Ekisodha 10:9 - Bhibhiliya Nya Guage

⁹ Mosi a di khuye: “Ethu hi na hongola gumogo ni madzaha yathu, sikhosane sathu, sanana sathu nya sikhwathana ni esi nya sagadzyana; hi na dzega dzinvuta ni dzimombe dzathu, kholu ha gu ya phasela Pfhumu Nungungulu.”

Ekisodha 10:9 Iomraidhean Croise

Genesi 50:8

gumogo gambe ni ngamo yatshavbo ya Josefa ni vandriyaye ni ndranga yatshavbo ya babe waye; va diga basi tigoni ga Goseni, sanana ni mitshambi nya sirengo nya sidugwana neyi nya iso nya sikhongolo.

Ekisodha 10:10

Faro a di ganela gwawe, khuye: “A gu bani nari guralo, Pfhumu Nungungulu a na khale ni enu. Aholu eni kha nyi na mi diga mu hongola ni vagadzi vanu, ni sanana sanu!” Wonani nya gukhenu mu ngu gira gikungo nyambasi gyadi!

Ekisodha 10:26

Sifuyo sathu gambe hi na hongola naso. Kha gu na nga tshala ni girengo gimwegyo basi; kholu khiso hi na si thumisago gu gira khiso miphaso hi khozela Pfhumu Nungungulu wathu. Kala hi gu ya vboha iyoyo, kha hi pimi gilo gukhethu dzimhamba muni hi yelago gu ya mu phasela khidzo. Isoso hi na ya siti basi na hi vbohide.

Ekisodha 12:32

Dzegani gambe dzinvuta dzanu ni mitshambi yanu nya dzimombe, kha nga mu lombidego mu duga! Indrani mu ya nyi kategisa neni.”

Ekisodha 12:37

Sanana sa Israyeli si dugide khu dhoropani ga Ramesi va phara ndzila nya guhongole Sukoti khu mawundru. Va diri gipimo nya livbandre na limwedo magumi mazana nya mazana (600.000) vama nyamba sayela vanyamayi ni sanana.

Ekisodha 12:38

Vambe vathu nya vangi nya mambe mafumbu va dugide navo gumogo ni va na Israyeli ni mitshambi nya dzinvuta ni dzimombe nya gutale ngudzu.

Ekisodha 13:6

U na vbedza livbandre na mavili matshigu u na gu hodza sibaba nyambana mela; khu litshigu nya livbandre na mavili u na gira tshangano nya gurungudze Pfhumu Nungungulu.

Ekisodha 3:18

Avo va napwa lito lago. U na ya dzega madhota ya na Israyeli u hongola navo ga Faro, mufumeli wa Egipito, u ya mu embela, khuwe: Pfhumu Nungungulu wa Vahebheru, dzude gwathu, olu hi tshule hi dzega pfhuka nya matshigu mararu hi hongola giwulani, gasi hi ya phasela Pfhumu Nungungulu wathu.

Ekisodha 5:1

Khu hwane nya esi, Mosi ni Aroni va diya ga Faro, va ya, khavo: “Pfhumu Nungungulu wa Israyeli, a ngu ganela kharati, khuye: Diga vathu vangu va duga, va ya nyi girela buzo giwulani.”

Ekisodha 5:3

Avo va di mu embela gambe, khavo: “Nungungulu wa Vahebheru a dzi wonegiside gwathu; hi dzumedzise hi duga hi endra matshigu mararu mugiwulani hi ya girela miphaso nya dzimhamba Pfhumu Nungungulu wathu, gasi a si hi bayisi khu mitungu mwendro khu matshari.”

Mavingu 3:9

Rungudza Pfhumu Nungungulu khu silo u gu naso, ni mihandro nya guhegule ya mahangeni gwago.

Muhevbudzi 12:1

Alakanya Muvangi wago na wu ngari lidzaha, kholu ma na vboha matshigu nyambasi yadi, a gu myaga u na ganelago gukhuwe: “Guvbanya kha gu nga gu tshamba gambe;”

Mitengo 29:12

Khu litshigu nya likhumi na livbandre nya ngima nya livbandre na wuvili, mu na gira tshangano nya guage; mu nga thumi gilo khu litshigu lolo; aholu mu na vbedza livbandre na mavili matshigu mu na gu girela buzo Pfhumu Nungungulu.

Vaefeso 6:4

A nenu vavelegi, mu nga goroseli sanana, aholu si dandriseni khu gu si hevbudza mavbanyelo nya ndruda ni githawo, kha nga guruma ga Pfhumu.

Josuwa 24:15

Aholu mwa gu si wona siri sadi gu khozela Pfhumu Nungungulu, hathani muhuno khu mani mu yelago gu mu thumela: Vanungungulu va nga khozedwa khu vababe vanu na vari khisikheyi nya tsongo wa Ewufrate, mwendro vanungungulu va Vaamori mu vbanyago tigoni gwawe. Gasi eni ni ndranga yangu hi na khozela Pfhumu Nungungulu.