Khidzimani mawundruni ga mwamana gasi a si gorogi, mu si mbembi na mu ngari ndzilani, kholu hwane nya gikhatinyana a na tala khu likhulo. Va kategide vatshavbo vale va thavelago gwaye.
Ambari khu guralo, Pfhumu Nungungulu a ngu lirela litshigu nya gu mi pwele wuhindzi; Uye a na simama a mi pwela wusiwana, kholu Pfhumu Nungungulu nya gululame; va kategide vatshavbo vale va mu tumbago.
Khu mani vbakari gwanu a ningago githawo Pfhumu Nungungulu, a yingisago lito la githumi gyaye? A gu gimbila mugidemani nyambana wenengedzo, a na tumbe lina la Pfhumu Nungungulu, a na vege gitumbo gyaye ga Nungungulu waye.
Lidambo kha li na khala gambe wenengedzo wago wa vbamihanitunu, ambari gu wengwa khu ngima, kholu Pfhumu Nungungulu a na bani ari uye wenengedzo wago kala gupindruga, Nungungulu wago a na bani ari uye wudhumo wago.