Dzindzimo 90:10 - Bhibhiliya Nya Guage

¹⁰ Matshigu nya guvbanye gwathu ma gu dingana livbandre na mavili magumi (70), avo va gu ni tshivba va gu vbohisa livbandre na mararu magumi (80), aholu myaga yoyo yi tade khu sigaradzo ni gu tshaniseka, ya gu vbindra khu guvbiredza, ethu hi mwalalega.

Dzindzimo 90:10 Iomraidhean Croise

Genesi 47:9

Jakobe a di hakha, khuye: “Tengo nya myaga nya lendro langu, lizana ni magumararu (130) myaga. Gikhati nya myaga nya guvbanye gwangu gi rode gambe gi tade khu gutshaniseka, kha gi ningani ni myaga nya guvbanye ga vababe vangu, matshiguni nya guendre gwawe.”

Genesi 6:3

Pfhumu Nungungulu a di ganela, khuye: “Liphuvbo langu kha li na simama gu khala kala gupindruga ga vathu. Uye nyama, a na ni tumbunugo nya gufe, guvbanya gwaye kha gu na lapha guvbindra lizana ni magumavili myaga.”

2 Samuweli 19:35

Olu eni muhuno nyi gu na ni livbandre na mararu magumi myaga, ina nyi ngu kodza gu hambanisa iso nya sadi niso nya guvivbe, gani? Eni githumi gyago nyi nga kodza gupwa gutshamba iso nyi na hodzago ni gu sela, gani? Ina nyi na kodza gambe gupwa malito ya vaembeleli nya vama ni vanyamayi, gani? Khu ginani nyi na girelago gilemedzo ga mufumeli ni mune wangu?

2 Samuweli 19:36

Githumi gyago gi nga gu bangaladza gambe vbadugwana kala tshatugo wa Joridhani; khu ginani mufumeli u nyi ningago tshatshazelo nya nga iyoyo?

1 Dzipfhumu 1:1

Avbo Dhavhidhe, a nga bani a gumbide ngudzu, nari ni matshigu nya gutale, va di mu fenengedza khu myendra, aholu uye a di si furumeli.

Joba 14:10

Gasi muthu a gufa a vbeledwa khu tshivba, gu duga hefemulo waye, gasi a guya hayi?

Joba 20:8

A na vbuvba kha nga ndroro, a si manwi gambe, a mwalalega kha nga giwoniso nya ligovbe.

Joba 24:24

Va gu khusedzwa gikhatinyana va bwelo khavbo, va vbwasamiswa; va theswa, va duswa nga vambe, va pidwa mihungo nga giledzu nya sivbila.

Joba 5:7

Aholu muthu velegedwe sigaradzo, kha nga dzitshahe dzi pirigago niloni dzi vbuvba dziya vbatshani.

Dzindzimo 78:39

A di alakanya gukhuye vathu va wumbidwego khu nyama, a va gira kha nga phuvbo yi vbindrago nyamba wuya gambe.

Isaya 38:12

Nyi dzegedwe womi wangu wu yiswa hwindzo ni eni, gu fanana ni tshatsha wa vahavisi wu sigudwago va rura; nyi fanana ni mulugi a gu vbedza thumo waye, a pilelago dzitshokha nya dzingodzi; womi wangu wa gu pidwa kharato litshigu latshavbo, wu vbela na gu si khali wutshigu.

Levhi 27:7

Gukhugela livbandre na limwedo magumi myaga guya mbeli, a gu bani nari mwama, pimo waye wu na bani nari wa likhumi na livbandre dzisekeli, a gu bani ari nyamayi, likhumi dzisekeli.

Luka 12:20

Aholu Nungungulu a di mu embela, khuye: ‘Gipumbu gikhongolowe! Wutshigu wa muhuno va na gu dzegela hefemulo wago. Esi u nga vegedzelago si na tshalela mani?’

Dhewuteronome 34:7

Mosi fude nari lizana ni magumavili (120) myaga; aholu maho yaye gima kha ma nga vbela tshivba ni tshivba yaye kha ya nga vbunguga gilo.

Jakobe 4:14

Enu kha mu dziti gukhenu mu na wuga kharini mindru! Kholu womi wu khade kha nga hunguva yi dugago khu guvbiredza, yi vbindra nyamba hwela.

Josuwa 14:11

Ni olu nyi nga gu dzipwa na nyi tiyide, gukhwatshi khu litshigu lile nyi nga rumwa khu Mosi guya holelela litigo; nyi ngari ni tshivba nya guye nyimbitunu guya dwana, guhongola ni guwuya.