Dzindzimo 90:8 - Bhibhiliya Nya Guage

⁸ U vegide sighoho sathu mbeli gwago, u ngu vega guwonegelani sighoho hi giridego gusihalani.

Dzindzimo 90:8 Iomraidhean Croise

Joba 10:14

Nya gu ghoha, u ngu nyi wona; aholu khu tsetseleli gighoho gyangu.

Joba 34:21

Maho ya Nungungulu ma gu wona magimbilelo nya vathu; a khedza gambe ni migondro yawe yatshavbo.

Dzindzimo 10:11

A ganela khu monyoni gwaye, khuye: “Nungungulu a si divade, fenengedzide khovbe gima kha na wona gilo.”

Dzindzimo 109:15

Guvivba nya siwono sawe gu na wonege mbeli ga Pfhumu Nungungulu, aholu Nungungulu a na fuvise lihundzu laye mafuni.

Dzindzimo 19:12

Khu mani a kodzago gu tugula abune sihoso saye? Nyi handze siwono si sihadego!

Dzindzimo 50:21

U giride silo sesi, aholu eni nyi di degula; u di gu pimisa gukhuwe eni nya gufanane nago; aholu eni nyi na gu lamula nyi gu ninga nandru.

Dzindzimo 80:16

Valala vathu va li kokide va li vbisa. Wona vathu vava, u va mbembisa khu likhulo lago.

Mavingu 5:21

Pfhumu Nungungulu gikhati gyatshavbo a gu khevisela dzindzila nya muthu a mu khedza gwadi ni magimbilelo yaye.

Muhevbudzi 12:14

Nungungulu a na lamula mithumo yatshavbo, ni satshavbo si sihadego, iso nya sadi niso nyamba sadi.

Jeremiya 16:17

Kholu maho yangu ma ronogede dzindzilani gwawe gwatshavbo mu dzi wonago; ni sighoho sawe satshavbo kha si sihali mahoni gwangu.

Jeremiya 2:22

Ambari mwa gu hamba khu levbini lifumbu nya sabawu, noda nya sighoho sanu kha yi na futega; A ngu ganela Pfhumu Nungungulu.

Jeremiya 23:24

Mwa gu alakanya gukhenu womo muthu a dzi kodzago gu sihala nyamba mu wona eni, gani? A ngu ganela Pfhumu Nungungulu, khuye: Ina kha mu dziti nya gukhenu eni nyi womo malangani yatshavbo ndzadzini ni mafuni, gani?

Ezekiyeli 8:12

Pfhumu Nungungulu a di nyi embela, khuye: “Mwamana wa muthu, u si wone iso madhota ya Israyeli ma girago mugidemani, moyo ni moyo na guromo nyumbani gwaye nya gulovetedwe khu sifananiso, gani? Na va gu ganela, khavo: Pfhumu Nungungulu kha hi woni; Uye dugide tigoni momu.”

Levhi 4:23

Avbo gi na tugudwago gighoho a giridego, a na resa nyamabhongwe nyamba hasa gasi gu gira khuye phaso.

Levhi 4:28

A gu tugudziswa gighoho a giridego, a na resa mhamba nya phongo nya ngadzi nyamba hasa, gasi gu handzwa gighoho a giridego.

Varoma 2:16

Gu na girega kharati litshigu Nungungulu a natago a ta lamula mithumo nya gusihale ya muthu ni muthu khu Jesu Kristo, kha nga edzi yi hi hevbudzago khidzo Ivhangeli nyi mi tivisago.

1 Vakorinto 4:5

Khavbo avbo, mu nga tutumeli gu lamula gi si gu vbohi gikhati. Virelani Pfhumu a wuye. Uye khuye a nata wenengedzago esi si sihadego gidemani, ni gu funungula esi si sihadego myonyoni nya vathu. Khavbo avbo, muthu ni muthu a na ningwa khu Nungungulu wuzundzo wu mu fanelago.

1 Johane 3:20

Kholu, myonyo yathu ya gu hi kona, hi ngu dziti nya gukhethu Nungungulu khongolo guvbindra myonyo yathu, a nguti satshavbo.

Gutuledwa 20:12

Nyi di wona va nya gufa, vakhongolo ni sanana, va na emide mbeli nya gikhalo nya wufumu. Ma di tudwa mabhuku. Li tudwa gambe libhuku nya womi. Vafi va di lamudwa nga idzo gu nga bani gu lovidwe khidzo mabhukuni, gupima khu mithumo yawe.