Dzindzimo 84:7 - Bhibhiliya Nya Guage

⁷ Na va gu gimbila, tshivba yawe ya guya na yi gu engedzelana litshigu ni litshigu, kala va gu vboha mbeli ga Nungungulu, gigomoni gya Siyoni, va ta wona khovbe yago.

Dzindzimo 84:7 Iomraidhean Croise

Joba 17:9

Aholu, muthu nya gululame a na simama ndzilani gwaye, ni avo mandza yawe ma agidego, va na simama va mana tshivba.

Dzindzimo 122:2

Migondro yathu yi vbohide dzinyangwani gwago uwe Jerusalema!

Dzindzimo 42:2

Hefemulo wangu wu na ni lidora la Nungungulu, Nungungulu a vbanyago; lini nyi na guta nyi ta wonega mbeli nya khovbe ya Nungungulu?

Dzindzimo 43:3

Rumela wenengedzo ni lisine lago, gasi u nyi wenengedzele ndzila nya gugwele gigomoni gyago nya gukatege ni gu hongola mitshatshani gwago.

Mavingu 4:18

Aholu ndzila ya va nya gululama ya gu wenengedza kha nga wuronga nya gugye, wu wenengedzago kala gu gira safa nya mihani.

Isaya 40:31

aholu vale va tumbago Pfhumu Nungungulu, va na wusedzwa tshivba yawe, va vbuvba khu mambapi gu fanana ni maghama, va na tutuma nyamba garala, va gimbila nyamba vbela tshivba.

Isaya 46:13

Nyi ngu resa gululama gwangu, gambe gu mwalo hwindzo; ni guvbanyisa gwangu kha gu na hwela. Nyi na vega guvbanyisa gigomoni ga Siyoni, ni tigoni ga Israyeli, nyi na wusedza wudhumo wangu.

Isaya 58:11

Pfhumu Nungungulu a na gu thangela gikhati gyatshavbo, malangani nya gihala gu na ninga iso u si vbwetago, ni gu tiyisa marambo yago; u khala kha nga lithembwe nya senge li theledzedwago mati, ni gifefe nya mati ma gumba vbela.

Jeremiya 31:6

Kholu, li na vboha litshigu dzighadhi dzi na gu laledzago khu musigomoni sa Efrayimi, khidzo: “Khugani mu eme! Hi gwela Siyoni, mbeli ga Pfhumu Nungungulu wathu.”

Ezekiyeli 34:26

Eni nyi na dzi kategisa nyi kategisa gambe malanga ma randredego gigomwana gyangu; nyi na wisa ndzadzi khu gikhati gyakone, a na bani nari ndzadzi nya makategwa.

Zakariya 14:16

Mitshaledwa nya mayigo yatshavbo ma nga dwanago ni Jerusalema, khu mwaga ni mwaga yi na gwela yi ta khozela Mufumeli, Pfhumu Nungungulu nya Tshivba Yatshavbo, ni guya gira Buzo nya Mitshatsha.

Luka 2:24

ni guya gira ningelo nya matuva mavili, khonge ni mbaha mwendro sipombana sivili, kha nga guruma nya Nayo wa Pfhumu.

Johane 1:16

Khu gutadzisega gwaye khu wuhigo, khavbo hi kodzago ethu hatshavbo, gu hakha nethu khavbo gwaye talo nya wuhigo watshavbo.

Johane 14:3

Nyi na wuya gambe nyita mi dzegani, gasi avbo nyi na bani nyi romo, mu manege nenu.

Johane 15:2

Ni levbini litamo li nyi lumbago, la gumba ninga mihandro, uye a na li pila; gasi lile li ningago mihandro, a ngu li thena, li fela gu ninga mihandro nya yingi.

Johane 6:39

Gugola ga uye a nyi rumedego khu gukhuye nyi si luzisi ni moyo nya vale a nyi ningidego, aholu nyi va wusa litshigu nya mahegiso.

2 Vakorinto 3:18

Ethu hatshavbo na hi funungude khovbe, hi khedza libona nya wudhumo wa Pfhumu hi ngu vbindrugedza khu wuzundzo ni wudhumo, hi fanana Naye, hi khedziga gikhati gyatshavbo khu tshivba nya Liphuvbo la Pfhumu.

Dhewuteronome 16:16

Vama vatshavbo va na gyanu, va fanede guya dzi wonegisa mbeli ga Pfhumu Nungungulu wago, nyondro tharu khu mwaga wulangani a na wu hathago, khu Buzo nya Sibaba nyambana Mela, ni ga Buzo nya Dzisemana, ni ga Buzo nya Mitshatsha; aholu u nga hongoli nyamba phara gilo mandzani gwago mbeli ga Pfhumu Nungungulu;

1 Vatesalonika 4:17

Khu hwane, ethu hi vbanyago, hi na ya hakhwa gumogo navo mapfhini, na hi gu khinga Pfhumu ndrengelengeni. Khu guralo, hi na khala ni Pfhumu kala gupindruga.

2 Pedro 3:18

Aholu, simamani gudandra khu wuhigo ni guti ga Pfhumu, Muvbanyisi wathu Jesu Kristo. Wudhumo ga uye, olu ni gikhati gyatshavbo. Amen.