Dzindzimo 91:2 - Bhibhiliya Nya Guage

² a na rungudza Pfhumu Nungungulu, khuye: Uwe Nungungulu wangu, u wuthavelo wangu, u likhokhola langu, U Nungungulu wangu nya gu gutumbe.

Dzindzimo 91:2 Iomraidhean Croise

Genesi 17:7

Nyi na hunga gidzumeledzwano nago ni situgulwana sago gambe khu mimela ni mimelana; wu na khala pwanano kala gupindruga; khu tshivba nya pwanano wowu, Eni nyi na khala Nungungulu wago ni Nungungulu wa situgulwana sago.

Dzindzimo 14:6

Enu mu zamago gu sega wusingalagadzi nya sisiwana, dzitini gukhenu Pfhumu Nungungulu khuye wuthavelo wawe.

Dzindzimo 142:5

Nyi di rana uwe Pfhumu Nungungulu, kheni: “Uwe khuwe wuthavelo wangu; khuwe thomba yangu tigoni nya vathu va vbanyago.

Dzindzimo 142:6

Yingisa gulila gwangu, nyi mwalo gambe tshivba; nyi vbulugise ga avo va nyi tshanisago, kholu va ngu nyi pala khu tshivba.

Dzindzimo 18:2

Pfhumu Nungungulu, givhikelo gyangu, likhokhola langu, mudzegisi wangu; nyi ngu thavela gwaye, muvhikeli wangu, gitshangu ni tshivba nya guvbanyiswe gwangu, langwe yangu nya gutiye, wuthavelo wangu.

Dzindzimo 18:3

Eni nyi di rana Pfhumu Nungungulu, a gu ni fanelo nya gurungudzwe, a na nyi vbanyisa ga valala vangu.

Dzindzimo 25:2

Nungungulu wangu, eni nya gu tumba uwe, nyi nga khali dzitshoni, valala vangu va nga nyi pali.

Dzindzimo 31:15

Matshigu yangu momo mandzani gwago; nyi tshule mandzani ya valala ni vatshanisi vangu.

Dzindzimo 43:4

Khu guralo, nyi na gwela giluvelotunu ga Nungungulu, ga Nungungulu, a gu gunengela gwangu nya gukhongolo; nyi na gu kulungela na nyi gu womba mihwambi, uwe Nungungulu, Nungungulu wangu.

Dzindzimo 46:1

Nungungulu wuthavelo ni likhokhola lathu, muphasedzeli vbakari nya dzimhango.

Dzindzimo 46:2

Khu guralo, kha hi thavi ambari la gu tsekatseka litigo, ni gu siguledwa sigomo si dzamiswa phwani;

Dzindzimo 48:14

Oyu khu Nungungulu, khuye Nungungulu wathu kala gupindruga; khuye a na hi endredzago kala gufa.

Dzindzimo 61:5

Uwe U Nungungulu wangu, u yingiside sisambanyo sangu, U nyi ningide thomba yi lumbago vale va thavago lina lago.

Dzindzimo 71:3

Khala uwe giwindri nya wuthavelo wangu u gi dongisedego gasi nyi sayisega ga igyo; u rumede gukhuwe nyi vbanyiswa, kholu khuwe giwindri nya likhokhola langu.

Dzindzimo 91:9

Kholu khu lisine, Pfhumu Nungungulu wuthavelo wangu. U dzi hathede wulanga ga oyu a Khusegidego ngudzu.

Mavingu 18:10

Lina la Pfhumu Nungungulu likhokhola li tiyidego va sihalago avbo vathu nya gululame.

Isaya 12:2

Wona nya gukhuwe, Nungungulu muvbanyisi wangu; nyi na mu tumba nyi si thavi gilo, kholu, Pfhumu Nungungulu khuye tshivba yangu ni ndzimo yangu; uye khade muvbanyisi wangu.

Jeremiya 31:1

Khu gikhati gile, a ngu ganela Pfhumu Nungungulu, khuye: “Eni nyi na khala Nungungulu nya mahundzu yatshavbo ya na Israyeli, gasi avo va na khala vathu vangu.”

Luka 20:38

Khu kharato, khandri Nungungulu nya vafi, aholu, nya vathu va vbanyago. Kholu ga Nungungulu vatshavbo va ngu vbanya.”

Vahebheru 11:16

Aholu, avo va di vbweta litigo nya ladi ngudzu, litigo la ndzadzini. Nungungulu kha khali dzitshoni gu ranwa pwani Nungungulu wawe, kholu khuye a va dongisedego lidhoropa.