Dzindzimo 82:5 - Bhibhiliya Nya Guage

⁵ Sipumbu kha siti gilo, sa gu vbanya gidemani; giseketelo nya nayo ni gululama tigoni, gi ngu tsekatsekiswa.

Dzindzimo 82:5 Iomraidhean Croise

Joba 8:9

kholu ethu hi velegidwego matshigu yaya, kha hi pimi gilo. Kholu guvbanya gwathu gwa mafuni momu, gwa gu fanana ni mutsa wu vbindrago.

Dzindzimo 11:3

Kholu ma gu khuyuledwa madingo, ginani a na gu girago gambe muthu nya gululame?

Dzindzimo 14:4

Ina va nya guvivba vatshavbo kha va pimi gilo, gani? Va gu tsagudzela vathu vangu, nga khwatshi va gu hodza gibaba, nyamba rana lina la Pfhumu Nungungulu.

Dzindzimo 53:4

Ina kha va pimi avo va girago guvivba; va tsagudzelago vathu vangu kha nga guhodza, gani? Avo kha va alakanyi Nungungulu.

Dzindzimo 75:3

Li na ndrendremele litigo ni vathu va vbanyago umo, ambari khu guralo, nyi nga na gu tiyisa madingo yaye.

Dzindzimo 99:1

Pfhumu Nungungulu a ngu fuma! Ma na ndrendremele mayigo. Khade vbatshani nya dzikerubhimi li ngu khuyuga litigo.

Mavingu 1:29

Kholu mu di bomba guti, mu si dzumeli guthava Pfhumu Nungungulu;

Mavingu 2:13

vale va hambanago ni ndzila nya gululame, va gimbila khu ndzila nya gidema;

Mavingu 4:19

Aholu ndzila ya va nya guvivbedwa khu myonyo ya gu fanana ni gidema nya guthise, va gumba wona ni gilo gi va ghumulago.

Muhevbudzi 2:14

Muthu nya guti a ngu wona umo a hongolago, aholu gipumbu gya gu gimbila mugidemani. Ambari ulo nyi ngu pima gukheni vatshavbo mahegiso yawe mamowo.

Muhevbudzi 3:16

Hwane nya isoso, nyi wonide gambe esi mafuni momu; guvivba gu di fuma wulangani nya wulamuli, ni gighoho gi fuma wulangani nya gululame.

Isaya 5:7

Kholu lithembwe nya miuvha la Pfhumu Nungungulu nya Tshivba Yatshavbo, khu nyumba ya Israyeli, ni vathu va Judha, khavo dzimbewu a nga bani a dzi lirela gu mu tsakisa; Uye a di gu lirela gu wona gwawe gululama, aholu gu di wonega basi gusongana; a di gu lirela gu wona nayo ni lisine, aholu a dipwa basi dzihuwa ni miketo.

Isaya 59:9

Khu guralo, gulamudwa gu ngari hwindzo ni ethu, guvbanyiswa kha gu vbohi vbafuvbi gwathu. Ha gu vbweta wenengedzo, ha gu wona gidema basi; hi vbweta gu gimbila khu safa nya mihani, aholu hi mana gidema.

Mikeya 3:1

Nyi di engedza nyi ganela, kheni: Yingisani enu mu gu vathangeli va Jakobe, ni enu vafumeli nya ndranga ya Israyeli; ina khandri enu mu yelago guti gululama, gani?

Johane 12:35

Khavbo avbo, Jesu a di va embela, khuye: “Gikhati gegi mu ngari ni guwonegela; gimbilani na mu ngari ni guwonegela gasi mu si manwi khu gidema. Uye a gimbilago gidemani kha guti umo a yago.

Johane 3:19

“Igyo gi na va mbembisago, khegi: Guwonegela gu dzude mafuni, aholu vathu va di gola ngudzu gidema guvbindra guwonegela, kholu mithumo yawe yi vivbide.

Varoma 1:28

Kha nga avo va ngamba thela kota khu guti Nungungulu, Nungungulu nuye a di va diga va landra mapimo yawe nya guhandruge, gasi va gire iso nyamba yela.

2 Thimoti 2:19

Aholu tiyiso wu nga emiswa khu Nungungulu wu tiyide, wari khuwo: “Pfhumu a ngu va ti avo va gu vaye.” Gu lovidwe gambe pwani: “Vatshavbo vale va dhumisago lina la Pfhumu, kha va beli guvivbani.”

1 Johane 2:11

Oyu a vengago ndriyaye a gu vbanya gidemani, a gu gimbila gusivbalani, nyamba guti umo ayago umo, kholu gidema gi segide maho yaye.