Dzindzimo 84:9 - Bhibhiliya Nya Guage

⁹ Uwe Nungungulu muvhikeli wathu, kategisa wule u mu hathidego gu khala mufumeli.

Dzindzimo 84:9 Iomraidhean Croise

Genesi 15:1

Hwane nya satshavbo sesi, Pfhumu Nungungulu a di wonega ga Abrama a mu embela, khuye: “U nga thavi Abrama. Eni kheni Muvhikeli wago; u na hakha tshatshazelo nya yikhongolo ngudzu.”

2 Samuweli 23:1

Magana nya guhegise ya Dhavhidhe, khaya: “Magana ya Dhavhidhe, mwamana wa Jese, magana ya muthu a khusegidego, a todzidwego wa Nungungulu wa Jakobe, muembeleli nya dzindzimo dza na Israyeli.

2 Dzikoronika 6:42

Oh! Pfhumu Nungungulu, U nga pfhurareli muthu wago U mu todzidego khu mafura; dundruga wuhindzi U giredego githumi gyago Dhavhidhe.”

Dzindzimo 132:17

Nyi na wusa vbale tshivba nya wufumu wa Dhavhidhe, nyi nyi dongisela wenengedzo wa mufumeli nyi mu hathidego.

Dzindzimo 17:1

Yingisa Pfhumu Nungungulu, gululama nya mahungu yangu, hakha gulila gwangu; yingisa nombelo wangu, kha wu dugi khu kanani nya malipha.

Dzindzimo 2:2

Vafumeli nya litigo va wugide, manganagana ma ngu gira gikungo ma wugela Pfhumu Nungungulu ni gihathwa gyaye, khavo:

Dzindzimo 2:6

“Kheni nyi nga emisa mufumeli wangu vbatshani nya gigomo gyangu nya gukatege gya Siyoni.”

Dzindzimo 3:3

Aholu, uwe Pfhumu Nungungulu, u gitshangu gyangu, khuwe wuzundzo wangu, khuwe u nyi khusedzago.

Dzindzimo 59:11

Uwe Pfhumu u nga vbedzi valala vangu khu gu va songa, aholu va vbedze tshivba va pepetega ni mayigo, gasi vathu va na gyathu va si divali guvivba gwawe.

Dzindzimo 84:11

Kholu Nungungulu khuye lidambo ni muvhikeli; Pfhumu Nungungulu a ngu ninga wuhigo ni wudhumo; Uye kha bombi gu girela wuwadi vale va girago ndruda.

Dzindzimo 89:20

Nyi mane githumi gyangu Dhavhidhe; nyi mu todzide hungoni khu mafura yangu nya gukatege.

Dzindzimo 98:1

Embani ga Pfhumu Nungungulu ndzimo nya yiphya, kholu uye a ngu gira sisamadziso! Uye pade khu tshivba nya libogo laye la nyamudye, khu gyandza gyaye nya gukatege pade mayigo.

Mithumo 4:27

Khidzo khu lisine, Pontiyo Pilato ni Herodhi, gumogo ni va nya mayigo ni mahundzu yatshavbo ya Israyeli va hengede gumogo dhoropani momu, va gu wugela githumi gyago nya gukatege, Jesu u nga mu todzago mafura nya wufumu,

Dhewuteronome 33:29

U kategide uwe Israyeli! Khu mani a fananago nago, uwe u gu litigo u vbanyiswago khu Pfhumu Nungungulu! A gu gitshangu gyago gi gu vhikelago, ni litshari nya wugulu wago! Valala vago va na khoziswa mbeli gwago, aholu uwe u na gandredzela malanga yawe nya sigomo!

1 Samuweli 16:6

Avbo va nga bani na va bela, a di wona Eliyabhi a ganela khu monyoni, khuye: Khu lisine oyu khuye a todzidwego wa Pfhumu Nungungulu.

1 Samuweli 2:10

Valala va Nungungulu va na pandreledwa; vbatshani gwawe, gu na pandra mabara khu ndzadzini. Pfhumu Nungungulu a na lamula mahegiso nya litigo; Uye a na ninga tshivba mufumeli waye, a na khusedza tshivba ya gihathwa gyaye.”