Ekisodha 10:3 - Bhibhiliya Nya Guage

³ Khu kharati, Mosi ni Aroni va di ya ganela ni Faro, va mu embela, khavo: “Pfhumu Nungungulu wa Vahebheru, a ngu ganela kharati, khuye: “Kala lini na wu gu bomba gu dzi nogisa mbeli gwangu? Diga vathu vangu va hongola gasi va ya nyi thumela.

Ekisodha 10:3 Iomraidhean Croise

1 Dzipfhumu 18:21

Eliya a di hidzimela a ema mbeli ga vathu vatshavbo, khuye: “Kala lini mu na ndzodolago khu mipimiso mivili? Pfhumu a gu bani ari uye, mu landreleni; aholu, a gu bani nari Bhahali, landrelani uye.” Aholu, vathu kha va nga mu hakha.

1 Dzipfhumu 21:29

“U wonide idzo Akabi a dzi thesidego khidzo mbeli gwangu, gani? Kha nga olu a giridego kharati, kha nyi na mu tsayisa matshiguni nya guvbanye gwaye, aholu matshiguni ya mwanaye, nyi na resa tsayiso nyumbani gwaye.”

2 Dzipfhumu 22:19

Kha nga monyo wago wu thurugidego, u dzi thesa mbeli ga Pfhumu Nungungulu, gikhati u pwidego magana nyi ganedego khu mahungu nya wulanga wowu, ni ga vavbanyi vaye, gupwani wu na mbembiswa wu khala giwula ni gihegiso, u pferula dzingandzu dzago u lila mbeli gwangu, Eni neni nyi gu yingiside; a ngu ganela Pfhumu Nungungulu.

2 Dzikoronika 33:12

Nari vbakari nya wuvi, a di lombelela ga Pfhumu Nungungulu waye, a dzi thesa ngudzu vbavbatshi ga Nungungulu wa vababe vaye;

2 Dzikoronika 33:19

Nombelo waye, ni idzo Nungungulu a mu hakhidego khidzo, ni gighoho gyaye, guyeyisa gwaye, malanga a ma vbahidego nya sigomo, umo a nga emisago sifananiso nya guvatwe na si gu dzi thesi vbavbatshi, ma lovidwe yatshavbo umo nya Libhuku la Vaprofeti.

2 Dzikoronika 34:27

Kha nga olu monyo wago wu vbevbugidego u dzi nogisa mbeli ga Nungungulu, u yingisa magana ma ganelago khu mahungu nya wulanga wowu gumogo ni vathu vaye, u dzi nogisa mbeli gwangu, u pferula dzingandzu dzago, u lila mbeli gwangu, Eni neni nyi gu yingiside, a ngu ganela Pfhumu Nungungulu.” Khavbo avbo, avo va di yisa phindrulo yeyi ga mufumeli.

2 Dzikoronika 7:14

vathu vangu, va ranwago khu lina langu, va gu dzi sodzisa ni gu va lombelela khu gu vbweta Lina Langu, va hambana ni dzindzila dzawe nya guvivbe, na nyiri kheno ndzadzini, nyi na va yingisa, nyi va tsetselela sighoho sawe, nyi vbodzisa litigo lawe.

Joba 42:6

Khu guralo, nyi ngu dzipwa na nyiri ni nandru, olu nyi ngu dzi laya, khu guphorola nguma ni kudzudzwane.”

Ekisodha 10:4

Kholu wa gu simama gu bomba gu tshula vathu vangu va hongola, mindru nyi na guhula mbasa tigoni gwago gwatshavbo.

Ekisodha 16:28

Khu guralo, Pfhumu Nungungulu a di embela Mosi, khuye: “Mu na kala lini, enu na mu bomba gu landrisa sirumo ni milayo yangu?

Ekisodha 4:23

Nyi ngu gu embela gukheni diga gyanana gyangu gi duga, gi fela gu ya nyi thumela, aholu uwe u ngu bomba gu gi diga gi duga! Khu guralo, nyi na songa gyanana gyago nya matiwula.”

Ekisodha 5:1

Khu hwane nya esi, Mosi ni Aroni va diya ga Faro, va ya, khavo: “Pfhumu Nungungulu wa Israyeli, a ngu ganela kharati, khuye: Diga vathu vangu va duga, va ya nyi girela buzo giwulani.”

