwe ni wulombe gasi hi tafa mugiwulani momu, gani? Olu u nga gu vbweta gambe gu hi khozisa, gani?

Mitengo 16:41

Aholu, khu litshigu li landrelago, va di wugela gambe Mosi ni Aroni, khavo: “Enu mu songide vathu va Pfhumu Nungungulu.”

Mitengo 21:5

Vathu va di wugela Nungungulu gumogo ni Mosi, khavo: “U hi dusede ginani khu Egipito, gasi hi ta fela giwulani momu? Omu gu mwalo guhodza mwendro mati, olu hi garade khu guhodza gogu nyamba khurisa.”

Mithumo 26:29

Pawulo a di mu hakha, khuye: “Nya gu lomba ga Nungungulu gukheni, gani nugunugu, gani khu matshigu ma ngu gutago, nasiri uwe basi, aholu mwatshavbo mu gomo avba mu nyi yingisa, mu vbindrugedza mu gu khala nga eni, na mu tshulegide nyambana dzitshinga dzedzi.”

1 Vakorinto 4:8

Enu olu mu naso satshavbo mu si vbwetago! Mu khade sitetema! Mawako nari pwani mwa gu khala dzipfhumu khu lisine, gasi ethu nethu hi kodze gu fuma nanu.

2 Vakorinto 11:1

Nya guvbweta mu timisela gambe vbadugwana, ambari nya gu ganela wupumbu nyi timiseleni!

Dhewuteronome 28:67

Vbadzimindrutunu, u na ganela, khuwe: Li na pfola lini; ni kala gupfolani nya lidambo, u na ganela, khuwe: Gu nagya lini! Satshavbo soso khu kotani nya tshanisa nya monyo wago ni silo u na si wonago khu maho yago.

Dhewuteronome 8:3

Uye a di gu poyila a gu diga upwa ndzala, a gu hodzisa manaha, uwe u nga bani u si mati, ambari vababe vago va di si mati, gasi u kodze gu pima gukhuwe muthu kha vbanyi basi khu guhodza, aholu khu satshavbo iso si dugago khu kanani ga Pfhumu Nungungulu, isoso si ngu vbanyisa muthu.

Josuwa 7:7

Josuwa a di ganela, khuye: “Yowe! Pfhumu Nungungulu, khu ginani u giridego vathu vava va tshatuga tsongo wa Joridhani, gasi guta va ningela mandzani ga Vaamori, va hi mbembisa? A di siri tshukwana na hi khade khu tshatugo wa khisikheyi wa Joridhani, gani?