Dzindzimo 93:5 - Bhibhiliya Nya Guage

⁵ Milayo yago yi tumbegide ngudzu; nyumba yago Pfhumu Nungungulu yi fanede gu aga kala gupindruga!

Dzindzimo 93:5 Iomraidhean Croise

2 Dzikoronika 29:5

a va embela, khuye: Nyi yingiseni enu Valevhi! Olu dzi agiseni ni gu agisani gambe Nyumba ya Pfhumu Nungungulu wa vababe vanu; mu dusani wulangani nya guage silo nya gunyenyeze.

Dzindzimo 119:111

Milayo yago yi khade thomba yangu kala gupindruga, kholu yi ngu tsakisa monyo wangu.

Dzindzimo 119:129

Sileletelo sago si ngu samadzisa, khu guralo, nyi ngu si vegisa khu monyo wangu watshavbo.

Dzindzimo 119:138

U hi ningide sileletelo sago khu gululama, ni gutumbega nya gukhongolo.

Dzindzimo 119:144

Sileletelo sago si lulamide kala gupindruga, nyi ninge gu si pima, nyi na vbanya. Qof

Dzindzimo 29:2

Rungudzani wudhumo nya lina la Pfhumu Nungungulu, khozelani Pfhumu Nungungulu makhuvini gwaye nya guage.

Dzindzimo 99:5

Rungudzani Pfhumu Nungungulu wathu , khidzimani migondroni gwaye, kholu Uye agide.

Dzindzimo 99:9

Rungudzani Pfhumu Nungungulu wathu, mu khozeleni gigomoni gwaye nya gukatege! Kholu, Pfhumu Nungungulu wathu agide!

Ekisodha 28:36

U na pfhula libhareti nya ndralama nya guhutwe u khandra avbo milowo kha nga idzo gu girwago avbo nya dziphera, khuwe: “A phasedwego ga Pfhumu Nungungulu.”

Isaya 52:11

Dugani, dugani, khugani umomo! Mu nga kuhi ni gimwegyo gilo nya gunyenyeze. Dzi agiseni, mu duga vbakari gwaye, enu mu rwadego sombo sa Pfhumu Nungungulu.

Isaya 8:20

Nga khedzani umo nya Nayo ni wufakazi! Wa gumba ganela khu maganelelo yaya, vathu gima kha va na wona gugya.

Ezekiyeli 43:12

Nayo nya Nyumba ya Nungungulu, khowu: Dzitshokhani gwatshavbo nya gigomo, dzibambe gwaye gwatshavbo, gu na bani gu agide ngudzu. Oyu khu nayo nya Nyumba ya Nungungulu.

Levhi 10:3

Mosi a di embela Aroni, khuye: “Khiso esi a nga tivisago Pfhumu Nungungulu, gikhati a nga khuye: Nyi ngu wonegisa guaga gwangu ga vale va guromo vbafuvbi gwangu, ga vathu vatshavbo nyi ngu nonedza wudhumo wangu.” Aroni a di degula.

Levhi 19:2

“Ganela ga tshangano watshavbo nya sanana sa Israyeli, u va embela, khuwe: Agani, kholu Eni Pfhumu Nungungulu wanu nyi agide.

Matewu 24:35

Yi na vbindra ndzadzi ni mafu, aholu mahungu yangu gima kha ma na vbindra.

Johane 4:24

Nungungulu Liphuvbo, khu kharato, vakhozeli vaye gu vbwetega va mu khozela khu Liphuvbo ni lisine.”

Vahebheru 12:14

Vbanyani khu gurula ni vathu vatshavbo, mu dzi garadza khu gu vbanyela Pfhumuni, kholu nyamba gira kharalo, mwalo muthu a na gu wonago Pfhumu.

Gutuledwa 21:27

Dhoropani gakone gima kha gu na bela gilo nya gunyenyeze, ni vathu va girago guvivba ni malipha; aholu va na bela basi vale va lovidwego libhukuni nya womi la Nvutana.