Dzindzimo 90:12 - Bhibhiliya Nya Guage

¹² Hi hevbudze gusaya matshigu nya guvbanye gwathu, gasi myonyo yathu yi mana guti.

Dzindzimo 90:12 Iomraidhean Croise

Joba 28:28

A di embela muthu, khuye: Guthava Pfhumu Nungungulu khigyo giguga nya guti, guhambana ni silo nya guvivbe, gu mana mapimo.”

Dzindzimo 39:4

“Pfhumu Nungungulu, nyi nonedze mahegiso yangu, ni pimo nya matshigu yangu, nyi fela gu pima gurola nya guvbanye gwangu.

Dzindzimo 39:5

U giride matshigu yangu kha nga guanama nya gyandza; matshigu nya guvbanye gwangu khandri gilo mbeli gwago. Muthu watshavbo a khugago a ema, a gu fanana ni gufurugedza nya liphuvbo,

Mavingu 16:16

Gu mana guti guvbindra gu mana ndralama, ni gu mana mapimo, guvbindra gu mana parata.

Mavingu 22:17

Demba ndzeve u yingisa magana ya va nya guti, vegedza monyoni sihevbudzo nyi gu hevbudzago.

Mavingu 23:12

Dzi garadze khu gu yingisa sileletelo, demba ndzeve u yingisa magana nya guti.

Mavingu 23:23

Renga lisine, u nga li rengisi; renga guti, sihevbulo ni mapimo.

Mavingu 4:5

Dzi vbwetele guti, u dzi vbwetela mapimo, u nga divali ambari guhambana ni magana yangu.

Mavingu 4:7

Guti gilo nya guphele, gu gole, zama khu satshavbo u gu naso gasi u mane wugengeli.

Muhevbudzi 7:2

I tshukwana gu tutumela nyumbani nya gililo, guvbindra nyumbani nya buzo. Kholu avbovbo khavbo a gu mahegiso nya muthu; ni vale va vbanyago va fanede gu pimisa.

Muhevbudzi 9:10

Satshavbo u si kodzago gu si thuma khu mandza yago, si thume khidzo u dzi kodzago khidzo, kholu phalani nya vafi u hongolago umo, gu mwalo thumo, makungo, mapimo, ambari wugengeli nya gukari.

Johane 9:4

Nyi fanede gu gira mithumo ya uye a nyi rumedego na gu ngari mihani; wu nguta wutshigu, avbo muthu a si kodzigo guthuma.

Dhewuteronome 32:29

Naripwani avo va diri vathu nya guti, na va si pimide, va di hadza gu alakanya mahegiso yawe.