Dzindzimo 9:17 - Bhibhiliya Nya Guage

¹⁷ Va nya guvivbedwa khu monyo, va na dzudzugwa phalani nya vafi, gumogo ni vathu vatshavbo va si khathaligo khu Nungungulu.

Dzindzimo 9:17 Iomraidhean Croise

Joba 5:13

A gu mola va nya gugengela khu mano yawe, a phalalegisa makungo ya va nya guvivbedwa khu monyo khu guvbiredza.

Joba 8:13

Khidzo kharati dzindzila dza vatshavbo vale va si khathaligo khu Nungungulu; gya gufa kharati gitumbo gya va nya guvivbedwa khu monyo.

Dzindzimo 106:13

Aholu kha va hwela gu divala sigiro saye, kha va virela gu wona mahegiso nya gisambanyo gyaye.

Dzindzimo 44:17

Satshavbo sesi si dugelede, aholu kha hi gu divali, ambari gu yeyisa gidzumeledzwano gyago.

Dzindzimo 44:20

Naripwani hi di divala lina la Nungungulu wathu, hi khusedza mandza hi lombelela ga nungungulu nya mayigo,

Dzindzimo 49:14

Va gu fanana ni dzinvuta dzi dongisedwago lithowo; muhavisi wawe khu lufu, va na vbiredza gu relela thowoni avbo givili gyawe gi na guya tsagudzedwa; avo va na vbanyela thowoni.

Dzindzimo 50:22

Khu guralo, pimisani esi, enu mu divalago Nungungulu, gasi nyi si mi vbadzuleli, mu hamuga ni muthu nya gu mu vbulugise.

Mavingu 14:32

Muthu nya guvivbedwe khu monyo, a na theswa khu mithumo yaye, aholu muthu nya gululame ambari na gu fude a na ni gitumbo.

Mavingu 5:22

Muthu nya guvivbe a na modwa khu nandru waye, a hungwa khu ngodzi nya sighoho saye.

Isaya 3:11

Libango ga va nya guvivbedwa khu monyo! Kholu, va na thegedwa khu mhango! Va na hakha tshatshazelo nya esi va yadego khu mandza yawe.

Isaya 5:14

Khidzo kharato, lithowo li engedzedego gulodza magwaha li hama likana gasi gu midza wuzundzo wa Jerusalema, gumogo ni gidzemo gi girago ligwaha, ni vatshavbo va tsakago.

Jeremiya 13:25

Khigyo egi giavelo gyago, gipandre u na pimedwago kheni, a ngu ganela Pfhumu Nungungulu; kholu u di divaledwa kheni, u tumba vanungungulu nya malipha.

Jeremiya 18:15

Kholu vathu vangu va nyi divade, vaya vbisela libani vanungungulu nya sifananiso; si va tshunganisa ndzilani gwawe va thega va diga ndzila yawe ya gale, gasi va ndreya va gimbila khu dzindzila dza khabini nyamba lulama;

Jeremiya 2:32

Ina yomo mbiri yi divaledwago khu dziphera nya gu dzi mburisele, mwendro khundzwa yi divaledwago khu keka waye, gani? Aholu vathu vangu va nyi divade, khu gipandre nya matshigu nyambana tengo.

Jeremiya 3:21

Gupwala dzihuwa sigomoni nya gulaphe; gililo gya va na Israyeli va lombago gu divaledwa ni gu pwedwa wuhindzi; kholu va nga diga Pfhumu Nungungulu wawe, va landra yimbe ndzila.

Ezekiyeli 22:16

U na dzi nyenyezisa wabune mbeli ga mambe mayigo, u na dziti nya gukhuwe Eni kheni Pfhumu Nungungulu.”

Hoseya 2:13

Nyi na fuvisa gutsaka gwaye gwatshavbo, ni mibuzo yaye, nya Gumege nya Ngima, nya dzisabhadho, ni yatshavbo mibuzo yaye.

Gutuledwa 20:15

Tsivani momo va di rinywa vatshavbo vathu va nga bani va sa lowa malina yawe omu nya libhuku nya womi.

Gutuledwa 21:8

Gasi va nya wugara, ni mahedheni, ni sighohi, ni sighevenga, ni sibhayi, ni dzindroyi, ni va nya malipha, va nya wunyanga, vatshavbo va dongisedwe wulanga wawe tsivani nya nilo ni solufa, a gu gufa nya wuvili.”