Ekisodha 11:4 - Bhibhiliya Nya Guage

⁴ Mosi a di engedza gambe a ganela, khuye: “Pfhumu Nungungulu a ngu ganela kharati, khuye: Ni vbakari nya wutshigu nyi na vbindra khu vbakari ga Egipito.”

Ekisodha 11:4 Iomraidhean Croise

2 Samuweli 5:24

Avbo u na pwago ligwaha nya gugimbile vbatshani nya misimbo nya mimorya; u na duga khu guvbiredza, kholu khu gikhati gyogyo, Pfhumu Nungungulu a na bani a thangide mbeli gwago gu ya sasela mabutho nya Vafilistiya.

Joba 34:20

Khu githugedza, sa gufa; vbakari nya wutshigu, mayigo ma thuruga ma mwalalega, va nya tshivba va dzegwa, nyamba dzegwa khu mandza nya muthu.

Dzindzimo 60:10

Ina khuwe uwe Nungungulu u hi digidego, gani? U si thangeli gambe dzinyimbi dzathu!

Dzindzimo 81:5

Uye vegide kha nga nayo ga Josefe, gikhati a dugidego guya dwana ni litigo la Egipito. Nyi ngupwa lito nyi si litigo li gu, khilo:

Ekisodha 12:12

Ni wutshigu wowo, nyi na vbindra tigoni ga Egipito, nyi na songa satshavbo sanana nya matiwula ya tigoni ga Egipito, nya vathu ni sifuyo; nyi na lamula vanungungulu vatshavbo va Egipito. Eni kheni Pfhumu Nungungulu!

Ekisodha 12:23

Kholu Pfhumu Nungungulu a na vbindra gasi gu ya songa Vagipiti, avbo a na wonago novba avbo nya mihasimo nya mwanya, a na vbindra mbeli, kha na nga dzumedzisa Musongi gubela dzinyumbani gwanu a mi songa.

Ekisodha 12:29

Ni vbakari nya wutshigu, Pfhumu Nungungulu a di songa matiwula yatshavbo ya Vagipiti, gukhugela matiwula ya Faro, a nga yela guphara ndronga nya wufumu, kala matiwula ya gibotshwa gi khothedwego pasoni, ni matiwula yatshavbo nya sifuyo.

Isaya 42:13

Pfhumu Nungungulu a na duga kha nga ndrena, kha nga muthu a dugago guya nyimbitunu, a goroga a wusa likhulo laye, a huwata, a gira ligwaha nya likhongolo nya nyimbi, a yeyedza tshivba yaye mbeli ga valala vaye.

Amosi 4:10

Nyi rumede tungu nya gufanane ni uwo nyi nga rumela Vagipiti. Nyi songa madzaha yanu khu litshari; dzikavalu dzanu dzi di phangwa. Nyi di tadza dzithonvuni gwanu khu gu nunga nya sirumbi nya mabutho yanu; ambari khu guralo, kha mwa vbindrugedzani mu wuya avbo gwangu, a ngu ganela Pfhumu Nungungulu.

Amosi 5:17

Marembweni gwatshavbo gu na manega gililo; kholu nyi na vbindra khu vbakari gwago, a ngu ganela Pfhumu Nungungulu.

Mikeya 2:13

Moyo a na thanga mbeli a tula ndzila; avo va na ya bela khu mwanya va bwelo khavbo va duga khuwo gambe; mufumeli wawe a na thanga mbeli; ni Pfhumu Nungungulu, a na va gimbidzisa.

Matewu 25:6

Ni vbakari nya wutshigu si di wuswa khu lito li nga gulumelago, khilo: ‘A ngu vboha mwane, mu khingeni!’