Ekisodha 13:9 - Bhibhiliya Nya Guage

⁹ Gi na khala kha nga giwoniso mandzani gwago, kha nga gialakanyiso mahoni gwago, gasi nayo wa Pfhumu Nungungulu wu manege wuri kanani gwago, kholu Pfhumu Nungungulu a gu duside khu tigoni ga Egipito khu gyandza nya tshivba.

Ekisodha 13:9 Iomraidhean Croise

Nehemiya 1:10

Esi khu sithumi sago, ni vathu vago, ava u va tshudzisidego khu tshivba yago nya yikhongolo, ni mandza yago nya tshivba.

Dzindzimo 136:11

duside va na Israyeli tigoni ga Egipito, kholu lihaladzo laye li ngu simama kala gupindruga;

Dzindzimo 136:12

a va dzegiside khu tshivba nya yikhongolo na khusedzide mandza, kholu lihaladzo laye li ngu simama kala gupindruga;

Dzindzimo 89:13

U na ni libogo li tiyidego mandza yago ma na ni tshivba, wa gu khusedza libogo lago la nyamudye wa gu pala.

Ekisodha 12:14

Litshigu lolo li na khala gidundrugiso gwanu; mu na li alakanya khu gu girani buzo nya gurungudze Pfhumu Nungungulu; mu na li vegisa ga mimelana ni mimelana nya situgulwana sanu. Kha nga nayo wu tiyisidwego kala gupindruga.

Ekisodha 12:41

Litshigu va tshanganisidego mazana mana ni magumararu myaga, khilo litshigu mabutho yatshavbo ya Pfhumu Nungungulu ma dugidego khu tigoni ga Egipito.

Ekisodha 13:14

Gyanana gyago, ga matshigu matago, gya gu gu wudzisa khigyo: Esi sa gu tshamusela ginani?” U na gi hakha, khuwe: Pfhumu Nungungulu a hi duside khu tshivba yaye nya yikhongolo ngudzu khu tigoni ga Egipito, tigoni hi nga bani hiri dzikhumbi.

Ekisodha 13:16

“Gi na khala kha nga giwoniso mandzani gwago ni vbagiwombotunu gwago, kholu Pfhumu Nungungulu a gu duside khu Egipito khu gyandza nya tshivba.”

Ekisodha 13:3

Mosi a di embela vathu, khuye: “Dundrugani litshigu leli mu dugidego khilo khu Egipito, ndrangani nya wugumbi, kholu Pfhumu Nungungulu a mi duside khu gyandza nya tshivba; khu guralo, mu nga tshuki mu hodza gibaba nya guthedwe mela.

Ekisodha 3:20

Khu guralo, nyi na thawuludza gyandza gyangu nyi bayisa vathu va Egipito khu sisamadziso satshavbo nyi na si girago vbakari gwawe. Hwane nya ugo a na mi digani mu duga.

Ekisodha 7:4

Ambari ulo, Faro kha na nga mi yingisani, eni nyi na lemedzisa mandza yangu tigoni ga Egipito, nyi na dusa mabutho yangu, ni vathu vangu, sanana sa Israyeli tigoni ga Egipito khu sitsayiso nya sikhongolo ngudzu.

Mavingu 1:9

isoso si na khala nari gihugu nya wumburi hungoni gwago ni wulungu nya gumburise thamoni gwago.

Mavingu 3:21

Mwanangu, silo sesi si nga hambani ni maho yago; vegedza guti nya lisine li tiyidego.

Mavingu 7:23

Kala gighalala gi hekha libindri laye, nga ginyoni gi belago gikayelani, gi si dziti gu khigyo gi na mbembisa hefemulo wagyo.

Gizimba 8:6

Mwama—Nyi bethe nga gitambo monyoni gwago, u nyi betha gambe bogoni gwago, kholu lihaladzo li na ni tshivba kha nga lufu, ni gigaha ni wufu kha nga lithowo, gu vbisa ga ilo gu fanana ni guvbisa nya malavbelavbe nya nilo.

Isaya 27:1

Khu litshigu lolo, Pfhumu Nungungulu a na tsayisa khu litshari laye nya likhongolo, nya tshivba, levhiyatani, nyoga nya tshivba ni mazambo, nya gu dzi tshomborosele, ni gu songa mwamilambo, nyoga yi guromo linene.

Isaya 40:10

Wonani nya gukhenu Mune, Pfhumu Nungungulu, a nguta nari ni tshivba guta fuma khu gyandza gyaye; wonani, a nguta ni tshatshazelo waye, a guta ni vathu a va tshudzisidego; a va thangisa mbeli gwaye.

