Dzindzimo 96:4 - Bhibhiliya Nya Guage

⁴ Kholu Pfhumu Nungungulu khongolo fanede gu dhumiswa, fanede gu ningwa githawo guvbindra vanungungulu vatshavbo.

Dzindzimo 96:4 Iomraidhean Croise

2 Dzikoronika 2:4

Wona, nyi ngu vbweta guvbaha nyumba yi lumbago lina la Pfhumu Nungungulu wangu. Yi na khala nyumba nya miphaso, nyi vbisela umo libani mbeli Gwa Pfhumu, ni gu vega umo sibaba nya miphaso matshigu yatshavbo, ni miphaselo nya guvbiswe dzimindrudzile ni silambosile, khu dzisabhadho ni gumega nya ngima, ni mibuzo ya Pfhumu Nungungulu wathu; a gu fanelo nyamba vbela ya Israyeli.

Nehemiya 9:5

Aholu va na Levhi Jesuwa, Kadimiyeli, Bhani, Hasabhineya, Serebhiya, Bhani, Hodhiya, Sebhaniya ni Petaya va di ganela, khavo: “Khugani hi rungudza Pfhumu Nungungulu wathu, khu gupindruga kala gupindruga. Avo va di ganela, khavo: Li na bongwe lina lago li zundzegago, li kategidego ni guvbindra gudhumiswa gwatshavbo.”

Dzindzimo 145:3

Pfhumu Nungungulu khongolo, a na ni fanelo nya guzundzwe; wugulu waye kha wu kodzwi gu pimwa.

Dzindzimo 150:2

Mu dhumiseni khu sigiro saye nya tshivba; mu dhumiseni khu wugulu waye watshavbo.

Dzindzimo 18:3

Eni nyi di rana Pfhumu Nungungulu, a gu ni fanelo nya gurungudzwe, a na nyi vbanyisa ga valala vangu.

Dzindzimo 48:1

Pfhumu Nungungulu khongolo, a ngu yela gu rungudzwa ngudzu, dhoropani ga Nungungulu wathu.

Dzindzimo 66:3

Embelani esi Nungungulu, khenu: “Sigiro sago si ngu samadzisa ngudzu! Valala vago va gu ndrendremela mbeli gwago, kholu tshivba yago yikhongolo.

Dzindzimo 66:5

Deluni muta wona mithumo ya Nungungulu; wonani silo nya gusamadzise a giredego vathu.

Dzindzimo 76:7

Uwe wa gu goroga u ngu thisa, khu mani a tiyago gu ema mbeli gwago?

Dzindzimo 86:10

Kholu khuwe basi u gu Nungungulu, u gu khongolo, u girago siliwugiso!

Dzindzimo 89:7

Khu lisine Nungungulu a ngu thavisega tshanganoni nya sihathwa; a ngu thavisega guvbindra sivangwa satshavbo si mu randredego.

Dzindzimo 95:3

Kholu Pfhumu khuye Nungungulu nya khongolo; a ngu fumela vanungungulu vatshavbo a va pala khu wugulu.

Ekisodha 18:11

Olu nyi ngu dziti gukheni Pfhumu Nungungulu khongolo guvbindra vanungungulu vatshavbo, kholu a va phalalegiside ga esi va nga bani va dzi gugumugisa khiso ni dzihanyi.”

Jeremiya 5:22

Pfhumu Nungungulu a ngu ganela, khuye: Ina kha mu nyi thavi, gani? Ina kha mu ndrendremeli mbeli gwangu, gani? Kholu kheni nyi nga girago vbingano nya linene khu mafu, vbingano nya gukala gupindruga nyamba ndragwa. Ambari ma gu khusega mavimbi yaye li dzuma linene kha wu na ndragwa.

Dhaniyeli 2:47

Mufumeli a di embela Dhaniyeli, khuye: “Kha nyi kanakani nyi ngu tiyisa gukheni Nungungulu wanu, Nungungulu nya vanungungulu, ni Pfhumu nya vafumeli, khuye a tugulago iso si sihadego, kholu u kodzide gu nyi tshamusela sihalo yoyu.”

Luka 12:5

Nyi na mi yeyedza uye mu fanelago gu mu thava: Thavani wule a gu ni tshivba nya gusonge ni gu rinya phalani nya nilo. Oyu khuye nya gufanele gu mu thava.

Gutuledwa 15:4

Khu mani a na dzi kodzago gumba gu ninga githawo? Khu mani a na dzi kodzago gumba dhumisa lina lago? Kholu, khuwe basi u Agidego! Mayigo yatshavbo ma nata khidzima mbeli gwago, kholu gulamula gwago nya gululame, gu wonegide mahoni ga vathu vatshavbo.”

1 Samuweli 4:8

Libango lathu! Khu mani a na hi vbulugisago mandzani ga vanungungulu vava nya tshivba? Khavo vanungungulu vovo va nga bayisa Vagipiti khu mitungu yatshavbo nya guhambanelane giwulani.