Dzindzimo 83:2 - Bhibhiliya Nya Guage

² Wona, valala vago, va ngu gira pfilupfilu, ni avo va gu vengago va ngu dzi khusa va Gu wugela.

Dzindzimo 83:2 Iomraidhean Croise

2 Dzipfhumu 19:28

Khu kotani nya olu u gu ni likhulo ngudzu khu eni, kholu gu nyi wugela gwago, gu litide kala dzindzeveni gwangu khu guralo, nyi na gu thela khalo dzithonvuni gwago, ni matamo kanani gwago, nyi bwelo khavbo nyi gu bweledza khu ndzila u dzudego khiyo.”

Dzindzimo 109:1

Uwe Nungungulu, nyi gu dhumisago, U nga nyi deguleli!

Dzindzimo 74:23

U nga divali dzihuwa dza valala vago, ni ligwaha va li girago matshigu yatshavbo avo va gu wugelago.

Dzindzimo 74:4

Valala va di ghiya, va embelela, va tsaka nyumbani gwago nya miphaso. Va di ghwimba umo dzingavbya dzawe, va yeyedza gupala.

Dzindzimo 81:15

Vale va vengago Pfhumu Nungungulu va di hadza gu khidzima migondroni gwangu, tsayiso wawe wi di hadza gu simama kala gupindruga.

Dzindzimo 93:3

Pfhumu Nungungulu, mitsongo yi gugumugide, linene li khuside gu dzuma nya lito laye; linene li khusedzide mavimbi li gu dzuma.

Isaya 17:12

Yowe! Gupwala huwa nya sidzemo nya mayigo nya mangi; kha nga gudzuma nya linene, ni ligwaha nya vathu nya mayigo, va dzumago kha nga mavimbi!

Isaya 37:23

Gasi khu mani u mu poyidego ni gu mu vala? Khu mani u mu khusedzedego lito ni maho yago nya gu dzi dandrise? U di girela Nyaguage wa Israyeli!

Isaya 37:29

Khu kotani nya likhulo u gu nalo ni Eni, ni matshandza yago ma litide kala dzindzeveni Gwangu, wona nya gukhuwe nyi na gu pola thonvu nyi gu thela khalo, nyi gu thela matomu kanani nyi gu bweledza khu ndzila u dzudego khiyo.

Jeremiya 1:19

“Va na dwana nago, aholu kha va na gu pala; kholu eni nyi na bani nyiri nago gasi gu gu vbulugisa; a ngu ganela Pfhumu Nungungulu.”

Matewu 27:24

Pilato, na wonide khuye kha gu phasi gilo gu ganedzisana navo, bwelo khavbo, na wonide khuye ligwaha li diya na li engedzelana, a di ranisa mati, a gu hamba mandza mahoni nya gidzemo gyatshavbo, na gukhuye: “Nyi mwalo nandru vbalufutunu nya muthu yoyu nya ndruda! Ahati enu vamune.”

Mithumo 16:22

Gidzemo gyatshavbo gi di va wugela, dzindruna dzi va pferulela dzingandzu, va ruma gu va kwamula khu dzimboma.

Mithumo 17:5

Vajudha va di tala khu lidiwo va gu ramba sighevenga, va wusa pfilupfilu dhoropani gwatshavbo. Va di bela ndrangani ga Jasoni va vbweta Pawulo ni Silasi gasi gu va yisa vbakari nya vathu.

Mithumo 21:30

Gu di manega nyenganyenga dhoropani gwatshavbo, gu di vboha talo nya vathu khu maphuvbo yatshavbo. Khavbo avbo, va di pfinya Pawulo, va mu ndrindrandrindra va duga naye vbavbandze nya Nyumba ya Nungungulu, va sega malimba.

Mithumo 22:22

Va di mu yingisela kala a ganela magana yaya. Khavbo avbo,; va di phela gu gulumela, khavo: “A na fuve muthu yoyu mafuni! Mwalo fanelo nya guvbanye.”

Mithumo 23:10

Guganedzisana gu di engedzelana khu tshivba. Ndruna, khu gu thava gu khiyo Pawulo a nga vbadzuledwa khavo, yi di ruma vanyakasane gu tshiga vaya dusa Pawulo vbakari gwawe, va mu bedza libhiyoni.

Valamuli 8:28

Khu guralo, Vamedhiyani va di vetwa mbeli ga va na Israyeli, gima kha va nga khusa gambe hungo wawe; litigo li di khala gurulani gipimo nya magumana myaga gikhatini ga Gidhiyoni.