Dzindzimo 83:3 - Bhibhiliya Nya Guage

³ Va gu luga mano nya guwugele vathu vago, va hunga gikungo nya gusonge avo U va sayisago!

Dzindzimo 83:3 Iomraidhean Croise

Dzindzimo 10:9

A gu varama kha nghala yi guromo phalani gwaye, a vandramela gasi gu mola gisiwana; a gi ndrindrela phalani gwaye.

Dzindzimo 2:1

Khu ginani va nya mayigo va wusago pfilupfilu? Khu ginani va hungago gikungo nyamba phasa gilo?

Dzindzimo 27:5

Kholu uye a ngu nyi siha Tshatshani gwaye, litshigu nya sigaradzo; a gu nyi siha gusihalani nya Tshatsha waye; a nyi khusedza vbatshani nya giwindri.

Dzindzimo 31:20

Uwe u na va siha sihaloni nya khovbe yago, hwindzo nya mayunga nya vathu u gu va siha tshatshani gwago, hwindzo nya malimi ma fakazago malipha.

Dzindzimo 56:6

Va gu tshangana va sihala, va nyi holela umo nyi gimbilelago umo, na va gu virela gikhati nya gu nyi songe.

Dzindzimo 64:2

Nyi vbulugise ga makungo nya guvivbe ni ga vathu va girago guvivba,

Dzindzimo 91:1

Muthu wule a thavelago ga Pfhumu Nungungulu a guromo vbatshani ngudzu, a hefemulago mutsani ga mune nya Tshivba Yatshavbo,

Ekisodha 1:10

Gu vbweta hi dzi wonela gwawe, gasi va si simami va velegelana, gasi ya gu dugelela nyimbi, va si emi ni valala vathu va hi wugela va kodza gu duga tigoni momu.”

Vakolosi 3:3

kholu enu mu fude ni Kristo, guvbanya gwanu gu sihidwe gumogo ni Kristo ga Nungungulu.

1 Samuweli 13:19

Khu gikhati gyogyo, tigoni gwatshavbo ga Israyeli, gu diri mwalo mupfhuli nya dzisimbi, kholu Vafilisitiya va di ganede, khavo: “Vahebheru va na gire matshari mwendro sighalala.”