Dzindzimo 86:5 - Bhibhiliya Nya Guage

⁵ Kholu uwe Pfhumu, u wadi u ngu tsetselela; u ngu hakha khu mandza mavili vatshavbo va gu khozelago.

Dzindzimo 86:5 Iomraidhean Croise

Nehemiya 9:17

Va di bomba gu gu yingisa, va si alakanyi gambe siliwugiso U giridego vbakari gwawe, va di bangisa mihungo yawe, khu guyeyisa gwawe, va di dzi hathela muthu gasi a va thangela gu bwelela wugumbitunu, aholu uwe, U Nungungulu U dzi emisedego gu tsetselela, na wuri ni wuhigo, nu tade khu wuhindzi, U hwelago gu goroga na wu tade khu wuhindzi, khu guralo, Uwe khwa va pfhuralela.

Dzindzimo 103:3

Khuye a gu tsetselelago siwono sago satshavbo; ni gu gu hawulugisa madwali yago yatshavbo.

Dzindzimo 103:8

Pfhumu Nungungulu a na ni wuhigo ni wuwadi a ngu timisela na tade khu lihaladzo.

Dzindzimo 119:68

Uwe U wadi u ngu gira nya sadi, nyi hevbudze gupima sileletelo sago.

Dzindzimo 130:4

Aholu avbo gwago u ngu kodza gu divalela avo va gu ningago githawo.

Dzindzimo 130:7

Israyeli a gu lirela Pfhumu Nungungulu, kholu, ga Pfhumu Nungungulu womo wuhindzi; a ngu hi vbulugisa dzimhango nya gutale.

Dzindzimo 145:18

Pfhumu Nungungulu womo vbafuvbi ni vatshavbo va mu ranago, ni ga vatshavbo va mu lombago khu lisine.

Dzindzimo 25:8

Pfhumu Nungungulu khwadi, gambe lulamide, khu guralo, a ngu nonedza ndzila sighohi.

Dzindzimo 36:7

Oh, Pfhumu Nungungulu, lihaladzo lago li ngu tsakisa ngudzu! Khu magirelo yoyo, mutsani nya mambapi yago va nguta sihala umo vathu.

Dzindzimo 50:15

Nyi rane litshigu nya sigaradzo; eni nyi na gu vbanyisa, uwe u na nyi dhumisa.”

Dzindzimo 52:1

Khu ginani u dzi zundza khu mithumo yago nya guvivbe, uwe u gu ni tshivba? Kholu wuwadi wa Nungungulu wu ngu simama kala gupindruga.

Dzindzimo 69:14

nyi vbulugise maragani, gasi nyi si dzami; nyi vbulugise ga avo va nyi vengago, u nyi nula guetani nya mati.

Dzindzimo 69:16

Uwe Pfhumu Nungungulu, nyi hakhe, kholu lihaladzo lago khyadi ngudzu; nyi wone khu wuwadi wago nya wungi.

Dzindzimo 86:15

Aholu uwe Pfhumu, u Nungungulu u pwelago gisiro u tade khu wuhindzi, u ngu timisela, u tade khu wuhindzi ni lisine.

Ekisodha 34:6

Pfhumu Nungungulu a di vbindra mbeli gwaye, a gu ganela, khuye: “Pfhumu Nungungulu! Pfhumu Nungungulu! Nungungulu nya wuhindzi ni gupwela wusiwana; A hwelago gu goroga, A tadego khu wuwadi ni gutumbega,

Isaya 55:7

Muthu nya guvivbedwe khu monyo a na dige ndzila yaye nya guwegele, ni oyu nyamba lulama a na dige mipimiso yaye; a na vbindrugedze mavbanyelo a wuya ga Pfhumu Nungungulu, uye a na mu pwela gisiro, wuyani ga Nungungulu wathu, kholu tade khu wuhindzi ni gutsetselela.

Jeremiya 33:3

Nyi rane, eni nyi na gu ninga phindrulo, nyi na gu tivisa silo si sihadego, esi u si sitigo.

Ezekiyeli 36:33

Mune Pfhumu Nungungulu, a ngu ganela kharati, khuye: Litshiguni nyi na gu mi agisago guvivbani gwanu gwatshavbo, nyi na wusedza madhoropa, nyi vbahedza malanga ma nga khungumudwa.

Ezekiyeli 36:37

Mune Pfhumu Nungungulu, a ngu ganela kharati, khuye: Ambari khu esi, nyi nga na gu dzumedzisa gukheni va na Israyeli, va na gire nombelo, va nyi lomba gukhavo nyi va phase, nyi andrisa vathu vawe kha nga tshambi nya dzinvuta.

Dhaniyeli 9:9

Pfhumu Nungungulu wathu, a na ni wuhindzi ni gu tsetselela, ambari hi mu ghohedego,

Joyele 2:13

Pferulani myonyo yanu, nasiri guambala gwanu, vbindrugedzani mu wuye ga Pfhumu Nungungulu wanu; kholu uye a na ni wuhindzi, ni gu pwela gisiro, a hwelago gu goroga, na tadego khu wuwadi, a ngu thindregisa makungo nya gu gu tsayise.

Jona 4:2

A di lombelela ga Pfhumu Nungungulu, khuye: “Oh! Pfhumu Nungungulu! Ina khandriso esi nyi nga gu embelago, na nyi ngari tigoni gwangu, gani? Khiso si nga nyi gira nyi thava nyi tutumela tigoni ga Tarisisi, kholu nyi di gu dziti gukheni uwe u Nungungulu nya wuhigo, u tadego khu wuhindzi, u hwelago gugoroga, na wu tade khu wuwadi, u si goligo gu gira silo nyamba sadi.

Mikeya 7:18

Khu mani uwe Nungungulu a fananago ni uwe, u tsetselelago guvivba, ni gu divalela guyeyisa ga mitshaledwa nya thomba yago? Pfhumu Nungungulu kha khali na gu vbisega khu likhulo gikhati gyatshavbo, kholu a gu tsaka khu gupwela wuhindzi.

Johane 4:10

Jesu a di mu hakha, khuye: “Nari pwani u ngu wuti wuhigo wa Nungungulu ni oyu a gukhuye: ‘Nyivbe mati nyi sele’, uwe khuwe u nga vbweta gu mu lomba, uye na gu ninga mati nya guvbanye.”

Mithumo 2:21

Muthu watshavbo a gu lombelela khu lina la Pfhumu a na vbanyiswa.’

Vaefeso 2:4

Aholu, Nungungulu tade khu wuwadi nya wukhongolo, khu lihaladzo laye nya likhongolo a hi godego khilo.