Ekisodha 9:17

Aholu, uwe u nga gu simama sago gu dzi gugumugisa, u bomba gu tshula vathu vangu va hongola, gani?

Mavingu 1:22

“Enu sipumbu, kala lini na mu nga gu hamuga mano? Ni enu vatseketseli, kala lini na mu nga gu gola gutseketsela? Enu sipumbu, kala lini na mu gu bomba gu nyi yingisa?

Mavingu 1:24

Kholu nyi mi ranide, aholu mwalo a nyi hakhidego, nyi thawuludzide mandza yangu, aholu mwalo a nga khathalago.

Mavingu 18:12

Monyo nya muthu, wu si gu thegedwi khu mhango, wa gu dzi khusedza ngudzu, aholu wuzundzo gu wu mana khu gu dzi nogisa.

Isaya 1:5

Khu ginani mu na gu simamago mu tsayiswa, khu guyeyisa gwanu? Mihungo yanu yatshavbo yi ngu dwala, ni myonyo yanu yi vbede tshivba.

Isaya 2:11

Khu litshigu lolo, maho ya va nya matshandza ma na poyidwa, ni vathu va dzi khusedzago, va na vbwasamiswa; Pfhumu Nungungulu khuye basi a na gu khusedzwago khu litshigu lolo.

Jeremiya 13:10

Vathu vava nya guvivbedwe khu monyo, va si dzumeligo gu yingisa magana yangu, va gimbilago khu dzindzila dzi godwago khu myonyo yawe, ni gu landrisela vanungungulu nya valombo, va va khozela ni gu va thumela, va noga mbeli gwawe, va na fanana ni libhandri leli li si phasigo gilo.

Jeremiya 13:18

Embela mufumeli ni pfhumugadzi, khuwe: “Dzi vbwasamiseni mu khala vbavbatshi, wumburi ni sihugu nya wudhumo wanu, si thegide khu mihungoni gwanu.”

Jeremiya 50:29

Rambani vatshavbo va kodzago gu khwandra siholoma; va na hekhe litigo la Bhabhiloni, va li randrela gu si dugi ni wa gu duga. Va bweledzeleni gukhedza khu mithumo yawe, satshavbo a mi giredego mu gireleni nuye kharalo; kholu a dzi khusedzide a wugela Pfhumu Nungungulu, Gihathwa gya Israyeli.

Ezekiyeli 5:6

Khu guralo, khu kotani nya guvivbe gwaye wugede milayo yangu, gumogo ni sileletelo sangu, a gira guvivba guvbindra ni mayigo nya vaakelane vaye. Kholu uye yeyiside milayo yangu, a si landrisi sileletelo sangu.”

Dhaniyeli 5:22

Gasi uwe Bhalitazari, mwanaye u nga khalago wulangani gwaye, ambari ulo u nga si wonago satshavbo soso, kha wa dzi sodzisa monyoni gwago.

Mitengo 14:27

“Kala lini na nyi gu timisela tshangano yoyu nya guvivbe na wu gu nyi wugela? Nyi pwide gungurangura ga va na Israyeli va nyi girelago litshigu ni litshigu.

Varoma 2:4

Khu ginani u yeyisago wuhindzi nya wukhongolo wa Nungungulu, ni gurula ni gutimisela gwaye? Wa gumba dziti nya gukhuwe wuhindzi wa Nungungulu wu ngu gu gurumedza gu vbindrugedza mavbanyelo yago, gani?

Vahebheru 12:25

Dzi woneleni! Mu nga bangisi mihungo yanu mwa gupwa oyu a ganelago. Ava va nga bomba gupwa oyu a nga va resela Mahungu ya Nungungulu mafuni, gima kha va vbuluga gutsayiswa. Khu guralo, kha hi na dzi kodza guvbuluga ethu ha gu bomba gupwa oyu a ganelago khu ndzadzini.

Jakobe 4:10

Dzi sodziseni mbeli ga Pfhumu, uye a na mi khusedza.

1 Pedro 5:6

Khu guralo, dzi nogiseni vbavbatshi nya mandza nya tshivba ya Nungungulu, gasi a mi khusedze khu gikhati gi enedego.