Isaya 44:5

Moyo a na ganela, khuye: Eni nyi wa Pfhumu Nungungulu; mumbe a na dzi riya lina la Jakobe; mumbe a na lova mandzani gwaye, khuye: Eni nyi wa Pfhumu Nungungulu, limbe lina, a dzi rana khuye kheni Israyeli.”

Isaya 49:16

Wona nya gukhuwe nyi gu lovide sandzani nya mandza yangu; maho yangu gikhati gyatshavbo, ma gu khedza mabhiyo yago.

Isaya 51:9

Khendzuga! Khendzuga! Ambala tshivba yago; uwe gyandza gya Pfhumu Nungungulu. Khuga u ema u gira gu fanana ni iso u giridego matshigu ya gale, ga mimelana ya gale. Gasi khandri uwe u vetidego Egipito ni gu bayisa mwamilambo, gani?

Isaya 59:21

Pfhumu Nungungulu a ngu ganela khuye Gidzumeledzwano gyangu navo, khegi: Liphuvbo langu li guromo avbo gwago, ni magana yangu nyi ma thedego kanani gwago, gima kha ma na duga, ambari khu kanani ga sanana sago, ni ga situgulwana sago, gukhugela olu kala gupindruga; a ngu ganela Pfhumu Nungungulu.

Jeremiya 22:24

Kha nga olu nyi vbanyago, a ngu ganela Pfhumu Nungungulu khuye, uwe Jekoniya, mwamana wa Jowakimi, mufumeli wa Judha ambari nari gupwani u phera ya mandzani gwangu ga nyamudye, nyi di hadza gu gu sigula.

Dhaniyeli 9:15

Khu lisine, Uwe Pfhumu Nungungulu wathu, u dusidego vathu vago khu tigoni ga Egipito khu gyandza gyago nya tshivba, u dzi girela lina nya wudhumo kala na muhuno, hi gu ghohede, hi gira silo nya guvivbe.

Joyele 2:11

Pfhumu Nungungulu a ngu khusedza lito laye mbeli nya mabutho yaye; kholu masotshwa yaye mangi ni tshivba ngudzu kholu a na ni tshivba uye a yingisago milayo yaye; kholu litshigu la Pfhumu Nungungulu likhongolo ni guthisa ngudzu, khu mani a na gu li tiyelago?

Mitengo 15:39

Matshakafula yaya, momo avbovbo gasi gikhati mu ma wonago, mu na alakanya milayo ya Pfhumu Nungungulu. Mu na yi landrisa; gambe kha mu na dzumela gu ndreyiswa khu gudogorela nya myonyo ni maho yanu, yi mi yisa muguvivbani.

Matewu 23:5

Satshavbo va girago, va gufela gu wonwa khu vathu. Khu kharato va gu gudzisela mikeka nya milayo va hungago vbagiwombotunu ni mawogoni va laphisa matshakafula nya dzingandzu dzawe.

Varoma 10:8

Gasi Milowo yari, khiyo: “Magana momo vbafuvbi gwago, kanani gwago ni monyoni gwago.” Khayo magana yaya nya gukhodwe hi ma tivisago.

Dhewuteronome 30:14

Kholu magana yaya momo ngudzu vbafuvbi gwago, kanani gwago ni monyoni gwago gasi u ma landrisa.

Dhewuteronome 5:15

Dundruga gukhuwe uwe nuwe u diri khumbi tigoni ga Egipito, aholu Pfhumu Nungungulu wago, a gu duside khu mule khu gyandza nya tshivba ni libogo nya gulaphe; khigyo givangelo gi girago Pfhumu Nungungulu wago, a gu ninga nayo nya guvegise gu vegisa litshigu nya Sabhadho.

Dhewuteronome 6:21

Khavbo avbo, u na embela gyanana gyago, khuwe: Hi diri dzikhumbi dza Faro, tigoni ga Egipito; aholu Pfhumu Nungungulu, a di hi dusa khiyoyo khu libogo laye nya tshivba.

Dhewuteronome 6:6

Milayo yeyi nyi gu ningago muhuno, u na yi vegisa monyoni gwago;

Dhewuteronome 6:8

Gambe u na yi hunga bogoni gwago gasi gu khala gialakanyiso vbakari nya maho yago.

Gutuledwa 18:8

Khu kharato, khu litshigu limwedo yi nata mitungu yaye khu gipitipiti: Gufa, gililo, ndzala; a na tsagamiswa khu nilo, kholu Pfhumu Nungungulu a mu lamudego, a na ni tshivba.”

Valamuli 2:12

Va di diga Pfhumu Nungungulu wa vababe vawe, Uye a nga va dusa khu tigoni ga Egipito, va landrela vambe vanungungulu va mayigo nya vaakelane, va khidzima mbeli gwawe; va ghohela Pfhumu Nungungulu.