Ekisodha 10:6 - Bhibhiliya Nya Guage

⁶ Dzinyumba dzago ni dzinyumba dza sithumi sago satshavbo ni dzinyumba dza vathu vago vatshavbo va tigoni ga Egipito dzi na tala khu mbasa, eyi nya gu ambari vababe wago ni vakokwe vago gima kha va yi wona, gukhugela guvelegwa kala litshigu la muhuno.” Na vbedzide a di thendregedza a gu khuga mbeli ga Faro.

Ekisodha 10:6 Iomraidhean Croise

Ekisodha 10:11

Ahihi, kha gu giregi kharato! Indrani enu vama basi, mu ya girela miphaso Pfhumu Nungungulu, kholu khiso mu si lombidego. Khavbo avbo, va di tutumiswa va khuga mahoni ga Faro.

Ekisodha 11:6

Gu na bani guri gililo nya gikhongolo ngudzu tigoni gwatshavbo ga Egipito, egi nya gu gima gi di si gu manegi, ne kha gi na manega gambe.

Ekisodha 11:8

Khavbo avbo, sithumi sago satshavbo si na relela si ta gwangu si ta nyi khidzimela, khiso: “Duga uwe ni vathu vago vatshavbo u va thangelago. Hwane nya ugo, nyi na duga.” Khavbo avbo, Mosi a di duga khu ga Faro na garadzegide ngudzu.

Ekisodha 8:21

Kholu wa gumba tshula vathu vangu va duga, nyi na rumela mabhawa gwago ni ga sithumi sago, ga vathu va tigoni gwago, ni dzinyumbani gwago. Mabhawa ma na tala dzinyumbani ga Vagipiti, ma fenengedza myamba ni tigoni va na gu bani vari umo.

Ekisodha 8:3

Tsongo wu na tala khu vanyakhele nya vangi va na gu litago va ya bela ni nyumbani gwago, ni makhuvini u lalago umo, dawuni gwago ni dzinyumbani nya dzindruna dzago, ga vathu va tigoni gwago, ni matindzaloni u vawulelago umo mikati kala ni somboni sago nya gusugele umo.

Ekisodha 9:18

Wona, mindru khu gikhati gegi, nyi na wisa ndzadzi nya maralala nya gulemele ngudzu, aya nya gu gima ma si gu wonwi tigoni gwatshavbo ga Egipito, gukhugela gutumbunuga ga ilo kala muhuno.

Ekisodha 9:24

Gu di manega maralala na ma pfanganide ni nilo, khu mawelo nya guthise ngudzu, nya gu gima gu di si gu wonwi tigoni gwatshavbo ga Egipito, gukhugela guvbahwa nya ilo.

Joyele 2:2

Litshigu nya gidema ni gutshaniseka; litshigu nya mapfhi ni gidema nya guphume. Gufanana ni wuronga wu wenengedzago sigomoni, vathu nya vangi ni tshivba va ngu hidzimela, avo nya gu gukhugela gikhati gya gale gima kha va nga manega, ambari khu hwane gwawe kha va na nga manega ga situgulwana ni situgulwana kala gupindruga.

Joyele 2:9

Va gu vbindra khu madhoropani; va tutumatutuma vbatshani nya mabhiyo, va lita dzinyumbani, va bela khu sihogo nga mbafa.

Vahebheru 11:27

Khu gukhodwa, uye dugide khu Egipito nyambana hwanga khu likhulo la mufumeli. A di simama gutiya nga khwatshi a gu wona uye a si wonegigo.