Ekisodha 11:3 - Bhibhiliya Nya Guage

³ Pfhumu Nungungulu a di gira gu va na Israyeli va mana wuhigo mahoni ga Vagipiti. Mosi abune a diri ni tshivba nya guthavisege tigoni ga Egipito, mahoni ga sithumi sa Faro ni ga vathu va tigoni.

Ekisodha 11:3 Iomraidhean Croise

Genesi 12:2

Nyi na wusa khu uwe litigo nya vathu nya vangi. Nyi na gu kategisa, nyi gu ninga lina nya wuzundzo, u na khala uwe gikategiso.

Genesi 39:21

Aholu Pfhumu Nungungulu a diri ni Josefa, a di mu gira a godwa, a mana wuhigo mahoni ga muthangeli nya lipaso.

2 Samuweli 7:9

Eni nyi diri nago gwatshavbo umo u gimbidego khumo; nyi mbembiside valala vago mbeli gwago, nyi giride lina lago gukhwatshi lina nya vathu vakhongolo va guromo mafuni.

Dzindzimo 106:46

Khu kotani nya isoso a di kuha myonyo ya vale va nga vbagela va na Israyeli, va phela gu va pwela wusiwana.

Ekisodha 12:35

Va na Israyeli va di gira kha nga idzo va nga embedwago khu Mosi. Va di lomba ga Vagipiti sombo nya parata, nya ndralama ni myendra.

Ekisodha 12:36

Pfhumu Nungungulu a di va gira va mana wuhigo mahoni ga Vagipiti, va nga dzumelago gu va ninga esi va nga va lombago. Khu magirelo yoyo va di phanga Vagipiti.

Ekisodha 3:21

Eni nyi na gira vathu vava va mane wuhindzi mahoni ga Vagipiti; khu magirelo yoyo, gikhati mu na dugago, kha mu na duga liphanga mandzani.

Isaya 60:14

Sanana sa vatshanisi vago, si nata noga migondroni gwago; ni vale va nga bani va gu hembulula, va nata khidzima migondroni gwago; va na gu rana khavo u “Lidhoropa la Pfhumu Nungungulu,” “Siyoni wa Uye a Kategidego wa Israyeli.”

Mithumo 7:22

Khu guralo, Mosi a di hevbudzwa guti gwatshavbo wa Vagipiti, a diri ni tshivba khu magana ni mithumo.

Dhewuteronome 34:10

Tigoni gwa Israyeli gima kha ga nga dugelela gambe mumbe muprofeti nya gufanane ni Mosi oyu a nga wonanago ni Nungungulu khovbe ni khovbe,

Dhewuteronome 34:11

ambari khu satshavbo siwoniso ni sisamadziso ni siliwugiso esi Pfhumu Nungungulu a nga mu rumago guya gira mbeli ga Faro, tigoni ga Egipito ni mbeli ga vathu vaye vatshavbo ni tigoni gwaye gwatshavbo;

Josuwa 4:14

Khu litshigu lile kamwe, Pfhumu Nungungulu a di khusedza Josuwa mbeli ga va na Israyeli vatshavbo, ni vatshavbo va di mu ninga githawo kha nga idzo va nga bani va ninga khidzo Mosi na nga gu vbanya.

Gutuledwa 3:9

Nyi na gu ninga tshangano nya valandreli va Sathane, vale va dzi randrago Vajudha nari va gu lipha. Va na khidzima migondroni gwago, gasi va dziti nya gukhavo nyi ngu gu gola.