Dzindzimo 85:6 - Bhibhiliya Nya Guage

⁶ Ina khu na nga hi vbanyisa gambe, gasi vathu vago va nengele khu uwe, gani?

Dzindzimo 85:6 Iomraidhean Croise

Dzindzimo 138:7

Nya gu bani nyiri vbakari nya dzimhango, uwe u ngu nyi vbanyisa, wa gu thawuludza libogo lago la nyamudye u nyi vhikela ga valala vangu; u nyi vbanyisa khu tshivba yago.

Dzindzimo 149:2

Israyeli a na nengele ga Muvangi waye, vathu va Siyoni va na tsakele Pfhumu yawe.

Dzindzimo 53:6

Nari gupwani khu Siyoni gu ngu duga guvbanyiswa ga Israyeli! Gikhati Nungungulu a na wuyisago makategwa ya vathu vaye, va na Jakobe va na womba mikulungwane, ni Israyeli a na nengela ngudzu.

Dzindzimo 71:20

Uwe u nyi vbindriside khu vbakari nya sigaradzo ni mabango nya gutale, u na nyi vbanyisa nyaluphye, u nyi dusa vbakari nya lufu.

Dzindzimo 74:1

Uwe Nungungulu, khu ginani u hi digelago muphelo? Khu ginani u wuselago likhulo dzinvuta nya tshambi wago?

Dzindzimo 77:8

Ina lihaladzo laye li vbede kamwe, gani? Ina gitumbiso gyaye gi vbelede muphelo, gani?

Dzindzimo 80:18

Olu kha hi na hambana gambe nago; sayisa guvbanya gwathu, ethu hi na dhumisa lina lago.

Dzindzimo 90:14

Hi khurise khu lihaladzo lago na gu ngari dzimindru, gasi hi fela gutsaka hi embelela hi nengela matshigu yathu yatshavbo.

Isaya 57:15

Kholu a gu ganela kharati, wule a Khusegidego, a guromo vbatshani ngudzu, a vbanyago kala gupindruga; uye a gu ni lina li Agidego, khuye: “Eni nya gu vbanyela wulanga wu agidego wu guromo vbatshani ngudzu, aholu nya gu vbanya gambe gumogo ni avo va khuvekidego ni vale va vbedego tshivba, gasi gu tiyisa vale va vbedego tshivba ni gu tiyisa myonyo ya vale va khuvegidego.

Jeremiya 3:5

“U na vegedza likhulo laye gikhati gyatshavbo, gani? Mwendro u na mu sayisa gikhati gyatshavbo? Wona, u ganede esi khu likana basi, aholu u di simama gu ghoha.”

Jeremiya 33:11

malito nya gutsake ni gunengela, malito ya mudzegi ni ya oyu a dzegwago, malito ya vale va resago miningelo nya gubonge, na va gukhavo: Rungudzani Pfhumu Nungungulu, nya Tshivba Yatshavbo, kholu uye khwadi, wuhindzi waye wu ngu simama kala gupindruga; ni malito ya avo va resago rungudzo Nyumbani ga Pfhumu Nungungulu; kholu, nyi na va wuyisa khu wugumbitunu va wuya tigoni vata khala kha nga guhegulani, a ngu ganela Pfhumu Nungungulu.

Hoseya 6:2

Khu hwane nya matshigu mavili basi, a na wuyisa nyaluphye guvbanya gwathu, khilo nya wuraru, a na hi wusa, hi vbanya mbeli gwaye.

Habhakuka 3:2

Uwe Pfhumu Nungungulu, nyi pwide na gu ganedwa khu ndruma yago; nya gu wona sigiro sago Pfhumu Nungungulu, nya gu ndrendremela. Wusedza nyaluphye mithumo yago matshigwanaya; ma tidwa ga gikhati gegi gyathu; likhulo lago, li alakanye khu wuhindzi.