Ekisodha 1:7 - Bhibhiliya Nya Guage

⁷ aholu sanana sa Israyeli si diya na si gu engedzela gu velegelana khu tshivba. Si di pandregelana si andra kala va tadza litigo latshavbo la Egipito.

Ekisodha 1:7 Iomraidhean Croise

Genesi 1:20

Nungungulu a di khuye: “Matini gu na tale khu sirengo nya guvbanye: Sinyoni si na vbuvbe damboni.”

Genesi 1:28

Nungungulu a di va kategisa a va embela, khuye: “Velegelanani, mu andra, mu tadza mafu, mu ma fumela. Fumelani dzindzandzi dza matini, sinyoni ni sirengo satshavbo si vbanyago mafuni.”

Genesi 12:2

Nyi na wusa khu uwe litigo nya vathu nya vangi. Nyi na gu kategisa, nyi gu ninga lina nya wuzundzo, u na khala uwe gikategiso.

Genesi 13:16

Nyi na gira sanana sago si tala ngudzu kha nga mafu. Mwalo muthu a dzi kodzago gu saya dzitshota nya mafu. Khidzo gambe kharato, mwalo muthu a na gu dzi kodzago gu saya sanana nya livelego lago.

Genesi 15:5

Nungungulu a di ruma Abrama gu duga vbavbandze nya nyumba, a mu embela, khuye: “Khusa maho yago u khedzisa vbatshani damboni, wona mwendro u ngu dzi khodza gu saya tengo nya dzinyeledzi. Khidzo wu na bani wuri idzo sayo nya situgulwana nya livelego lago.”

Genesi 17:16

Kholu nyi na gu kategisa khavbo gwaye; nyi na gu ninga gyanana nya gikhwathana; nyi na mu kategisa, a na khala mayi nya mayigo, khu ndrani gwaye gu na velegwa dzipfhumu nya mayigo.”

Genesi 22:17

Eni nyi na gu kategisa; nyi na engedzela livelego lago khu sanana nya singi ngudzu, nya gutale kha nga dzinyeledzi dza ndzadzini, kha nga mafu nya fungu wa phwani. Sanana sago si na khozisa valala vawe si gu va dzegela madhoropa yawe.

Genesi 26:22

A di dzegela gukhuga khu vbale, a vbindra aya mbeli va ya tula nambo, avbovbo kha ga manega guganedzisana, a di wu riya lina nya gupwani: “Nambo nya guandre,” kholu a di khuye: “Olu Pfhumu Nungungulu a hi ningide wulanga, hi na fuma tigoni momu.”

Genesi 26:4

Nyi na andrisa livelego lago kha nga dzinyeledzi dza ndzadzini, nyi na gu ninga mayigo yaya yatshavbo. Khavbo nya melego wago, ma na kategiswa mafumbu yatshavbo nya vathu va tigoni,

Genesi 28:14

Sanana sago si na tala ngudzu kha nga mafu ya tigoni; u na nava uya Muhwadambo ni Khugadambo, Wuronga ni Marandzi. Mahundzu nya vathu vatshavbo va tigoni, ma na kategiswa khavbo gwago ni ga livelego lago.

Genesi 35:11

A di engedza gambe a mu embela, khuye: Eni kheni Nungungulu nya Tshivba Yatshavbo; uwe u na andra u velegelana, khavbo gwago gu na velegwa dhudhudhu nya mayigo ni vathu nya gutale ngudzu;

Genesi 46:3

Khavbo avbo, Nungungulu a di engedza, khuye: Eni kheni Nungungulu wa babe wago; u nga kanakani gu relela tigoni ga Egipito, kholu nyi na ya gu gira iyo litigo nya likhongolo.

Genesi 47:27

Israyeli a di vbaha tigoni ga Egipito a khala iyo, gipandre ngulu gya Goseni; va na Israyeli va di renga sipeto va velegelana ngudzu khu tshivba.

Genesi 48:16

ngilozi yi nyi vbulugisidego guvivbani gwatshavbo, a na kategise sanana sesi. Si na gire lina langu li simama kala gupindruga, ni malina ya vababe vangu Abrahama ni Isaki va na velegelane va tala tigoni momu.

Genesi 48:4

a nyi embela, khuye: “Nya gu vbweta gukheni u dandre u ninge mihandro; nyi na gu vbindrugedza nyi gu gira talo nya vathu nya mahundzu, nyi na ninga litigo leli ga sanana nya livelego lago, hwane ga uwe, li khala thomba yawe kala gupindruga.”

Genesi 9:1

Nungungulu a di kategisa Nowa ni sanana saye, a mu embela, khuye: Velegelanani, mu andra, mu tadza mafu.

Nehemiya 9:23

U di andrisa livelego lawe li tala kha nga dzinyeledzi dza ndzadzini, U va vbohiside ga litigo U tumbisidego gu ninga vababe vawe.

Dzindzimo 105:24

Pfhumu Nungungulu a di andrisa tengo nya vathu vaye, a va ninga tshivba guvbindra valala vawe.

Dzindzimo 107:38

Nungungulu a di kategisa vathu vaye, avo va di velega sanana nya singi, wu di si vbungugi tengo nya sifuyo sawe.

Ekisodha 1:12

Aholu, avbo va nga bani va gu tshaniswa khu tshivba, avo va di dandra va velegelana ngudzu va andra; khu kharato, Vagipiti va di thedwa hwanga khu va na Israyeli.

Ekisodha 12:37

Sanana sa Israyeli si dugide khu dhoropani ga Ramesi va phara ndzila nya guhongole Sukoti khu mawundru. Va diri gipimo nya livbandre na limwedo magumi mazana nya mazana (600.000) vama nyamba sayela vanyamayi ni sanana.

Ekisodha 5:5

Faro a di engedza gambe a ganela, khuye: “Olu tengo nya vathu vovo wu engedzedego gu dandra tigoni, khu ginani mu vbwetago gu va hungatela mithumoni gwawe.”

Ezekiyeli 16:7

Eni nyi di gu dandrisa kha nga pfhundre wa thembweni. U di dandra u andra, u khala mbiri nya gumbure ngudzu, mavele yago ma di ema, ni ndzudzu wago wu di dandra; aholu uwe khwa nga ambala gilo, u diri wumbwiri.

Mithumo 13:17

Nungungulu wa Israyeli, hathide vababe vathu, a gu dandrisa vathu vaye gikhati va nga ya khala Egipito. Khu hwane nya gikhati a di va dusa khu Egipito, khu tshivba nya libogo Laye.

Dhewuteronome 10:22

Vababe vago va nga relelago tigoni ga Egipito va diri basi livbandre na mavili magumi; gasi olu Pfhumu Nungungulu wago, a gu giride u andra, u tala kha nga dzinyeledzi dza ndzadzini.

Dhewuteronome 26:5

Khavbo avbo, u na huwata mbeli ga Pfhumu Nungungulu wago, u ganela, khuwe: Babe wangu a diri Muarami, nya mulegalegi, na gumbide, a di hongola tigoni ga Egipito, nari ni vathu nya vadugwana aya vbanya iyoyo kha nga muluveli; aholu, khiyoyo a di ya vbindrugedza a gu khala litigo nya likhongolo nya tshivba, nya vathu nya vangi.