Dzindzimo 94:2 - Bhibhiliya Nya Guage

² Uwe u gu mulamuli nya litigo; khuga u ninga va nya matshandza tshatshazelo va fanedego gu yi hakha!

Dzindzimo 94:2 Iomraidhean Croise

Genesi 18:25

Ahihi, u nga alakanyi gu gira silo nya nga isoso; gu songa u mbembisa va nya gululama gumogo ni sighohi, muthu nya gululame ni gighohi u va gira idzosaye! Ni vbadugwana, u nga giri kharato! Ina mulamuli nya litigo latshavbo a na sindrwa khu gu lamula, gani?”

2 Dzikoronika 20:12

Oh, Pfhumu Nungungulu wathu! Ina kamwe khu na va lamula, gani? Kholu ethu hi mwalo tshivba nya gu dwane ni mwandra yoyu nya wukhongolo wutago guta hi dwanisa; olu ni gilo nya gugire kha hi giti; maho yathu ha gu ma vega mbeli gwago.”

Dzindzimo 31:23

Golani Pfhumu Nungungulu, enu mwatshavbo sihathwa saye. Pfhumu Nungungulu a ngu sayisa ava va tumbegidego, aholu a ngu tsayisa khu tshivba va nya matshandza.

Dzindzimo 50:6

Ndzadzini gu na tivisa gululama gwaye, kholu khuye mune Nungungulu a lamulago.

Dzindzimo 68:1

Nungungulu a gu khuga; va gu phalalega valala vaye; avo va mu nyenyago, va gu thava va tutuma mbeli gwaye.

Dzindzimo 7:6

Pfhumu Nungungulu, khuga u ema nu gorogide! Wuga nu tade khu likhulo, u dwana ni valala vangu; delu u ta nyi emela, gukhedza khu gulamula u gu vegisedego.

Dzindzimo 74:22

Wuga, uwe Nungungulu, u dwanela fanelo yago, dundruga idzo gipumbu gi gu valago khidzo gikhati gyatshavbo!

Dzindzimo 82:8

Uwe Nungungulu, khuga u lamula litigo, kholu mayigo yatshavbo ma gu lumba Uwe.

Isaya 10:12

Khu guralo, Pfhumu Nungungulu, avbo a na vbedzago thumo waye gigomoni ga Siyoni ni Jerusalema, a na tsayisa matshandza ni gu dzi khusedza ga mufumeli wa Asiriya;

Isaya 2:17

Khu litshigu lolo, vathu va dzi khusedzago va na thedwa dzitshoni, ni avo va dzi gugumugisago va na vbwasamiswa. Pfhumu Nungungulu khuye basi a na khusedzwago.

Isaya 37:23

Gasi khu mani u mu poyidego ni gu mu vala? Khu mani u mu khusedzedego lito ni maho yago nya gu dzi dandrise? U di girela Nyaguage wa Israyeli!

Isaya 37:29

Khu kotani nya likhulo u gu nalo ni Eni, ni matshandza yago ma litide kala dzindzeveni Gwangu, wona nya gukhuwe nyi na gu pola thonvu nyi gu thela khalo, nyi gu thela matomu kanani nyi gu bweledza khu ndzila u dzudego khiyo.

Mikeya 5:9

Gyandza gyago gi na khusedzwe vbatshani ga avo va gu wugelago, valala vago vatshavbo va na mbembiswa.

2 Vakorinto 5:10

Kholu hatshavbo hi na ema phathani ga Kristo, gasi moyo ni moyo a hakhe fanelo yaye, nya esi a nga si thuma nya sadi ambari nya guvivbe na nga gu vbanya givilini momu.

1 Pedro 5:5

Enu madzaha, yingisani vakhongolo. Thumelanani mwatshavbo khu gu dzi nogisa, kholu “Nungungulu a ngu vengana ni va nya gu dzi khusedza, aholu a ngu khusedza va nya gu dzi nogisa.”