Dzindzimo 96:7 - Bhibhiliya Nya Guage

⁷ Dhumisani Pfhumu Nungungulu enu mafumbu nya vathu, dhumisani Pfhumu Nungungulu khu tshivba ni wuzundzo waye.

Dzindzimo 96:7 Iomraidhean Croise

Dzindzimo 22:27

Vathu va mafuni gwatshavbo va na muti Pfhumu Nungungulu va vbindrugedza avbo gwaye; mbeli gwaye mayigo yatshavbo ma na mu khozela.

Matewu 6:13

U nga hi digi hi gu thega mugusengwani, aholu hi vbulugise guvivbani.’ Khwago mufumo ni tshivba ni wudhumo kala gupindruga. Amen.

Luka 2:14

“Rungudzo ga Nungungulu Ndzadzini, gurula mafuni ga sigodwa saye.”

1 Pedro 5:11

Ga uye, wudhumo ni tshivba kala gupindruga! Amen.

Gutuledwa 14:7

Ngilozi yi di huwelela khu tshivba, khigyo: “Ningani githawo Nungungulu, mu dhumiseni kholu gi vbohide gikhati gyaye nya gulamule! Khozelani Muvangi nya ndzadzi ni mafu ni linene ni sifefe nya mati.”

Gutuledwa 19:1

Khu hwane nya satshavbo sesi, nyi dipwa nga lito nya lidhuma nya vathu na li gu tshiga khu ndzadzini, khilo: “Aleluya! Guvbanyisa, ni gidhumo, ni tshivba sa gu tumbuluga khu ga Pfhumu, Nungungulu wathu.

Gutuledwa 19:6

Nyi dipwa gambe nga lito nya likhongolo nya talo nya vathu, nga gudzuma nya talo nya mati, nga gudzuma nya libara, na va gukhavo: “Aleluya! Kholu Pfhumu, Nungungulu wathu nya Tshivba Yatshavbo a ngu fuma!

Gutuledwa 5:13

Sivangwa satshavbo sa ndzadzini, sa mafuni, ni vbavbatshi nya mafu niso sa matini nyi di sipwa satshavbo na si gu khiso: “Wuzundzo ni rungudzo, ni wufumu ni tshivba kala gupindruga ga wule a khadego vbagikhalotunu nya wufumu ni ga Nvutana.”

Gutuledwa 5:9

Ma di gu emba ndzimo nya yiphya, khayo: “U na ni fanelo nya gu hakhe libhuku ni gu namula sifungo saye, kholu u songidwe; khu novba wago, u dzegiside vathu nya mahundzu, malimi, mafumbu, ni mayigo yatshavbo. U gu va ningela ga Nungungulu.

Gutuledwa 7:12

“Amen! Rungudzo ni gidhumo ni guti ni gubonga ni wuzundzo ni wufumu ni tshivba sa gu lumba Nungungulu wathu kala gupindruga. Amen!”