Ekisodha 13:6 - Bhibhiliya Nya Guage

⁶ U na vbedza livbandre na mavili matshigu u na gu hodza sibaba nyambana mela; khu litshigu nya livbandre na mavili u na gira tshangano nya gurungudze Pfhumu Nungungulu.

Ekisodha 13:6 Iomraidhean Croise

2 Dzikoronika 30:21

Va na Israyeli, va nga bani na vari Jerusalema, va di gira khu gunengela Buzo nya Sibaba nyambana Mela, khu livbandre na mavili matshigu; va na Levhi gumogo ni vaphasi nya mhamba, khu litshigu ni litshigu, va di dhumisa Pfhumu Nungungulu, khu dzingoma va nga bani va dzi womba khu tshivba gasi gutsakela Pfhumu Nungungulu.

Ekisodha 34:18

Sayisa buzo nya sibaba nyambana mela: U na vbedza livbandre na mavili matshigu nu gu hodza sibaba nyambana mela, ndrani nya ngima nya Abhibhi; kha nga idzo nyi gu layidego khidzo, kholu khuwo ngima u dugidego khuwo khu Egipito.

Levhi 23:8

Aholu, umo nya livbandre na mavili matshigu yoyo, mu na ningela phaso nya guvbiswe ga Pfhumu Nungungulu. Khu litshigu nya livbandre na mavili mu na gira tshangano nya guage, mu nga thumi thumo nya gulemele.

Dhewuteronome 16:8

Ndrani nya livbandre na limwedo matshigu, u na hodza sibaba nyambana mela, gasi khu litshigu nya livbandre na mavili, tshangano nya gudhumise Pfhumu Nungungulu wago; u nga thumi gilo khu litshigu lolo.

Josuwa 5:11

Khu litshigu lolo la limwedo, va di hodza mihandro ya tigoni mule: Sibaba nyambana mela ni sivbila nya guvawudwe.