Ekisodha 1:11 - Bhibhiliya Nya Guage

¹¹ Va di rumela dzighadhi gasi gu khevisela sanana sa Israyeli va si lemedza khu mithumo nya gulemele. Khu guralo, va na Israyeli va di vbahela Faro, madhoropa ya Pitomi ni Ramisesi, umo mufumeli wa Egipito a nga bani na gu vegedzela umo dzithomba nya dzimbewu dza mahangeni.

Ekisodha 1:11 Iomraidhean Croise

Genesi 15:13

Khavbo avbo, Pfhumu Nungungulu a di mu embela, khuye: “Khala nu gu dziti gukhuwe situgulwana nya livelego lago si na vbanya kha nga vawuyi tigoni nya valombo, li si gu lawe. Va na khoziswa va gu girwa dzikhumbi, va tshonigiswa gipimo nya mazana mana myaga.

Genesi 47:11

Khavbo avbo, Josefa a di vega babe waye ni vandriyaye, a va ninga sipeto malangani nya yadi ngudzu ya tigoni ga Egipito, ga gipandre gya Ramisesi, kha nga edzi a nga embedwago khidzo khu Faro.

1 Dzipfhumu 9:19

gumogo gambe ni madhoropa yatshavbo nya guvegedzele umo matshari ma nga bani ma gu lumba Solomoni, madhoropa nya gukhale dzikareta, madhoropa nya vakhileli nya dzikavalu, ni satshavbo iso Solomoni a nga si suva guvbaha Jerusalema, Libhanoni ni tigoni gwatshavbo gu nga bani na gu fumwa khuye.

2 Dzikoronika 16:4

Bheni-Hadhadhi a di yingisa magana ya Asa, a rumela vathangeli vaye nya dzinyimbi guya wugela madhoropa ya Israyeli; va sasela madhoropa ya Ijomi, Dhani, Abheli-Mayimi ni madhoropa yatshavbo nya sisangala ya Nafitali.

2 Dzikoronika 8:4

A di vbaha gambe lidhoropa la Tadimori mugiwulani, ni yatshavbo madhoropa ya gipandre gya Hamati gasi gu vegedzela umo thomba ya tigoni.

Dzindzimo 105:13

Va di gu legalega khu litigo ni litigo, va duga ga owu mufumo va bela ga wumbe.

Dzindzimo 129:1

Va nyi tshaniside ngudzu gukhugela wanana wangu, a na ganela olu Israyeli;

Dzindzimo 129:2

va nyi tshaniside ngudzu gukhugela wanana wangu, aholu kha va dzi kodza gu nyi pala.

Dzindzimo 68:13

Sifananiso nya matuva ni mambapi nya parata, ni mitenga yakone nya gukhedzige nga ndralama. Khu ginani vambe va varamago phandroni nya dzinvuta litshigu nya gudwane nyimbi?

Dzindzimo 81:6

“Eni nyi mi rude rwalo nya gulemele magatani gwanu, nyi giride esi gasi mu si lemedwi gambe mawogoni gwanu.

Ekisodha 1:14

Va di va tshanisa khu mithumo nya gulemele ngudzu nya gubagelele libumba ni gu gira sitini, ni mithumo yatshavbo nya wulimi ni wugumbi watshavbo va nga va rwegago khu tshivba.

Ekisodha 2:11

Ga matshigu yale, Mosi nari khongolo, a di hongola ga vandriyaye, aya wona khu maho yaye gulemela nya mithumo yawe. A di wona moyo nya Mugipiti na gu bayisa moyo nya Muhebheru, a gu ndriyaye.

Ekisodha 3:7

Pfhumu Nungungulu a di engedza, khuye: “Khu lisine nyi wonide gutshaniseka ga vathu vangu va tshaniswago tigoni ga Egipito, gambe dzihuwa dzawe dzi vbohide dzindzeveni gwangu khu kotani nya vatshanisi vawe. Nyi ngu wuti wuvi wawe.

Ekisodha 5:10

Khavbo avbo, dzindruna ni vathangeli nya litigo va di duga va ya ganela ga vathu, khavo: “Faro a ngu ganela kharati, khuye: Gukhugela muhuno kha mu na ningwani gambe mwasi.

Ekisodha 5:15

Vathangeli nya sanana sa Israyeli va diya lila ga Faro, khavo: “Khu ginani u tshanisago kharati sithumi sago?

Ekisodha 5:8

Ambari ulo, va henguleni tengo wa wumowo nya sitini vatago na va gu gira khu gale, nyamba vbungula ni gitini gimwegyo basi, kholu migara. Khigyo gi va girago va gulumela, khavo: Hi dige hi hongola hi ya phasela Nungungulu wathu.

Mavingu 27:4

Likhulo li vivbide, ni gugoroga i talo nya mati, aholu khu mani a tiyelago lidiwo?

Mitengo 20:15

Vababe vathu va relede tigoni ga Egipito, umo va nga ya vbanyago gikhati nya gulaphe ngudzu, aholu Vagipiti va hi tshaniside ethu gumogo ni vababe vathu.

Dhewuteronome 26:6

Aholu Vagipiti va di hi tshanisa khu dzihanyi va hi rwega mithumo nya gulemele.