Dzindzimo 97:7 - Bhibhiliya Nya Guage

⁷ Va na thedwe dzitshoni avo va khozelago sifananiso nya guvatwe, avo va dzi khusedzago khu gu khozela sifananiso, va na khidzime mbeli gwaye vanungungulu vatshavbo.

Dzindzimo 97:7 Iomraidhean Croise

2 Dzikoronika 3:13

Kharati, mambapi nya dzikerubhimi dzedzi ma gu thawuluga ma di enedza magumavili mikono, na dzi emide khu migondro yawe, dzikhovbe dzakone dzi di khedzisa wulanga nya Guage.

Ekisodha 20:4

U nga tshuki u dzi girela githombe nya guvatwe, mwendro gifananiso nya esi si guromo vbatshani, ndzadzini, mwendro nya esi si guromo vbavbatshi, mafuni, mwendro nya esi si guromo guetani nya mati, vbavbatshi nya mafu.

Ekisodha 25:20

Dzikerubhimi dzi na thawuludza dzimbapi dzawe vbatshani, dzi fenengedza gikhalo nya ditshedzo. Dzi na khedzisana, dzikhovbe dzawe dzi na nogela gikhalotunu nya ditshedzo.

Isaya 41:29

Vatshavbo kha va sizi gilo, esi va girago si mwalo giphaso, sifananiso sawe nya gupfhudwe, liphuvbo nya gu dzi pfhadze basi.

Isaya 42:17

Va na lundrwa, va bwelela hwane na va tade khu dzitshoni, avo va tumbago sifananiso nya guvatwe, khavo: Enu khenu vanungungulu vathu.

Isaya 42:7

gasi u tula maho sikhumu, ni gu tshula sibotshwa pasoni, ni gu dusa avo va vbanyago mugidemani.

Isaya 45:16

Vatshavbo va vatago sifananiso, va na khala dzitshoni va hambanega mapimo.

Jeremiya 10:14

Vatshavbo va si wonago va gu samala va si pimi gilo; vapfhuli vatshavbo va khala dzitshoni khu kotani nya sifananiso sawe nya guvatwe; kholu sifananiso va si pfhudego khya malipha, iso si mwalo hefemulo.

Jeremiya 2:26

Kha nga mbafa ya gu manwa, yi khalago dzitshoni, gu na gira nugo kharato ga linyumba la Israyeli; avo gumogo ni vafumeli vawe, vathangeli, vaphasi nya mhamba ni vaprofeti vawe.

Levhi 26:1

“Mu nga dzi gireleni vanungungulu nya malipha, ambari gu emisani sifananiso nya guvatwe ni sihuru, tigoni gwanu mu nga dzi gireleni siwindri mu si mburisela gasi mu si khozela; kholu Eni kheni Pfhumu Nungungulu wanu.

Dhewuteronome 27:15

Libango ga muthu a dzi girelago gifananiso nya guvatwe mwendro nya gupfhudwe, kholu manyala ga Pfhumu Nungungulu, gilo nya gugirwe khu thumo nya wumeseri, a gi vega gusihalani gasi gu gi khzela. Vathu vatshavbo va na hakha, khavo: “Amen!”

Dhewuteronome 5:8

U nga dzi gireli gifananiso nya guvatwe, ambari nya gufanane ni gimwegyo nya esi si guromo vbatshani ndzadzini, ambari vbavbatshi mafuni mwendro matini vbavbatshi nya mafu;

Vahebheru 1:6

Gikhati Nungungulu a nga rumelago Mwamana waye wa moyo, a di ganela gambe, khuye: “Dzingilozi dzatshavbo dza Nungungulu dzi na mu khozele.”

1 Pedro 1:12

Gikhati vaprofeti va ganedego khu Mahungu nya Yadi, aya mu ma pwidego enu olu, Nungungulu tiviside gukhuye thumo wawe wu di si phasi avo, aholu wu di phasa enu. Vagimbidzisi nya Mahungu Yadi nya Ivhangeli va nga ganela khu tshivba nya Liphuvbo nya Guage, li nga rumedwa khu ndzadzini, khavo va mi embedego lisine leli. Silo nya gu, ambari dzingilozi dzi di gu gola nidzo gu siti.

1 Samuweli 5:3

Aholu, avbo va nga wugago vathu va Asidhodhi, ni mambagugya khu litshigu li landrelago, va di wona Dhagoni na thegide a tsitsa khu khovbe mafuni, mbeli nya Ngasa ya Pfhumu Nungungulu; va di mu wusa vaya mu vega gambe vbawulangani gwaye.