Ekisodha 10:5 - Bhibhiliya Nya Guage

⁵ Mbasa yi na fenengedza mafuni gwatshavbo ni mafu kha ma na nga wonega. Yi na hodza satshavbo esi si nga tshalago ni esi si nga vbuluga maralala; yi na hodza ni misimbo yatshavbo yi thungago marembweni gwanu.

Ekisodha 10:5 Iomraidhean Croise

Ekisodha 10:12

Khu guralo, Pfhumu Nungungulu a di embela Mosi, khuye: “Khusedza mandza yago vbatshani nya litigo la Egipito gu nata mbasa. Yi na vbuvba yi bela tigoni gwatshavbo ga Egipito, yi ta hodza mwasi watshavbo wa tigoni, ni satshavbo esi si tshidwego khu ndzadzi nya maralala.”

Ekisodha 10:15

Mbasa yi di fenengedza mafu yatshavbo ma vbindrugedza ma sivbala hayo phum. Yi di hodza mwasi watshavbo wa tigoni ni mihandro yatshavbo nya misimbo yi nga tshidwago khu maralala. Kha gwa tshala ni lihagane nya gunagane misimboni, mwendro mwasi tigoni gwatshavbo ga Egipito.

Ekisodha 10:4

Kholu wa gu simama gu bomba gu tshula vathu vangu va hongola, mindru nyi na guhula mbasa tigoni gwago gwatshavbo.

Ekisodha 9:32

Aholu sivbila ni mala kha sa nga ghohetedwa kholu si di bani si si gu rumbugi.

Joyele 1:4

Esi si tshidwego khu pungu, si hodzidwe khu khaba; iso si nga tshidwago khu khaba si hodzidwe khu mbasa niso si nga tshidwago khu mbasa, si hodzidwe khu sibukhwa.

Joyele 2:25

Nyi na mi bweledzela nyaluphye myaga yile dzimbewu dzanu dzi nga mbembiswago khu mbasa, khaba, sibukhwa, mipungu ni libutho langu nya likhongolo nyi nga mi rumelago.

Joyele 2:3

Mbeli gwawe gu thangide nilo nya gumbembise; khu hwane gwawe gu wonega malavbelavbe nya nilo; mbeli gwawe mafu ma gu fanana ni lithembwe la Edheni, aholu khu hwane gwawe gu di fanana ni giwula nya gihala; mwalo a na vbulugago.