Ekisodha 12:3 - Bhibhiliya Nya Guage

³ Embelani tshangano watshavbo wa Israyeli, khenu: Khu litshigu nya likhumi nya ngima yoyu, muthu ni muthu a na duse tshambini wu lumbago ngamo yaye: Nvuta mweyo khu ndranga ni ndranga.

Ekisodha 12:3 Iomraidhean Croise

Genesi 22:8

Abrahama a di hakha, khuye: “Nungungulu a na hi ninga nvuta nya miphaso nya guvbiswe, mwanangu.” Khu guralo, va di gimbila gumogo vatshavbo.

Genesi 4:4

Abheli nuye a di gira phaselo, khu matiwula nya gifuyo nya gunone gya tshambini gwaye. Pfhumu Nungungulu a di hakha gwadi Abheli a gu salalegiswa ngudzu khu ningelo waye.

2 Dzikoronika 35:7

Josiya, a di ningela ga sanana sa tigoni, dzinvuta ni dziphongo dza mitshambini gwaye, dzatshavbo gasi gu gira dzimhamba nya Phasika, khu tengo nya magumararu magumi mazana (30.000), khu vatshavbo va nga bani vari vbale, ni dzimombe nya tengo nya magumararu mazana (3.000); esi si di dugela phandroni ga mufumeli.

Ekisodha 12:2

“Owu ngima wu na bani wuri nya guphele, gwanu, khuwo ngima nya guphele ga migima yatshavbo nya mwaga.

Ekisodha 12:21

Mosi a di ramba madhota yatshavbo ya Israyeli a ma embela, khuye: “Indrani mu ya hatha nvutana gupima khu dzindranga dzanu, mu paya Phasika.”

Ekisodha 12:4

Aholu ndranga yile yi gu na ni vathu nya vadugwana ngudzu nyamba dzi kodza gu vbedza nvutana, yi na patana ni vaakelane waye, gukhedza khu tengo nya vathu, gupima khu guhodza nya muthu ni muthu.

Ekisodha 12:6

Mu na gi sayisa kala litshigu nya likhumi na mana nya ngima yoyu; tshangano watshavbo wa Israyeli wu na gi songa gupfolani nya lidambo.

Ekisodha 14:15

Khavbo avbo, Pfhumu Nungungulu a di embela Mosi, khuye: “Khu ginani u ta lilago gwangu? Embela va na Israyeli va bela ndzilani va gimbila.

Ekisodha 20:19

Vathu va di embela Mosi, khavo: “Ganela uwe ga ethu, ethu hi na yingisa; aholu a nga ganeli Nungungulu ga ethu, kholu hi ngafa.”

Ekisodha 4:30

Aroni a di tivisa magana yatshavbo aya Pfhumu Nungungulu a nga embelago Mosi, aholu Mosi a di gira siliwugiso mbeli ga vathu.

Ekisodha 6:6

Khu guralo, embela sanana sa Israyeli, khuwe: Eni kheni Pfhumu Nungungulu, nyi na mi dusani vbavbatshi nya rwalo nya gulemele wa Egipito, nyi na mi tshulani wugumbini gwawe, nyi na thawuludza libogo langu nya tshivba nyi mi dzegisa ni gu mi phodzela.

Ezekiyeli 40:1

Khu guphelani nya mwaga nya magumavili na livbandre nya guvbagedwe gwathu, khu litshigu nya likhumi nya ngima, na gu vbindride likhumi na mina myaga na gu khungumudwe lidhoropa, khu litshigu lolo kamwe, Pfhumu Nungungulu a di nyi phara khu libogo a nyi yisa iyoyo.

Levhi 1:2

“Ganela ga vathu va na Israyeli, u va embela, khuwe: Muthu wa na gyanu a gu vbweta gu resa ningelo nya phaso ga Pfhumu Nungungulu, mu ngu kodza gu hatha mhamba vbakari nya sifuyo sa tshambini gwanu, nya mombe mwendro nya nvuta a ningela khigyo.”

Levhi 5:6

Khavbo avbo, a na ningela ga Pfhumu Nungungulu mhamba khu gighoho a giridego, nvuta nya ngadzi mwendro phongo nya ngadzi, gasi gu tsetseledwa sighoho saye; khu guralo, muphasi nya mhamba, a na mu girela mhamba nya guhandze giwono gyaye.

Mitengo 15:11

U na gira kharato khu mombe ni mombe mwendro khu hamba ni hamba, nvutana mwendro phongo.

Johane 1:29

Gandra ni dzimindru, Johane a di wona Jesu, a nga bani a gu mu tela a ganela, khuye: “Kha mu yi woni yile Nvutana ya Nungungulu yi dusago gighoho nya litigo.”

Johane 1:36

Na khuside maho a khedza Jesu a nga bani a guvbindra, a di khuye: “Kha mu yi woni yile Nvutana ya Nungungulu.”

Johane 12:1

Na gu nga tshade livbandre na limwedo matshigu, gasi guhodzwa Phasika, Jesu a diya Bhetaniya, iyo a nga bani a gu vbanyela iyo Lazaro, wule a nga mu wusago khu gufani.

Johane 12:12

Gandra ni dzimindru, vatshavbo va nga bani va dzude buzotunu, na va pwide nya gupwani Jesu a ngu vbweta gu vboha Jerusalema,

1 Vakorinto 5:7

Dzudzugani hwindzo mela wa gale nya gighoho, mufela gu khala vathu vaphya, nya guvbelele khu wuwadi; mu na khala sibaba nyambana mela, kholu Kristo, Nvutana yathu nya Phasika, songidwe.

Josuwa 7:14

Mindru mu na hidzimelani vbafuvbi khu dzinyangwa dzanu; khu guralo, nyangwa yoyo Pfhumu Nungungulu a na gu yi emisago yi nata dzi wonegisa khu lipango ni lipango; ni lipango li na gu emiswago khu Pfhumu Nungungulu li na dzi bikela khu dzinyumba dzawe; ni nyumba yi na gu kombwago khu Pfhumu Nungungulu yi na dzi yeyedza khu vathu.

Gutuledwa 13:8

Vathu vatshavbo va mafuni va di khozela girengo, vale malina yawe ma nga mba lowa libhukuni nya womi li vegisidwego khu Nvutana yi payidwego gukhugela nya guvangwe litigo.

1 Samuweli 7:9

Khu guralo, Samuweli a di dzega ginvutana nya gu bani na gi nga gu mama, a gira phaso nya guvbiswe ga Pfhumu Nungungulu; Samuweli a di lila ga Pfhumu Nungungulu wa Israyeli, ni Pfhumu Nungungulu, a di mu hakha.