Dzindzimo 94:10 - Bhibhiliya Nya Guage

¹⁰ Oyu a layago mayigo yatshavbo, ina kha na nga tsayisa, gani? Oyu a kavedzelago vathu guti ni gugengela, kha na nga siti, gani?

Dzindzimo 94:10 Iomraidhean Croise

Joba 28:28

A di embela muthu, khuye: Guthava Pfhumu Nungungulu khigyo giguga nya guti, guhambana ni silo nya guvivbe, gu mana mapimo.”

Joba 34:29

Aholu, Uye a gu degula, khu mani a na mu rwegago nandru? A gu siha khovbe yaye, khu mani a na mu wonago? Khu guralo, Uye a ngu fuma vathu gumogo ni mayigo.

Joba 35:11

uye a hi ningago mapimo guvbindra sirengo sa mafuni; bwelo khavbo a hi ninga guti guvbindra sinyoni sa damboni.

Dzindzimo 10:16

Pfhumu Nungungulu, a ngu fuma kala gupindruga; va nya mayigo va na tutumiswa tigoni gwaye.

Dzindzimo 119:66

Nyi hevbudze gwadi nayo nya wadi ni mapimo, kholu nyi ngu khodwa ga milayo yago.

Dzindzimo 149:7

gasi va phodze ga va nya mayigo ni gu tsayisa vathu;

Dzindzimo 44:2

Uwe khu mandza yago u tutumiside mayigo u fela gu emisa vababe vathu; u tshaniside mahundzu, gasi gu dandrisa vababe vathu.

Dzindzimo 9:5

U kawukide mayigo, u fuvisa vathu nya guvivbedwe khu monyo, u futide malina yawe kala gupindruga.

Mavingu 2:6

Kholu Pfhumu Nungungulu khuye a ningago guti, guti ni gupimisa sa gu dugela khavbo Gwaye.

Isaya 10:12

Khu guralo, Pfhumu Nungungulu, avbo a na vbedzago thumo waye gigomoni ga Siyoni ni Jerusalema, a na tsayisa matshandza ni gu dzi khusedza ga mufumeli wa Asiriya;

Isaya 2:3

Mafumbo nya mangi nya mayigo, ma nata ganela, khayo: Hongoleni hi gwele gigomoni ga Pfhumu, hiya Nyumbani ga Nungungulu wa Jakobe, gasi a hi hevbudze dzindzila dzaye, hi gimbila khu dzindzila dzaye, kholu, nayo wu na duga khu Siyoni, magana ya Pfhumu Nungungulu, ma na duga khu Jerusalema.

Isaya 28:26

Kholu Nungungulu waye a ngu mu hevbudza ni gu mu yeyedza esi a yelago gu gira.

Isaya 37:36

Khavbo avbo, Ngilozi ya Pfhumu Nungungulu yi diya sasela lizumbo la Vaasiriya, yi songa lizana ni livbandre na mararu magumi ni livbandre magumi (185000) mazana vathu; avbo vambe va nga wugago ni dzimindru, va dita va mana nari sirumbi.

Isaya 54:13

Sanana sago satshavbo, si na khala vapizane va Pfhumu Nungungulu; sanana sago si na mana gurula nya gukhongolo ngudzu.

Jeremiya 10:25

“Likhulo lago li vbaladze ga mayigo ma si gutigo, ni mafumbu ma si thavigo lina lago; kholu va hodzide Jakobe va mu midza, va pfhungumula wulanga a nga bani a vbanya avbo.”

Ezekiyeli 39:21

Nyi na nonedza wudhumo wangu vbakari ga va nya mayigo, ni vathu vatshavbo va na wona tsayiso nyi na gu wu resago ni gyandza gyangu nyi na gi handzegago vbatshani gwawe.

Amosi 3:2

Ga mafumbo yatshavbo ya mafuni, nyi hathide enu basi; khu guralo, nyi na mi tsayisa khu kotani nya guvivba gwanu gwatshavbo.

Habhakuka 1:12

Uwe Pfhumu Nungungulu wangu, Gihathwa gyangu, gasi khu khugeli guhegulani kala gupindruga, gani? Ethu gima kha hi na ngafa. Uwe Pfhumu Nungungulu, u va vegede gulamudwa, uwe u gu Giwindri gyathu u va emisede gutsayiswa.

Habhakuka 3:12

Avbo u nga goroga, u di gimbila tigoni gwatshavbo, khu giviti nya likhulo lago, u gandredzela mayigo.

Johane 6:45

Vaprofeti va lovide gukhavo: ‘Vatshavbo va na hevbudzwa khu Nungungulu.’ Muthu watshavbo a pwidego ni guhevbudzwa khu Babe, a nguta gwangu.