Dzindzimo 96:3 - Bhibhiliya Nya Guage

³ Pwadzani wuzundzo waye vbakari nya mayigo, ni mithumo yaye nya guliwugise ga vathu vatshavbo.

Dzindzimo 96:3 Iomraidhean Croise

Dzindzimo 150:2

Mu dhumiseni khu sigiro saye nya tshivba; mu dhumiseni khu wugulu waye watshavbo.

Dzindzimo 22:27

Vathu va mafuni gwatshavbo va na muti Pfhumu Nungungulu va vbindrugedza avbo gwaye; mbeli gwaye mayigo yatshavbo ma na mu khozela.

Dzindzimo 57:9

Uwe Mune wangu, nyi na gu bonga vbakari nya mayigo; nyi na embelela dzindzimo nyi Gu dhumisa vbakari nya vathu nya mafumbu ni mafumbu.

Dzindzimo 9:2

Nyi na tsaka nyi nengela khu uwe, nyi na dhumisa lina lago khu dzindzimo, uwe u khusegidego vbatshani ngudzu.

Isaya 49:6

A di engedza gambe, khuye: “Kha gu eneli gu uwe u khale githumi gyangu basi, gasi gu wusedza mahundzu ya Jakobe, ni gu wuyisa avo va na vbulugago va Israyeli; nyi gu giride gambe wenengedzo nya guwenengedze va nya mayigo, gasi guvbanyisa gwangu gu vboha kala mahegiso nya litigo.”

Mikeya 4:2

Mayigo yatshavbo ma nata ma ta khayo: Hongoleni hi gwele gigomoni gya Pfhumu Nungungulu ni Nyumbani ga Nungungulu wa Jakobe, gasi a ta hi hevbudze dzindzila dzaye, ethu hi na landra sindzilana saye; kholu nayo wu na duga khu Siyoni, khu Jerusalema gu na duga magana ya Pfhumu Nungungulu.

Zakariya 9:10

Nyi na pfhungumula dzikareta nya nyimbi dza Efrayimi ni dzikavalu dza Jerusalema; wulaho nya nyimbi wu nata fanyeledzedwa. Uye a na huwelela gurula ga mayigo; mufumo waye wu na khugela yiphwa kala yimbe yiphwa; wu na khugela tsongoni wa Ewufrate kala mahegiso nya mafu.

Matewu 28:19

Khu kharato, indrani mu gimbila mu hevbudza mayigo yatshavbo, mu bhapatisa vathu khu lina la Babe, ni la Mwamana, ni la Liphuvbo nya Guage.

Luka 24:47

ni gupwani, khu lina laye, gu na hevbudzwa mayigoni gwatshavbo gu vbindrugedza mavbanyelo ni tsetselelo nya sighoho, gukhugela Jerusalema.