Dzindzimo 93:1 - Bhibhiliya Nya Guage

¹ Pfhumu Nungungulu a ngu fuma! Ambade gungangamela, a fenengela tshivba. Tiyiside litigo wulangani gwaye, kha li dzi kodzi gu kutsungwa.

Dzindzimo 93:1 Iomraidhean Croise

1 Dzikoronika 16:30

Enu mayigo ndrendremelani mbeli gwaye, kholu uye tiyiside litigo, gasi li si tsekatseki.

1 Dzikoronika 16:31

Gu na nengele ndzadzini, mafuni gu na kulungele; va na ganele vbakari nya mayigo, khavo: Pfhumu Nungungulu a ngu fuma.

1 Dzikoronika 29:12

Dzithomba ni wudhumo sa guta khu mbeli gwago, Uwe U ngu fuma satshavbo, mandzani gwago yomo tshivba ni wufumu; khuwe basi U ningago wugulu ni gu ninga tshivba silo satshavbo.

Joba 40:10

Dzi ambagise khu wugulu ni wudhumo, u ambala gungangamela ni wuzundzo.

Dzindzimo 103:19

Pfhumu Nungungulu tiyiside gikhalo nya wufumu Waye Ndzadzini, wufumu waye womo vbatshani nya silo satshavbo.

Dzindzimo 145:13

Mufumo wago wu ngu simama kala gupindruga, Uwe u na fumela mimela ni mimelana yatshavbo, Pfhumu Nungungulu tumbegide gikhati gyatshavbo, a gu gira mithumo yaye yatshavbo khu lihaladzo.

Dzindzimo 18:32

Uye khuye Nungungulu a nyi ambagisago tshivba, khuye a lulamisago ndzila yangu.

Dzindzimo 59:13

Va vbedze, va fuvise khu likhulo lago! Gasi va fuve tigoni khavbo va na dzitigo gukhavo Khu Nungungulu a fumago Israyeli, wufumu waye wu ngu enedza litigo latshavbo!

Dzindzimo 65:6

Uwe u ngu tiyisa sigomo, khu wugulu nya tshivba yago.

Dzindzimo 65:7

Uwe u ngu degudza ligwaha nya linene, ni mavimbi yaye, u vbedza ligwaha la vathu va tigoni.

Dzindzimo 75:3

Li na ndrendremele litigo ni vathu va vbanyago umo, ambari khu guralo, nyi nga na gu tiyisa madingo yaye.

Dzindzimo 96:10

Ganelani vbakari nya mayigo, khenu: “Pfhumu Nungungulu a ngu fuma.” A ngu tiyisa litigo, ilo kha li khuyugi, a ngu lamula mayigo khu gululama.

Dzindzimo 97:1

Pfhumu Nungungulu a ngu fuma. Li na kulungele litigo, gu na nengele talo nya sidwa.

Dzindzimo 99:1

Pfhumu Nungungulu a ngu fuma! Ma na ndrendremele mayigo. Khade vbatshani nya dzikerubhimi li ngu khuyuga litigo.

Isaya 11:5

Gululama gu na bani guri gutiya gwaye, gutumbega gu na bani guri libhandri la giwununi gwaye.

Isaya 45:12

Kheni nyi vangidego mafu nyi bwelo khavbo nyi vanga muthu, a vbanya umo; nyi thawuludzide ndzadzini khu mandza yangu, nyi ninga nayo mabutho yaye yatshavbo.

Isaya 45:18

Kholu Pfhumu Nungungulu, oyu a vangidego ndzadzini, Nungungulu a wumbidego litigo ni gu li gira, uye a li tiyiside, kha li gira nari liphanga; aholu a di li girela gukhuye li khala wulanga nya gu vathu va khala umo, a ngu ganela kharati, khuye: Eni kheni Pfhumu Nungungulu, mwalo mumbe.

Isaya 49:8

Pfhumu Nungungulu a ngu engedza a ganela kharati, khuye: Khu gikhati gi vbwetegago, nyi gu yingiside, khu litshigu nya guvbanyise nyi gu phaside, nyi gu sayisa u khala uwe gidzumeledzwano ni vathu, gasi u wusedza litigo, ni gu va kavedzela dzithomba dzi ghohetedwego;

Isaya 51:16

Nyi ngu thela magana yangu kanani gwago, nyi na gu siha mutsani nya gyandza gyangu. Eni nyi na ladza ndzadzini nya guphya, ni gu tsitsa giseketelo nya litigo nya liphya, ni gu embela Siyoni, kheni: “Enu mu vathu vangu.”

Isaya 51:9

Khendzuga! Khendzuga! Ambala tshivba yago; uwe gyandza gya Pfhumu Nungungulu. Khuga u ema u gira gu fanana ni iso u giridego matshigu ya gale, ga mimelana ya gale. Gasi khandri uwe u vetidego Egipito ni gu bayisa mwamilambo, gani?

Isaya 52:7

Edzi yi mburidego khidzo sigomoni migondro ya vale va tivisago mahungu nya yadi nya maphya, va pwadzago gurula; va tivisa silo nya sadi nya gutsakise si pwadzago guvbanyisa, oyu a embelago Siyoni, khuye: “Nungungulu wago a ngu fuma!”

Isaya 59:17

A di ambala wululami gukhwatshi gikatawu nya gikete, ni gupala kha nga gihugu nya gu dzi vbanyise hungoni gwaye; bwelo khavbo a ambala guambala nya guphodze, a ambala guvbisega, gukhwatshi libhadzi.

Isaya 63:1

Khu mani muthu yoyu atago khu dhoropani ga Bhozira, tsindza wa Edhomi, na ambade dzingandzu nya gufuvile? Oyu a ambadego dzingandzu nya wuzundzo a gimbilago na tade khu tshivba yaye nya yikhongolo? Kheni oyu nyi ganelago khu gululama, na nyiri ni tshivba nya guvbanyise.

Matewu 6:13

U nga hi digi hi gu thega mugusengwani, aholu hi vbulugise guvivbani.’ Khwago mufumo ni tshivba ni wudhumo kala gupindruga. Amen.

Vahebheru 1:8

Aholu, na gu thula Mwamana, a di khuye: “Uwe u Nungungulu, mufumo wago wu na simama kala gupindruga. U ngu fumela litigo lago khu gululama.

Gutuledwa 19:6

Nyi dipwa gambe nga lito nya likhongolo nya talo nya vathu, nga gudzuma nya talo nya mati, nga gudzuma nya libara, na va gukhavo: “Aleluya! Kholu Pfhumu, Nungungulu wathu nya Tshivba Yatshavbo a ngu fuma!