Dzindzimo 99:3 - Bhibhiliya Nya Guage

³ Va na dhumise lina lago nya likhongolo nya guthavisege! Kholu li agide.

Dzindzimo 99:3 Iomraidhean Croise

Nehemiya 1:5

Nyi ganela, kheni: Nyi ngu lomba ga uwe Pfhumu Nungungulu wa ndzadzini, uwe u gu khongolo u thavisegago, uwe u sayisago pwanano ni gu girela wuhindzi vale va gu golago ni gu vegedza milayo yago!

Nehemiya 4:14

mwa gupwani guwomba nya pundru, tutumani muya tshangana avbo wu pwalago avbo, mwendro saye Nungungulu wathu a na hi dwanela.

Nehemiya 9:32

Gasi olu, Uwe Nungungulu wathu, U Nungungulu nya khongolo U gu ni tshivba yi thavisegidego, U vegedzago gidzumeledzwano ni lihaladzo nya gutumbege; wona nari likhongolo libango leli li thegedego avbo gwathu gukhugela gikhatini ga vafumeli va Asiriya kala na muhuno, ga ethu ni vafumeli vathu, ga vafumeli vathu, ga vaphasi vathu nya mhamba, ga manganagana yathu, ga vaprofeti vathu, ga vababe vathu, ni ga vathu vatshavbo.

Nehemiya 9:5

Aholu va na Levhi Jesuwa, Kadimiyeli, Bhani, Hasabhineya, Serebhiya, Bhani, Hodhiya, Sebhaniya ni Petaya va di ganela, khavo: “Khugani hi rungudza Pfhumu Nungungulu wathu, khu gupindruga kala gupindruga. Avo va di ganela, khavo: Li na bongwe lina lago li zundzegago, li kategidego ni guvbindra gudhumiswa gwatshavbo.”

Dzindzimo 100:4

Belani dzinyangwani nya nyumba yaye na mu gu bonga, belani siluveloni gwaye na mu gu dhumisa ni gu bonga lina laye.

Dzindzimo 103:1

Uwe hefemulo wangu dhumisa Pfhumu Nungungulu, ni satshavbo si guromo ndrani gwangu, si na bonge lina laye li agidego.

Dzindzimo 111:9

Uye dzegiside vathu vaye; a gira navo gidzumeledzwano nya gupindruge; lina laye li agide li ngu thavisega.

Dzindzimo 145:17

Pfhumu Nungungulu lulamide ga dzatshavbo dzindzila dzaye, a na ni wuhindzi mithumoni yaye yatshavbo.

Dzindzimo 66:3

Embelani esi Nungungulu, khenu: “Sigiro sago si ngu samadzisa ngudzu! Valala vago va gu ndrendremela mbeli gwago, kholu tshivba yago yikhongolo.

Dzindzimo 76:1

Nungungulu a ngu tidwa gwadi tigoni ga Judha; lina laye li zundzegide tigoni ga Israyeli.

Dzindzimo 76:12

Uye a ngu thesa vbavbatshi tshivba ya sanana sa vafumeli; sa gu dzi gugumugisa; a ngu thela hwanga vafumeli nya litigo.

Isaya 6:3

Mweyo ni mweyo, yi di khusa lito yi ganela ga dzimbe, khiyo: “Agide, Agide, Agide Pfhumu Nungungulu nya Tshivba Yatshavbo, mafuni gwatshavbo gu tade khu wudhumo waye.”

Jeremiya 20:11

Aholu Pfhumu Nungungulu a na ni eni, kha nga ndrena nya tshivba; khu guralo, uye a na tshunganisa vatshanisi vangu vatshavbo va thega, va na poyidwa va tala khu dzitshoni; wusiwana wawe kha wu na vbela, gambe gima kha va na wu divala.

Johane 17:11

Nyi mwalo gambe tigoni, aholu avo vomo tigoni, gasi eni nyi nguta vbafuvbi gwago. Baba nya Guage, va vegedze linani gwago, lina u nyi ningidego, gasi va khale moyo, kha nga ethu.

Dhewuteronome 28:58

Wa gumba khathala khu gu landrisa magana yaya nya Nayo, ma lovidwego libhukuni momu, khu githawo ga lina nya wuzundzo ni wudhumo la Pfhumu Nungungulu wago,

Dhewuteronome 7:21

U nga khali hwanga mbeli gwawe, kholu Pfhumu Nungungulu wago, a gu Nungungulu nya khongolo ni guthavisega, womo vbakari gwago.

Josuwa 24:19

Khavbo avbo, Josuwa a di embela vathu, khuye: “Enu kha mu dzi kodzi gu thumela Pfhumu Nungungulu, kholu Uye Nungungulu a agidego, ni Nungungulu a khozedwago gikhati gyatshavbo, a si timiseligo sihoso ni sighoho sanu.

Gutuledwa 4:8

Gimwegyo ni gimwegyo nya sirengo sesi gi na ni livbandre na limwedo mambapi nya gutale gwatshavbo khu maho, khu ndrani ni vbavbandze. Wutshigu ni mihani sa gu embelela nyamba garala, khiso: “U agide, U agide, U agide, Pfhumu Nungungulu nya Tshivba Yatshavbo, wule a nga bani ari uye, wule a gu uye, wule a na tago.”

1 Samuweli 2:2

Mwalo a lulamidego kha nga Pfhumu Nungungulu; kholu mwalo mumbe vbavbandze ga Uwe; gi mwalo Giwindri gi tiyidego, nya gufanane ni Nungungulu wathu.