Dzindzimo 99:6 - Bhibhiliya Nya Guage

⁶ Mosi ni Aroni va diri vbakari nya vaphasi vawe nya mhamba, Samuweli moyo nya avo va nga rungudza lina laye, avo va di gu rana Pfhumu Nungungulu, uye a va hakha.

Dzindzimo 99:6 Iomraidhean Croise

Ekisodha 14:15

Khavbo avbo, Pfhumu Nungungulu a di embela Mosi, khuye: “Khu ginani u ta lilago gwangu? Embela va na Israyeli va bela ndzilani va gimbila.

Ekisodha 15:25

Mosi a di lomba ga Pfhumu Nungungulu, Pfhumu Nungungulu a di mu nonedza simbo. Uye a di wu rinya matini. Mati ma di vbindrugedza ma tshamba. Khavbo vbale Pfhumu Nungungulu a va ningidego milayo ni sileletelo, khavbo gambe a va lingidego, a va embela, khuye:

Ekisodha 17:4

Mosi a di rana Pfhumu Nungungulu a mu embela, khuye: “Nyi na gira ginani eni ga vathu vava? Gu tshala vbadugwana basi, va na nyi pfara khu siwindri.”

Ekisodha 32:30

Khu mindru gakone, Mosi a di ganela ga vathu, khuye: “Mu giride gighoho nya gikhongolo. Aholu, muhuno, nyi na gwela ga Pfhumu Nungungulu, gufela gukheni mwendro a gu dzina saye nyi naya dzi kodza gu hakha ditshedzo nya sighoho sanu.”

Jeremiya 15:1

Pfhumu Nungungulu a di nyi embela, khuye: “Ambari nari pwani Mosi ni Samuweli vomo mbeli gwangu va lombelela khu vathu vava, gima eni nyi si va tsetseleli; va duse mbeli gwangu, u va yise hwindzo ni eni!”