Ekisodha 10:7 - Bhibhiliya Nya Guage

⁷ Khavbo avbo, sithumi sa Faro si di mu embela, khiso: “Kala lini sathu na hi gu tshaniswa khu mwama yoyu? Tshula vathu vava va hongole va ya khozela Pfhumu Nungungulu wawe. Ina khu woni gukhuwe Egipito gu ngu mbemba, gani?”

Ekisodha 10:7 Iomraidhean Croise

Dzindzimo 107:34

Wulime nya wadi a di wu vbindrugedza wu khala munyu, khu kotani nya wuvivbi wa avo va khalago umo.

Ekisodha 12:33

Vagipiti va di gurumedza vathu gu duga khu tigoni gwawe, kholu va di khavo: “Hi nafa hatshavbothu!”

Ekisodha 23:33

Avo va nga vbahi tigoni gwago, gasi va si gu kutsedzeli gu nyi ghohela; kholu wa gu khozela vanungungulu vawe, isoso khu lisine si na bani siri naphwi gwago.

Ekisodha 7:5

Khavbo avbo, Vagipiti, va na dziti gukhavo Eni kheni Pfhumu Nungungulu, avbo Eni nyi na thawuludzago mandza yangu nyi bayisa Vagipiti, nyi dusa sanana sa Israyeli vbakari gwawe.”

Ekisodha 8:19

Khu guralo, dzinyanga dzi di embela Faro, khidzo: “Khu Nungungulu a girago esi.” Aholu monyo wa Faro wu di banga, kha nga idzo a nga ganelago Pfhumu Nungungulu.

Mavingu 29:6

Muthu nya guvivbedwe khu monyo, a gu modwa khu naphwi a wu riyidego, aholu wule a lulamidego, a gu embelela na tsakide.

Muhevbudzi 7:26

Khu guhegisa nyi di wona gukheni: Egi gi pwisago ngudzu wuvi guvbindra lufu khu gu mana nyamayi nya vbiyaku. Kholu a gu sihalela vama nga musoti: Monyo waye i naphwi, mwama a gu hungwa khu dzingomondro nya mawogo yaye. Aholu avo va thavago Nungungulu va gu mu ndreyela, gasi sighohi sa gu modwa khuye.

Isaya 14:20

Khu na dzingwa navo, kholu u sasede litigo lawe u songa vathu vawe. Livelego la va nya guvivba, gima kha li na alakanywa gambe.

Isaya 51:9

Khendzuga! Khendzuga! Ambala tshivba yago; uwe gyandza gya Pfhumu Nungungulu. Khuga u ema u gira gu fanana ni iso u giridego matshigu ya gale, ga mimelana ya gale. Gasi khandri uwe u vetidego Egipito ni gu bayisa mwamilambo, gani?

Jeremiya 48:4

Mowabhi thegide! Gupwala dzihuwa nya sanana saye.

Jeremiya 51:8

Khu githugedza, Bhabhiloni thegide a khala marumbi; lilani khu uye, vbwetani rendre mu todze dzimbanga dzaye; mwendro saye a na hawuluga.

Sofoniya 1:18

Ambari parata ni ndralama yawe, kha si na kodza gu va vbulugisa, litshiguni nya likhulo la Pfhumu Nungungulu. Litigo latshavbo li na dagarela khu nilo nya likhulo laye. Ina, kholu a na mbembisa muphelo vatshavbo va vbanyago mafuni, mwalo a na vbulugago.

1 Vakorinto 7:35

Nya gu mi embela silo sesi khu gufela gu mi phasa, nasiri gu mi tshunganisa. Nya gu mi yeyedza esi si gu sadi, si lulamidego, gasi mu thumela Pfhumu khu myonyo yanu yatshavbo.

Josuwa 23:13

dzitini khu lisine gukhenu Pfhumu Nungungulu wanu, gima kha na lundra gambe mayigo yaya mbeli gwanu, aholu ma na khala nari naphwi wanu ni ligoga ni lipitso hwane gwanu, ni muba mbeli gwanu, kala mu mbembiswa ga litigo leli nya ladi, mu ningidwego khu Pfhumu Nungungulu wanu.

1 Samuweli 18:21

Sawule a di ganela, khuye: Nyi na mu ninga, a khala naphwi gasi mandza ya Vafilisitiya ma thega vbatshani gwaye. Khu guralo, Sawule a di embela Dhavhidhe, khuye: “Khoyu nya wuvili, muhuno, uwe u na khala mwane wangu.”

1 Samuweli 5:11

Khavbo avbo, va di rumela myango, va tombanisa manganagana yatshavbo nya Vafilisitiya, khavo: “Bweledzani Ngasa ya Nungungulu wa Israyeli, mu yi yisa wulanga waye, gasi yi si hi songi ethu gumogo ni va na gyathu.” Kholu yi diromo nyenganyenga nya lufu dhoropani gwatshavbo, gyandza gya Nungungulu gi di tsayisa khu tshivba ni tshivba dhoropani mule.