Dzindzimo 86:9 - Bhibhiliya Nya Guage

⁹ Mifumo yatshavbo u yi giridego yi nata khidzima mbeli gwago uwe Pfhumu, yi na dhumisa lina lago.

Dzindzimo 86:9 Iomraidhean Croise

2 Dzikoronika 6:33

khu guralo, Uwe nuri khu wulangani gwago U khalago avbo, ndzadzini yoyo, yingisa, U gira satshavbo esi va nya mayigo va si lombago avbo gwago, gasi mafumbu yatshavbo ya mafuni mati lina lago ni gu Gu ninga githawo, kha nga vathu vago va na Israyeli; va dziti nya gukhavo khu lina lago nya tshivba, vathu vatshavbo va ngu ranwa nyumbani momu nyi gu vbahedego.

Dzindzimo 102:15

Mahundzu yatshavbo ya mafuni, ma na rungudza lina la Pfhumu Nungungulu, ni vafumeli vatshavbo va mafuni va na dhumisa wugulu waye.

Dzindzimo 102:18

Satshavbo sesi si na lovedwe situgulwana si nga gutago, gasi vathu va na velegwago hwane va dhumisa Pfhumu Nungungulu.

Dzindzimo 66:4

Vathu vatshavbo va tigoni va ngu gu khozela, va emba dzindzimo nya gurungudze lina lago.”

Dzindzimo 67:7

Nungungulu a na hi kategise, mafuni gwatshavbo va na gu ninge githawo.

Dzindzimo 72:19

Lina laye nya wudhumo, li na simame kala gupindruga, wudhumo waye wu na tadze litigo latshavbo! Amen! Amen!

Dzindzimo 72:8

Mufumo waye wu na khugele linene kala linene, gukhugela tsongoni wa Ewufrate, kala mahegiso nya litigo.

Isaya 11:9

Malangani yatshavbo ya gigomoni gwangu nya gukatege, kha gu na manega guvivba mwendro gusongana, kholu litigo latshavbo li na tala khu guti gwa Pfhumu Nungungulu, kha nga mati ma tadzago yiphwa.

Isaya 43:7

kholu vatshavbo va ranwago khu lina langu, avo nyi va vangidego gasi va khala wudhumo wangu, kheni nyi va wumbidego nyi bwelo khavbo nyi va gira.”

Isaya 59:19

Khu guralo, gukhugela Muhwadambo, vathu va na ninga githawo lina la Pfhumu Nungungulu, gukhugela Khugadambo, va na ninga githawo wudhumo waye, avbo nala a tago kha nga mati ma khulungago khu tshivba, Liphuvbo la Pfhumu Nungungulu li na mu tutumisa.

Isaya 66:23

Khu guralo, gumegani nya ngima ni ngima, ni Sabhadho ni Sabhadho, vathu vatshavbo va nata va ta nyi khozela, a ngu ganela Pfhumu Nungungulu.

Sofoniya 3:9

Khu kharato, nyi na agisa magana nya mayigo, gasi vathu vatshavbo va kodze gu rana lina la Pfhumu Nungungulu, ni gu mu thumela khu monyo moyo.

Zakariya 14:9

Pfhumu Nungungulu a na bani ari uye Pfhumu nya litigo latshavbo; litshigu lolo, Pfhumu Nungungulu a na bani ari moyo basi, ni lina laye li na bani liri ilo longa basi.

Malakiya 1:11

Aholu gukhugela Khugadambo kala Muhwadambo. Lina langu likhongolo ngudzu vbakari nya mayigo; malangani gwatshavbo va ngu nyi rungudza, va vbisa libani khu lina langu, va nyi girela miphaso yi agidego, kholu lina langu likhongolo vbakari nya mayigo, a ngu ganela Pfhumu Nungungulu nya Tshivba Yatshavbo.

Varoma 11:25

Vandruye, kha nyi vbweti gukheni mu hangwe khu sihalo yoyu, gasi mu si dzi randri va nya guti. Guganedza ga vathu va na Israyeli kha gu na pindruga gikhati nya gulaphe, aholu gu na simama kala mayigo yatshavbo ma vbindrugedza ma khodwa ga Nungungulu.

Varoma 15:9

Gasi va nya mayigo va kodze navo gu rungudza Nungungulu khu kotani nya wuhindzi waye, kha nga gu lovidwego umo nya Milowo nya Guage, pwani: “Khu kharato, nyi na gu rungudza vbakari nya mambe mahundzu, Nungungulu wangu, nyi na embelela wudhumo wago.” Gu lovidwe gambe, pwani:

Vaefeso 1:12

Kharati, ethu, gukhugela guhegulani, hi vegidego gitumbo gyathu ga Kristo, hi na embelela wudhumo waye.

1 Pedro 2:9

Aholu, enu mu lifumbu li hathidwego, mu vaphasi va Pfhumu, mu lihundzu li agisedwego Nungungulu, mu vathu mu lumbago uye. Enu mu hathidwe gasi mu huwelela tshivba ya Nungungulu, a mi ranidego mu duga gidemani, muta wenengedzoni gwaye nya gusamadzise.

Gutuledwa 11:15

Ngilozi nya livbandre na dzimbili yi di womba pundru. Khavbo avbo, gu di pwala ndzadzini na va gu kulungela khu tshivba, khavo: “Olu, Mufumo nya litigo wa gu lumba Pfhumu yathu, ni Kristo a na fumago kala gupindruga nya gupindruge.”

Gutuledwa 15:4

Khu mani a na dzi kodzago gumba gu ninga githawo? Khu mani a na dzi kodzago gumba dhumisa lina lago? Kholu, khuwe basi u Agidego! Mayigo yatshavbo ma nata khidzima mbeli gwago, kholu gulamula gwago nya gululame, gu wonegide mahoni ga vathu vatshavbo.”

Gutuledwa 20:3

Yi di mu rinya phalani nya guete yi mu segela, yi vega gifungo khu vbatshani gasi a si pengisi gambe mayigo kala gu enela likhumi mazana (1.000) myaga. Hwane nya myaga yoyo a na tshudwa gikhatinyana.