Ekisodha 12:9 - Bhibhiliya Nya Guage

⁹ Nyama yi nga hodzwi yimbihu; gambe mu nga yi phuli khu mati, aholu yi na vawudwe yatshavbo niloni gumogo ni hungo, mawundru ni mahembe.

Ekisodha 12:9 Iomraidhean Croise

2 Dzikoronika 35:13

Va di vawula nyama nya Phasika niloni, mayelano ni sileletelo; miningelo nya guage, va di yi phula mudzikhalini, umo nya mabhota ni umo nya matindzalo; va di vbiredzela gu yi kabanisela vathu vatshavbo.

Ekisodha 12:8

Wutshigu wowo, va na hodza nyama nya guvawudwe niloni; va na yi hodza gumogo ni sibaba nyambana mela ni tongwe nya guvave.

Ekisodha 29:13

U na dzega gambe mafura yatshavbo aya mafumbelago mahembe, ni gifumbelo nya libindri, ni dzitshwa dza dzimbili gumogo ni mafura yakone u si vbisa satshavbo vbatshani nya giluvelo.

Ekisodha 29:17

U na pilela nvuta khu sipandre, na wu handzide mahembe ni mazondzo yakone u si vega khu sipandre ni hungo.

Gililo 1:13

Rumede nilo khu vbatshani wu ta vbisa marambo yangu. A nyi dembide khu naphwi nyi tshunganela nyi thega khu nyagihwane; a nyi tshide na nyiri marumbi, nyi khala gutshanisekani litshigu latshavbo. Nuni

Levhi 1:9

Aholu mahembe ni dzizondzo, si na hegula khu gu handzwa khu mati, khavbovbo, muphasi nya mhamba, a na vbisa satshavbo vbatshani nya giluvelo, khiyo mhamba nya gunungele gwadi yi salalegisago Pfhumu Nungungulu.

Dhewuteronome 16:7

Khavbo avbo, mu na yi phula ni gu yi hodza wulangani wu hathidwego khu Pfhumu Nungungulu wago; vbadzimindrutunu, moyo ni moyo nya enu a na bwelela mitshatshani gwaye.