Ekisodha 13:12 - Bhibhiliya Nya Guage

¹² u na phasela Pfhumu Nungungulu gyanana gyatshavbo nya matiwula, ni matiwula yatshavbo nya sifuyo sago; matiwula yatshavbo nya matune ma na lumba Pfhumu Nungungulu.

Ekisodha 13:12 Iomraidhean Croise

Nehemiya 10:36

Hi dzi vegisede gu resa khu mwaga ni mwaga dzimbewu nya guphele dza mahangeni gwathu, ni mihandro yatshavbo nya misimbo hi yadego, hi resa Nyumbani ga Pfhumu Nungungulu,

Nehemiya 10:37

ni matiwula nya sanana sathu nya sikhwathana, ni ya Tshambini gwathu, kha nga idzo gu lovidwego khidzo umo nya nayo; gupwani matiwula nya dzimombe dzathu, ni aya nya dzinvuta dzathu, hi na resa ga vaphasi nya mhamba va thumelago Nyumbani ga Nungungulu wathu.

Ekisodha 13:1

Pfhumu Nungungulu a di ganela a embela Mosi, khuye:

Ekisodha 13:2

“U na phasela Eni gyanana gyatshavbo nya matiwula, gyanana gyatshavbo nya guphele ndrani ga mayi waye, vbakari nya vathu va na Israyeli ni nya sirengo, gya gu lumba Eni.”

Ekisodha 22:28

U nga nyenyi Pfhumu Nungungulu wago, gambe u nga vali muthangeli wanu.

Ekisodha 22:29

U nga hweli gu dusa hwengo nya mihandro ya thembweni gwago ni ya gikhwatini gwago. U na nyi ninga matiwula nya sanana sago.

Ekisodha 34:19

Gyanana gyatshavbo nya matiwula gya gu lumba eni. Kharato gambe, matiwula yatshavbo nya vamatune nya sifuyo sago, esi nya sikhongolo ni esi nya sidugwana, u na si agisela eni, u na gira gialakanyiso.

Ekisodha 34:20

Aholu matiwula nya buru, u na ma dzegisa khu nvutana, wa gumba ma dzegisa u na ma funya thamo. Matiwula nya sanana sanu mu na ma dzegisa gikhati gyatshavbo; kha mu na hidzimela vbafuvbi gwangu na mwa sa phara gilo mandzani.

Ezekiyeli 16:20

Gu diga isoso, u dzegide ambari ni sanana sago nya sikhwathana ni sagadzyana u nyi velegedego, u gira khiso miphaso, gasi si hodzwa khu sithombe soso. Ina khu guralo, wuphuphulu wago wu dugwana, gani?

Ezekiyeli 44:30

Gilo nya gyadi nya miningelo yatshavbo nya guhegule nya mihandro nya mafumbo yatshavbo, mu na ningelago, si na lumba vaphasi nya mhamba; enu mu na va ninga gipandre nya guphele nya dzimbewu nya gutshindrwe, gasi gi kodze gu manega gikategiso dzindrangani gwanu.

Levhi 27:26

Aholu matiwula nya gifuyo, kha nga gi lumbago Pfhumu Nungungulu, mwalo a yelago gu gi ningela; ambari nari mombe mwendro nvuta, sa gu lumba Pfhumu Nungungulu.

Mitengo 18:15

Matiwula yatshavbo nya vathu mwendro nya sirengo, va na gu resago ga Pfhumu Nungungulu, ma na lumba uwe; aholu matiwula nya vathu ni matiwula nya sirengo nyamba aga u na rumela ma dzegiswa.

Mitengo 3:12

“Wona nya gukhuwe Eni nyi hathide va na Levhi vbakari ga na Israyeli, wulangani nya gu na nyi dzegide matiwula yatshavbo a gu mihandro nya guphele ya mahembeni ya na Israyeli. Va na Levhi va na khala vangu,

Mitengo 3:13

kholu matiwula yatshavbo ma gu lumba Eni gukhugela litshigu lile nyi nga songa matiwula yatshavbo tigoni ga Egipito. Nyi phasede avbo gwangu matiwula yatshavbo ya na Israyeli, gukhugela ayo nya vathu kala nya sifuyo; ma gu lumba Eni. Eni kheni Pfhumu Nungungulu.”

Mitengo 8:17

Kholu matiwula yatshavbo nya sanana sa Israyeli ma gu lumba Eni; gukhugela matiwula nya vathu kala matiwula nya sifuyo; gukhugela litshigu lile nyi nga songago matiwula ya Vagipiti, nyi hathide matiwula yatshavbo nya sanana sa va na Israyeli nyi ma agisela Eni.

Luka 2:23

kha nga idzo a rumago Nayo wa Pfhumu wu gukhuwo: “Mwamana watshavbo nya matiwula a na phasedwa Pfhumu”;

Dhewuteronome 15:19

Matiwula yatshavbo ma na gu velegwago tshambini gwago nya dzimombe mwendro nya dzinvuta, ayo nya matune, u na phasela Pfhumu Nungungulu wago; matiwula ya phandroni gwago nya dzimombe, u nga tshuki u ma thumisa, ambari matiwula nya dzinvuta dzago u nga ma gayi mawoya.