Dzindzimo 97:2 - Bhibhiliya Nya Guage

² Randredwe khu mapfhi ni gidema, litshina nya wufumu Waye khu gululama ni lisine.

Dzindzimo 97:2 Iomraidhean Croise

Genesi 18:25

Ahihi, u nga alakanyi gu gira silo nya nga isoso; gu songa u mbembisa va nya gululama gumogo ni sighohi, muthu nya gululame ni gighohi u va gira idzosaye! Ni vbadugwana, u nga giri kharato! Ina mulamuli nya litigo latshavbo a na sindrwa khu gu lamula, gani?”

Joba 23:14

Kholu Uye a na tadzisa iso a si suvidego vbatshani gwangu, ni simbe silo a nga gu si pimisago khu monyoni gwaye.

Joba 26:9

A ngu siha gikhalo gyaye nya wufumu, a gi fenengedza khu mapfhi.

Dzindzimo 77:19

Uwe u di pola ndzila vbakari nya mati, u tsemakanya nondrwa nya wukhongolo, aholu mwalo a wonidego ngondro wago.

Dzindzimo 89:14

Wufumu wago wu tiyisidwe khu gululama ni lisine, lihaladzo ni gutumbega somo mbeli gwago.

Dzindzimo 89:15

Va kategide vathu va gu khozelago khu lisine gu wombela mikulungwane, va vbanyago mbeli ga Pfhumu Nungungulu, gungangamelani nya khovbe yaye.

Dzindzimo 99:4

Uwe u Pfhumu nya tshivba u golago gululama, U tiyiside esi si lulamidego, u ngu lamula sanana sa Jakobe khu nayo ni lisine.

Ekisodha 19:9

Pfhumu Nungungulu a di embela Mosi, khuye: “Wona, Eni nyi nguta nyi ta manana nago ndrani nya lipfhi nya gusivbale, gasi vathu va fela gupwa gikhati nyi na ganelago nago, va fela gu gu tumba gikhati gyatshavbo.” Kholu Mosi a di khade a embeledzela Pfhumu Nungungulu mahungu nya vathu vaye.

Ekisodha 20:21

Vathu va di ema hwindzo, aholu Mosi a di hidzimela vbafuvbi ni lipfhi nya gusivbale, avbo a nga bani ari avbo Nungungulu.

Mavingu 16:12

Kha dzini gukhuye vafumeli va thuma mithumo nya guvivbe, kholu wufumu wa gu tiyiswa khu gululama.

Nahume 1:3

Pfhumu Nungungulu a ngu hwela gu goroga, gambe khongolo khu Tshivba; kha na diga gu tsayisa gighohi. Ndzila yaye yomo omu nya gingulu numo nya gipupwane; mapfhi i kudzudzwane nya migondro yaye.

Varoma 11:33

Nga wona idzo yi gu yingi khidzo thomba, ni guti, ni wugengeli wa Nungungulu! Khu mani a dzi kodzago gu tshamusela maalakanyo yaye? Khu mani a dzi kodzago gu pima dzindzila dzaye?