Dzindzimo 86:12 - Bhibhiliya Nya Guage

¹² Nyi na gu bonga Pfhumu Nungungulu wangu, khu monyo wangu watshavbo, nyi na dhumisa lina lago kala gupindruga,

Dzindzimo 86:12 Iomraidhean Croise

1 Dzikoronika 29:13

Khu guralo, olu Uwe Nungungulu wathu, ethu hi ngu gu bonga ni gu rungudza lina lago nya wudhumo.

1 Dzikoronika 29:20

Khavbo avbo, Dhavhidhe a di embela tshangano watshavbo, khuye: “Olu dhumisani Pfhumu Nungungulu wanu!” Khavbo avbo, tshangano watshavbo wu di dhumisa Pfhumu Nungungulu wa vababe vawe, va noga va thega khu dzikhovbe mbeli ga Pfhumu Nungungulu ni ga mufumeli.

Dzindzimo 104:33

Nyi na embelela ga Pfhumu Nungungulu na nyi nga gu vbanya, nyi dhumisa Pfhumu Nungungulu wangu na nyi ngari mafuni.

Dzindzimo 34:1

Nyi na rungudza Pfhumu Nungungulu gikhati gyatshavbo, Likana langu li na embelela wudhumo waye kala gupindruga.

Dzindzimo 9:1

Nyi na gu bonga, Pfhumu Nungungulu, khu monyo wangu watshavbo, nyi na huwelela mithumo yago yatshavbo!

Dzindzimo 9:2

Nyi na tsaka nyi nengela khu uwe, nyi na dhumisa lina lago khu dzindzimo, uwe u khusegidego vbatshani ngudzu.

Isaya 12:1

Ga litshigu lolo, u na embelela, khuwe: “Nyi ngu gu bonga uwe Pfhumu Nungungulu, kholu, ambari nyi gu gorosidego, olu U duside likhulo lago avbo gwangu. Uwe u ngu nyi tangadzisa.”

Mithumo 8:36

Na va gimbide va di mana wulanga nya mati, Muetiyopi a di embela Filipi, khuye: “Mati aya. Ginani gi nyi himbedzago gubhapatiswa?”

Varoma 15:6

Gasi mwatshavbo gumogo, khu lito limwedo, mu rungudza Nungungulu Babe wa Pfhumu yathu Jesu Kristo.

1 Vakorinto 10:31

Khu kharato, gani mwa gu hodza, gani mwa gu sela, ni gevbini gimbe gilo mu girago, satshavbo girelani gu rungudza Nungungulu.

1 Vakorinto 6:20

kholu a mi rengide khu tengo nya wungi. Khu kharalo, rungudzani Nungungulu milini gwanu ni hefemuloni gwanu.

Vaefeso 5:19

Tiyiselanani khu dzindzimo, ni sizimba, mu gu embelela ni gurungudza Pfhumu khu monyo wanu watshavbo.

Dhewuteronome 6:5

U na haladza Pfhumu Nungungulu wago, khu monyo wago watshavbo, ni hefemulo wago watshavbo, ni tshivba yago yatshavbo.